2 CODINTIYO 7:3 - Wanaadi A'deddu

³ Ajiiyeme’jätöödöcoomoje’da yääje wä’döa. ¿Yaaje jönca wä’döaanä äwwäiñe, mämjummaato, quee? Yääje yeijäcä nudä weiya’jäcä jeiñe mma, wääma’jäcä jeiñe mma ajummadööcomooje dea wa’de.

2 CODINTIYO 7:3 Iomraidhean Croise

2 CODINTIYO 11:11

¿Ane’que’nei, quee ’ja? ¿Ajummatäiñe’da weijäcä ’ja? Ng’jn, Wanaadi dhowaanäcä na ajummatäiñe weichö.

2 CODINTIYO 12:15

Öwwä tujunne aweichaameiñe jääcä chö’tajäätö’da ätö’taato. Yääje yeichaame ajummatäiñe dea wäänene. Tameedä öwwä naadö acoichajoojai tö’ta äjääcäinchädäiñe, weichö jadä’jödöödä.

2 CODINTIYO 13:10

Edä wimenna äwwadäädäiñe adöiñaiñe öötääje, jäduuje a’deuwö’da weichö wetä yaawä adöiñaiñe ööta’jäcä, yää jäädudu Cajiichaana nutuudu que. Töwö Cajiichaana Jesuuquidiito yää cuntui öwwä äjäädu’toto’comooje, adheuto’comooje’daane.

2 CODINTIYO 3:2

Änwanno dea dajaane jajeeda imennaajä nönge maato, chäänönge ñaa weichö ecaademe’jonnamooje; änwanno maato ñaa tö’tajäätödö jäcä imennaajä eijai ñaadöje, tameedä soto owaanocoomoje, ña’de’tädööcomooje mmaja.

2 CODINTIYO 7:12

Yääje yeijäcä äwwadäädäiñe wimennäne ñäädä conemjönö dönei jäcäinchädä’da, ñäädä chääjäcä conemjönö cönnöichö jäcäinchädä’da mmaja; yää wimennäne odhoowanääcäiñe yeichö wetä Wanaadi owaadäädä ñaa jummatä aweichöcoomo.

JIDIIPENSE 1:7

Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

1 TEESADOONISENSE 2:8

Ñaa ajummatääne jooje; yääje yeijäcä Wanaadi wätunnäi aashichaato mmajöönö ñaa cuntui äwwäiñe, töweichö jadä’jödöödä, ñaa wwä tujunne aweijäcäiñe.