2 CODINTIYO 7:4 - Wanaadi A'deddu

⁴ Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

2 CODINTIYO 7:4 Iomraidhean Croise

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOMAANO 5:3

Mädä jäcä mma’da ta’cwaiñe caato, cöwäntunamjödaawäiñe mmajaane, cowaanäcäiñe yeijäcä wäntunaanö’nä aashicha tönshinchä weiñä töneejodööjo yeichö.

1 CODINTIYO 1:4

Weiñäje aashicha töwa’deuwe wäänene Wanaadi wwä äjääcäinchädäiñe Wanaadi nutuudu aashichaato äwwäiñe naadö weijäcä, yää Jesuuquidiito jäcäinchädä äwwäiñe cuntuichö.

2 CODINTIYO 1:4

Töwö Wanaadi ñaa jädu’tätä weneene tameedä ñaa wäntunamjödö jäcä, anejjacoomo wäntunamjödö mmaja ijäädu’tädööcomo wetä yaawä ñaa wwä, yää que dea, Wanaadi wwä ñaa jädu’tä’jödö que dea.

2 CODINTIYO 10:8

Jooje deja adheedhajootoncomooje weichö jäcä wa’deutaame, mädä jäcä ejöichäjai’cha wa. Yääje ñaa weichojo Wanaadi cuntui äjäädu’toto’comooje, ocoone’mato’comooje’da.

2 CODINTIYO 11:21

Ñaa mmaane jäduujemjönö nönge ñaa cönä’jaacä mädä tödöödö jäcä; jöichöje na eduuwa yääje wei’jödö. Tö’jecaato wa’deuwödö nönge ya’deuwa eduuwa; anejja yä’wa’deme’tojo töweiye yeiya’jäcä töwaacö’je öwö.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

2 CODINTIYO 3:12

Mädä töneecanö’e ñaa weijäcä tösaade’da töneecammajä’e ñaa weneene,

2 CODINTIYO 7:14

Tiito wwä äjääcäiñe aashicha wa’deuwö’jödö jäcä ejöichä’da weiyaqueene. Äwwäiñe chäänönge töwa’deuwe ñaa weneene; mädääje mmaja chäänönge Tiito wwä äjääcäiñe ñaa wa’deuwö’jödö cöneeja’cai chea.

2 CODINTIYO 8:24

Yääje yeijäcä chäwwäiñe eneejotääcä’de tumjummaiñe aweichöcoomo, tameedä quedeiyentecoomo dhowaanäcäiñe yeichö wetä yaawä; chäänönge äänejootäcä, äjääcäiñe töwa’deuwe ñaa weneenedööje dea.

JIDIIPENSE 1:14

Yääje yeijäcä jooje quedeiyentecoomo jäduuje’cä naato eduuwa Wanaadi a’deddu ecammajäätödö jäcä, jedeesoje weichö nijäädu’tädööje. Tösaade’da Wanaadi a’deddu töneecammajä’e weneeneto, Cajiichaana ecaanö’ancädä.

JIDIIPENSE 1:20

Öwö tö’tajäätödö she’caasa ömjöichädö ’je yei’she’da. Tösaade’da weichö que mmaane Quidiito aashicha wa’deuto’me tödö’se wa, weichö nöngeedä, nudä weichö que jeiñe mma, wäämadö que jeiñe mma.

JIDIIPENSE 1:26

Jesuuquidiito woije jooje’cä ta’cwaiñe eijai maato yaawä, ajaadäiñe deja weijäcä mmaja.

JIDIIPENSE 2:17

Öwö ta’cwaiñe dea eijai wa saaquidiijiisiyo nönge töwä’tueemöje weichaame, yää saaquidiijiisiyo ännödööcomo de’wä mmaja, ecamjödö que tönnöe määnetäänedö. Adhaacoodaaneiñe ta’cwaiñe eijai wa.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

1 TEESADOONISENSE 2:19

Änwanno maato ñaa tö’tajo’tojooje, ñaa a’cwaniiyöje mmaja. Äjääcäinchädäiñe ta’cwaiñe ñaa na’de Cädhaajotoncomo Jesuuquidiito we’a’jäcä.

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

2 TEESADOONISENSE 1:4

Äjääcäiñe ta’cwaiñe töweichö que adheecammajä’täiñe ñaa weneene tameedä quedeiyentecoomo wecanta’ñoto’como waadäi. Töneecammajä’e ñaa weneene aashicha tönshinchä aweichöcoomo jäcä, töneecanö’e aweichöcoomo jäcä mmaja, äwäätä’maminchajoodöcoomo jona’da, äwäntunamjödööcomo jona’da mmaja, yää miyeetuncaatoodö.

JIIDEMÓN 1:7

Weichacoono, mädä wä’jummanä ’je aweichö ya’cwaimatä weneene, jäädu’tätä mmaja, amäädä ani’wa’tädö que quedeiyentecoomo tömjädu’täiñe aweijäcä.

SANTIYAACO 1:2

Jimmä, jooje ta’cwaiñe eichäcä aneejejaiñe äwä’yunaacaja’comjäcä,