2 JUAN 1:1 - Wanaadi A'deddu

¹ Öwö, ansiyaano, wimenna äwwadäädä, amäädä jaaduichö, Wanaadi neichö, ännacoomo wwadäädäiñe mmaja. Öwö mämjummaato chäänöngato que, öwö mmajöönö, tameedä chäänöngato dhowaanoco’como mmajaane.

2 JUAN 1:1 Iomraidhean Croise

DUUCA 1:3

Yääje yeijäcä, öwö mmaja tameedä yää jäcä ecamma’jo’jödö weijäcä öwwä yaajäntä’jödö jonno, aashicha cöntö’taacä öwwä yää wätunnä imennädö äwwadäädä, sa’donna jeene, amäädä Teóojido, aashichaato.

JUAN 8:32

Änwanno odhoowanääcäiñe na’de a’deu chäänöngato; yää a’deu chäänöngato tanontaamoje aweichöcoomo jonno ayu’caato’de; quee cönä’döaacä Jesuuquidiito.

DOSECHO 11:30

Yää töni’jumma’jocoomo ansiyaano Judheea ñancomo wwadäädä cönaadojoicho yaawä Waanawé wwä, Saudo wwä mmaja.

DOMAANO 16:13

Duuju wwadäädä mmaja ya’deujödö wadääja dea, ñäädä quedeiyente täneejucaato; yeenö wwadäädä mmaja, ñäädä maama nönge mmaja öwwä naadö;

CAADATA 2:14

Öwö öwwä eneea’jäcä aashichaato wätunnä wä’dödö nönge’da chäwwäiñe tödöödö, öwö ya’deune yaawä Peedhodo wwä tameedä quedeiyentecoomo we’jumma’como netaadöcoomoje. Edääje wä’döaaquene chäwwä: “Amäädä judhíoje aweichaame judhío weichö ännö’da määnene; judhíojöönö nönge mma määnene. Yääje yeichaame, ¿ane’que’nei canno judhíojöncomo wwä tödööjo’se manä judhío weichö?” quee wä’döaaquene Peedhodo wwä.

CAADATA 2:5

Ñanno woijeiñe she’caasa ei’cha ñaa cöneiyacä, äjääcäinchädäiñe chäänöngeedä yeichö wetä aashichaato wätunnä.

CAADATA 3:1

Änwanno jimmä, Cadaasiya ñancomo, ¿aaquene mädä wa’cä aneene’jutu’da maato? ¿Änääcö ä’jedäätäne chäänöngato wätunnä woije’da aweichöcoomo wetä? Aneetadööcomooje ñaa cöneecammajäätöi Jesuuquidiito cuduusa jäcä yääma’jödö. Yää cönä’jaacä äwwäiñe eneedö wa’cä.

CAADATA 5:7

Änwanno chäänönge maajäntätäänedö’je, ¿änääcö adheemu’dojootäne chäänöngato woije’da aweichöcoomo wetä?

CODOOSENSE 1:5

Änwanno mädääje maato onwomoocödööcomo töweiye yeijäcä, yää caju ña äwwoncomooje tösooma naadö. Jenaadä änwanno metaatäne yää töwoomo’quemö jäcä chäänöngato wätunnä ecammajäätödö que.

1 TIIMOTEO 2:4

Töwö Wanaadi tameedä soto yääwanaaca’seiñe na, tameedä chäänöngato wätunnä dhowaanäcäiñe yei’she na dea.

EEWEDEO 10:26

Chäänöngato cowaanäcäiñe tödöödö’jo cöwoijeiñe conemjönö acaadä cöweiya’comjäcä yaawä, yäätonno anejja saaquidiijiisiyo ’je’da na conemjönö choccajaicho.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 5:1

Edääje mänwätuujaato änwanno quedeiyente antawäiñe ansiyaanoje maatoodö, öwö mmaja ansiyaanoje weijäcä, Jesuuquidiito wäntunamjödö eneenei’jödö mmaja; aashichaato täneejoomöje naadö eneeneije töweiyemö mmaja öwö dea.

1 PEEDHODO 5:13

Quedeiyente Waawidooniya ña naatoodö, maatoodöje eiya’como mmaja, ta’deujocoomo nadääjaato äwwadäädäiñe; önnedö Maadoco mmaja.

1 JUAN 2:21

Chäänöngato odhoowanääcäiñe’da aweichöcoomo jäcäinchädä’da äwwadäädäiñe wimenna, odhoowanääcäiñe yeichö jäcäinchädääne. Änwanno odhoowanääcäiñe wä’duntänä chäänöngato woije’da yeichö.

1 JUAN 3:18

Önnacoomo’cä, ca’dedducoomo que mma’da cä’jummato’ñojo, cöntadööcomo que mma’da mmaja, chäänöngato queene, tödööancädä mmaja.

2 JUAN 1:13

Ajiishö nnacoomo ta’deujocoomo nadääjaato äwwadäädä, ñäädä Wanaadi neichö. Amén.

2 JUAN 1:5

Edääje wä’döa äwwä, amäädä jaaduichö: Cä’jummatäiye cönwannoje dea. Eduuwaato waanontänääjönö mädä äwwadäädä wimennaadö, yaajäntä’jödö jonnoto’jödöödä cöwwäiñe naadö deaane.

3 JUAN 1:1

Öwö, ansiyaano, edä wimenna äwwadäädä, amäädä weichacoono umjummadö Caayo, chäänöngato que wijummaadö.