2 JUAN 1:12 - Wanaadi A'deddu

¹² Jooje äwwäiñe täcammajä’emö naadö’je öwwä, yaawääne’ jajeeda jäcä ämmennä’da wa. Öwö jaiñoone adöiñaiñe öötä’se wa adheeneiñe, ääje’tacaane ca’deujä’täiye, chääwa’cä jeene ca’cwaniiyöcoomo eiye yaawä.

2 JUAN 1:12 Iomraidhean Croise

JUAN 15:11

“Mädääje äwwäiñe ya’deuwa öwö ya’cwaniiyö ’je aweichöcoomo wetä, chäänönge jeene adha’cwaniiyöcoomo eiye.

JUAN 16:12

“Jooje dea na äwwäiñe täcammajä’emö, etaajai’chaane maato eduuwa.

JUAN 16:24

Eduuwa naadö jona tödööene öwö yeetö joi ane’catä’da maato. Eduuwaane öwö yeetö joi ane’ca’täcä’de, chääwa’cä adha’cwaniiyöcoomo weichö wetä.

JUAN 17:13

“Eduuwa wöta adöiña; edä ya’deuwa edä nono de’wä dea weichö, öwö ya’cwaniiyö dea töweiye yeichö wetä chäwwäiñe.

JUAN 3:29

Jötaanawä töweiye naichö naane’, ñäädä töjöötaamööne wodi yö’tä nä’döa. Ñäädä töjöötaamö weichacoono töjöötaamö a’deddu niyoomo’ca; töwö na’cwaincha yaawä ya’deuwödö etaadö’jo. Mädääje wa öwö, ta’cwaiñe wa jooje.

DOMAANO 15:24

yääje yeijäcä Epaña ña öötädaawä ädö’täcäiñe wöta’de. Yaawä numa’cäiche ajaadäiñe wä’döa’jäcä änwanno ö’wa’täjai maato Epaña ña öötädö jäcä.

2 TIIMOTEO 1:4

Awaamo’jödö jäcä tö’tajäätödaawä adheene’se tötö’tajä’e wäänene, ta’cwaiñe weichö wetä yaawä.

JIIDEMÓN 1:22

Adhe’saca wä’dötoojo choonecaacä’de yoowajo. Jääcä Wanaadi wwä awa’deuwödööcomo weijäcä jedeesoje weichö jonno yu’cadö nichö’ta, adöiñaiñe öötädö wetä yaawä.

EEWEDEO 13:19

Jooje Wanaadi wwä öwö jääcä awa’deuwö’seiñe wa, eduuwaiche mma adöiñaiñe wennacaatojo jäcä.

EEWEDEO 13:23

Edääje wä’dö’se wa äwwäiñe: Cöjimmotoncomo Tiimoteo tu’ca na eduuwa jedeesoje yeichö jonno. Eduuwa mma sadä yä’döa’jäcä a’nädä ñaa nöta’de adöiñaiñe.

1 JUAN 1:4

Edä ñaa nimenna äwwadäädäiñe ta’cwaiñe’cä jeene aweichöcoomo wetä.

3 JUAN 1:10

Yääje yeijäcä adöiñaiñe ööta’jäcä tameedä iiñödö wecammajä’a’de, iiña mmädä ñaa jäcä yeewätunnäichadö. Mädä mmajöönö tönnöe weneene, quedeiyentecoomo nwaadoncomo wötäädö aashicha ännö’daiñe mmaja töwö; ñanno aashicha tödö’sa’como wwä ännöjo’da mmaja. Tu’ca mma tunu’ca weneeneto quedeiyentecoomo jadä yeichöcoomo jonno.