2 JUAN 1:5 - Wanaadi A'deddu

⁵ Edääje wä’döa äwwä, amäädä jaaduichö: Cä’jummatäiye cönwannoje dea. Eduuwaato waanontänääjönö mädä äwwadäädä wimennaadö, yaajäntä’jödö jonnoto’jödöödä cöwwäiñe naadö deaane.

2 JUAN 1:5 Iomraidhean Croise

JUAN 15:12

Edä yää öwö waanontädö: Ä’jummatääcä öwö mämjummaatoodöje mmaja.

JUAN 15:17

Edääje manaanontaato: Ä’jummatääcä.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

1 TEESADOONISENSE 4:9

Töweichacoono ijummadö jäcä mmaane äwwadäädäiñe tömennämje’da na; Wanaadi chea odhoowanoomatäiñe weneene äwä’jummadööcomo jäcä.

EEWEDEO 13:1

Äwä’jummadööcomo mane’nomjatäi’che, quedeiyentecoomo töweiye naichodööje deaane.

1 PEEDHODO 4:8

Mädä de’wä mmaja jeene adheewanööcomo jadäädä ä’jummatääcä, wä’jummanä jooje conemjönö töneetatannä’ca yeijäcä.

2 PEEDHODO 1:7

Wanaadi woije weiñä jadä ’quene, töweichacoono jäcä ta’cwaiñe weiñä daja mejoodöjootäiyede; töweichacoono jäcä ta’cwaiñe weiñä jadä ’quene wä’jummanä daja.

1 JUAN 3:11

Edä yää wätunnä yaajäntä’jödö jonnoto’jödöödä töneeta määnetäänedö: Cä’jummatäiye cönwannoje dea.

1 JUAN 3:23

Wanaadi waanontä’jödö yää Iiñedö Jesuuquidiito ecamjödö, cöwä’jummadööcomo mmaja, töwö canonta’quennöje dea.

1 JUAN 4:20

Ñäädä edääjato wä’dödö: “Wanaadi tumjumma öwö;” queeto wä’dödö töweichacoono tönquiiñeme’que töweichaamato, töwä’dunaato ñäädä. Töweichacoono eneetaame ämjumma’da yeiya’jäcä ¿aaquene mmaja Wanaadi ämjummadö deaade’, ñäädä töneene’jödööjönöödä?

2 JUAN 1:1

Öwö, ansiyaano, wimenna äwwadäädä, amäädä jaaduichö, Wanaadi neichö, ännacoomo wwadäädäiñe mmaja. Öwö mämjummaato chäänöngato que, öwö mmajöönö, tameedä chäänöngato dhowaanoco’como mmajaane.