2 CODINTIYO 7:7 - Wanaadi A'deddu

⁷ Tiito wä’dö’jödö jäcä mma’da ta’cwaiñe ñaa cönä’jaacä, äjääcäiñe ta’cwaiñe töwö yeijäcä mmajaane. Töwö ñaa wwä cöneecammajäätöi ñaa ene’se aweichöcoomo, wentumje aweichöcoomo mmaja, jummatä aweichöcoomo mmaja. Yää etaadö’jo jooje’cä ya’cwainchane yaawä.

2 CODINTIYO 7:7 Iomraidhean Croise

JUUDHA 1:3

Jimmä umjummadö, cöwääwanaacadööcomo jäcä äwwadäädäiñe imennä’se wä’jaaquennö’je, yaawääne’ tujunne’cä jeene öwwä cöntö’taacä äwäätuujadööcomooje imennädö. Edääje äwäätuuja’seiñe wa: Töweewänä’tääne adheewänä’tätääcä aashichaato wätunnä jäcäinchädä, yää Wanaadi sotoi wwäiñe tooniye yeichöödäje cönä’tuichö.

2 CODINTIYO 5:2

Eetä caatoodawäädä cätäncano’taato caju ñano cömmaichomo ejoodö’se cöweichomjäcä.

2 JUAN 1:4

Jooje ta’cwaiñe wä’jaaquene dhantai ännacoomo chäänöngato wätunnä woije yeichöcoomo edanta’comjäcä öwwä, Cumöötoncomo Wanaadi canontätäänedööje dea.

SANTIYAACO 5:17

Edía cönä’ja’dö naane’, cönönga’como dea mma töweichaame töwö conoojo iiña’da yeichojo cöne’catäi Wanaadi wwä. Iiña’da cöneiyacä yaawä aacäicheeato weduuto annai.

EEWEDEO 2:1

Yääje yeijäcä aashichaane ijaanataajai caato yää wätunnä queetatäänedö jäcä, choojonno mma cösaadijanto’no.

1 TEESADOONISENSE 3:8

Ñaa adoncajoodö wa’cä cönä’jaacä yää Cajiichaana jadä chäänöngeedä aweichöcoomo eta’jäcä.

1 TEESADOONISENSE 3:6

Eduuwa Tiimoteo töwä’döe na adöiñancomo’jödö. Töwö adheecammajä’täne aashicha töneecanö’e aweichöcoomo, wä’jummanä ’je aweichöcoomo mmaja. Töwö cöneecammajäätöi chea adha’cwaniiyöcoomo que ñaa jäcä tötö’tajä’e aweichöcoomo, jooje ñaa ene’se aweichöcoomo mmaja. Ñaa mmaja adheene’seiñe na dea.

CODOOSENSE 2:5

Öwö ajaadäiñe’da weichaame tö’tajäätödööne ajaadäiñe na. Ta’cwaiñe wäänene chäänönge aweichöcoomo yoowanääcä yeijäcä, Quidiito ecamjödö jäcä yäätäädä aweichöcoomo yoowanääcä yeijäcä mmaja.

JIDIIPENSE 1:20

Öwö tö’tajäätödö she’caasa ömjöichädö ’je yei’she’da. Tösaade’da weichö que mmaane Quidiito aashicha wa’deuto’me tödö’se wa, weichö nöngeedä, nudä weichö que jeiñe mma, wäämadö que jeiñe mma.

2 CODINTIYO 8:16

Wanaadi cuntui Tiito wwä ajummato’como, öwö mämjummaatoodö wa’cä dea. Yääje yeijäcä Wanaadi jäcä ta’cwaiñe wäänene.

2 CODINTIYO 2:9

Mädä jäcä äwwadäädäiñe wimennäne odhoonejaadöcoomoje, tameedä waanontädö tödööjai aweichöcoomo eneedö wetä.

DOMAANO 1:12

Yaawä äämetaacai quejäädu’taato’de yää dea cöneecamjödööcomo que.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DUUCA 22:44

Jooje wentumje töweijäcä jooje’cä cöna’deuwöi yaawä. Yäädamu’jätöödö nono jo cöneeca’tai yaawä munuuje.

MATEO 26:75

Yaawä Peedhodo cöntö’tai töwwä Jesuuquidiito wa’deuwö’jödö jäcä: “Wameedi wetöömödö owaajo amäädä aaduwaawäde cöjoome’da’de;” quee yä’dö’jödö jäcä. Jödo’na cöneeja’cai yaawä; wentumje cönaamoaacä.

MATEO 5:4

“Ta’cwaiñe eijai ñaato ñanno töwaamo’como; tönwanno nä’wa’däjaato’de.

1 CODINTIYO 5:2

Mädä nöngato adhantawäiñe yeichaame o’jodhe tötö’tajä’e määnetääne, töwaamoone aamojai aweichaameiñe. Ñäädä yääjato u’cajai maato ajaadäiñe yeichö jonno.

2 CODINTIYO 1:4

Töwö Wanaadi ñaa jädu’tätä weneene tameedä ñaa wäntunamjödö jäcä, anejjacoomo wäntunamjödö mmaja ijäädu’tädööcomo wetä yaawä ñaa wwä, yää que dea, Wanaadi wwä ñaa jädu’tä’jödö que dea.

2 CODINTIYO 7:6

Yääje yeichaame Wanaadi ñaa jädu’täne ñaa döiña Tiito enno’jadö que. Wanaadi ñäädä yä’yunaacajaajä jädu’tänei.

2 CODINTIYO 7:8

Yää jajeeda wimennäneedö que wentumje ayöödöjo’jocoomo weichaame öwwä, cone’da yöödö’da na eduuwa. Yaawä cone’da wä’jaaquennö’je wentumje ömmennä’jödö ayöödöjo’jocoomo weijäcä; eduuwa yoowanääcä na a’dhe mma cone’da äwä’döjo’jocoomo yeichö.