2 CODINTIYO 7:1 - Wanaadi A'deddu

¹ Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

2 CODINTIYO 7:1 Iomraidhean Croise

MATEO 12:33

“Dee aashichaato, aashicha chääjedöödö. Dee conemjönö ’quene, cone’da mmaja chääjedöödö. Chääjedöödö jäcä dee ene’jutuudu.

MATEO 5:48

Aashichaane eichäcä, Oomotoncomo caju ñano aashicha naadöje mmaja.

MATEO 5:8

“Ta’cwaiñe eijai ñaato ñanno masuuduijemjöncomo tö’tajäätödö; tönwanno Wanaadi neneeaato’de.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOMAANO 5:20

Yää waanontänä imennaajä cönä’tui cöne’da’cä jeene conemjönö ene’ju’joneije. Yaawääne’, cone’da’cä jeene conemjönö wä’dö’jödö weichaame Wanaadi nutuudu aashichaato cho’jodhe’cä mmaja jeene cöneejamöi.

1 CODINTIYO 6:20

Wanaadi wwä täjeema maato täjeeto que. Yääje yeijäcä Wanaadi nijummadö woije tödöötäcä adheejöcoomo que, ätö’tajäätödööcomo que mmaja, a’nädä Wanaadi wwonooje yeijäcä.

2 CODINTIYO 1:20

töwö tameedä Wanaadi necamma’jödö tönnöe weneene. Yääje yeijäcä aashicha Wanaadi jäcä cöwa’deuwödaawäiñe “Amén” quee töwä’döe cäänetääne, töwö Jesuuquidiito jäcäinchädä dea.

EUJEESIYO 2:3

Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

1 TEESADOONISENSE 3:13

Töwö äjäädu’taato ätö’tajäätödööcomo jäcä yäätäädä aweichöcoomo wetä, tösooma mmaja, conemjönö ’je’da aweichöcoomo wetä mmaja Cumöötoncomo Wanaadi owaadäädä, tameedä tösootoi jadäiñe Jesuuquidiito we’a’jäcä.

1 TEESADOONISENSE 4:7

Wanaadi ca’dejjatääne aashicha tödönnamooje, conemjönö tödönnamooje’daane.

1 TEESADOONISENSE 5:23

Wanaadi, ñäädä täncanoode’da weichojo edhaajä, chäänönge jeene ocoonecaato. Töwö dea yä’jödöödä adheedai’chaato conemjönö ’je’da aweichöcoomo wetä odo’tadööcomo jäcä, ätö’tajäätödööcomo jäcä mmaja, adheejöcoomo jäcä mmaja, Cädhaajotoncomo Jesuuquidiito weejödö jonaane.

EEWEDEO 12:23

Wanaadi nnacoomo we’jumma’como wwadäädäiñe mmaja, ñanno caju ña chäätöcoomo tömennä naadö. Wanaadi wwadäädä mmaja me’täne dea, ñäädä tameedä soto emmencaneichomo, aashicha’como do’tadööcomo wwadäädä mmaja, ñanno Wanaadi nichoonecaadö,

EEWEDEO 12:28

Cöwwäiñe Wanaadi nutuudu na cöjaatadööcomo ätu’mejöönö. Yääje yeijäcä ta’cwaiñe queichäiye Wanaadi jäcä; quiiya’deme’täiye töwö yaacötö tödööancädä, ñontancädä mmaja.

EEWEDEO 4:1

Yääje yeijäcä cowoinchadäiñe’da queichäiye, Wanaadi nutuudu wäädeetatoojo ecammaajä cöwwäiñe yeichaame mma anejja adhantawäiñe aneemaicha’no.

EEWEDEO 6:9

Yääje ñaa nä’döaadö’je äwwäiñe, änwanno jimmä umjummadö, yaawääne’ yääje’daane ätö’taato; yääwanaaca’como weichö nöngeene ätö’taato.

SANTIYAACO 4:8

Wanaadi wwadäädä ä’täcä, äwwadäädäiñe eejöiyede töwö. Änwatöötäcä änwanno conemjönö dönnamo. Ätö’tajäätödööcomo sha’duminchatääcä, änwanno aaco’como tö’tajäätödö, Wanaadi jadä edä nono de’wono ijumma’sa’como.

1 PEEDHODO 1:15

Ñäädä adha’dejjaneichomo’jödö aashicha yeijäcä änwanno mmaja aashicha eichäcä, tameedä aweichöcoomo jäcä.

1 PEEDHODO 1:17

Ñäädä Wanaadi äänöngeiñe soto tönemmenca weneene, iiñö’jocoomo woije mma. Yääje yeijäcä ñäädä Wanaadi oomotoncomooje e’ta’jäcä äwwäiñe, töwö ñontätääcä edä nono de’wä aweichöcoomo wadaadäädä.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:11

Jimmä umjummadö, edä nono de’woncomoojönö änwanno; ajaatawäiñe’da maato. Yääje yeijäcä edääje mänwätuujaato: Ajuunucoomo nijummadö männötäi, yää odo’tadööcomo jadä töwä’tu’de’tä weneenedö.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

1 JUAN 1:9

Yaawääne’ Wanaadi wwä conemjönö cönnö’jocoomo ecamma’jäcä cöwwäiñe, täcaanö’emje töwö na chäänönge tödööjai yeichö. Töwö conemjönö cönnö’jocoomo nencwannä’ja yaawä; tameedä cöcoone’nadiiyöcoomo nichocca dea.

1 JUAN 3:3

Ñäädä yää womo’nei aashicha töwei’she weneene, Jesuuquidiito aashicha naadöje mmaja.