2 JUAN 1:8 - Wanaadi A'deddu

⁸ Äädai’chätääcä, äncana’cadööcomo mma manennanö’cato’no, yä’jödöödääne adheeje’jocoomo eiye.

2 JUAN 1:8 Iomraidhean Croise

MATEO 24:4

Jesuuquidiito cönä’döaacä chäwwäiñe: —Odhoowoinchadäiñe’da eichäcä, anejja wwä mätäncu’tojooto’no.

MAADOCO 13:23

Odhoowoinchadäiñe’da eichäcä’de änwanno; tameedä äwwäiñe wecammajäätöi dhowaajodä.

MAADOCO 13:9

“Odhoowoinchadäiñe’da eichäcä’de änwanno. Yaawä soto ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de. Sootoije aweichöcoomo jo’tädööje acu’shänä wwadäädä adhaadäaato’de, cajiichaanacoomo wwadäädä mmaja. Yää na’de äwwäiñe ya’deddu ecammajo’tojo ñeetadööcomooje.

DUUCA 19:19

Ñäädä wwä mmaja ñäädä Cajiichaana cönä’döa’dea: “Amäädä ma’de ijaatoodea jata edhaajäje;” quee.

DUUCA 21:8

Jesuuquidiito cönä’döaacä chäwwäiñe: —Odhoowoinchadäiñe’da eichäcä, mätäncu’tojooto’no. Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe; “Chu’nädö aca nä’döi eduuwa;” quee töwä’döancädäiñe mmaja. Dha’dedducoomo mma maneetatäi’che.

JUAN 4:36

Ñäädä natö amu’nei’jödö täjeema töweiye nai. Töwö ñi’jumma’jödö yeichöödoto yeichojooje na. Yaawä a’nädä ta’cwaiñe eijai ñaato, ñaatö’tänei’jödö acä amu’nei’jödö.

1 CODINTIYO 15:8

Yaatameedöje jeene öwwä daja cönäänejoi chea yaawä. Öwö wä’jaaquene yaawä tucu’nädö awä’da shiichu’cä töwennue töweiye naichöje.

1 CODINTIYO 3:14

Yää maa amääajä ätucca’da yeiya’jäcä, töweiye na’de amäänei’jödö eje’jödö.

1 CODINTIYO 3:8

Äänönge naato ñaatö’tänei’jödö acä töjöönei’jödö; chääwaadäiñe chääje’jödö nä’tua’de chaadawaajuichomo’jödö ’cäwa’cä mma.

CAADATA 3:4

¿Töwäädämmaane’ jooje mäntunaanö’täne? Töwäädämma’daane yei’she wa.

CAADATA 4:11

Töwäädämmato nönge äjääcäiñe weetadaawa’cajo’jödö nichö’ta öwwä.

JIDIIPENSE 3:16

Yää queejodöötäneedö woije mmaane cötö’tajä’täiye; yää woije queichäiye.

EEWEDEO 10:32

Ätö’tatääcä jenaadä awei’jocoomo jäcä; yaawä ä’weijoonöje aweichöcoomo joojato wäntunaanö’nä tönshinchä mä’ja’quene.

EEWEDEO 10:35

Yääje yeijäcä aneecamjödööcomo mäncuna’matäi; yää aneecamjödööcomo eje’jödö adai’jä na’de.

EEWEDEO 12:15

Äädai’chätääcä, anejja mma adhantawaiñe Wanaadi nutuudu aneejodö’da ei’ño; conemjönö mma adhantawäiñe mmaja eja’ca’no tameedä ocoone’maneichomooje, adheeme’täneichomooje mmaja, imiichö conemjönö wa’taajä töjimmä töncone’ma töweiye naichöje.

APOOCADIISI 3:11

Eduuwa mma wöta adöiña. Täijeene ajäichä yää äwwä naadö, adheeje’jödö que mma mätänwajiiñajo’no.