2 CODINTIYO 4:4 - Wanaadi A'deddu

⁴ Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

2 CODINTIYO 4:4 Iomraidhean Croise

MATEO 13:22

Yää dhadöödö wesooca ’jano de’wä cönä’meichö ’quene, Wanaadi a’deddu etannamo cu’tädö yää, ñanno edä nono de’wono ijummannamo, mösooma ijummadö ca’como wätäncu’tojoodöcoomo. Tameedä yää Wanaadi a’deddu na’dua, aashicha ejaamö’da yeichö wetä.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:18

A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.

JUAN 12:31

Eduuwä nä’döi edä nono de’woncomo emmencato’como aca. Eduuwä nä’döi edä nono de’wono waanontädö u’catoojo, ñäädä odo’sha.

JUAN 12:35

Jesuuquidiito cönä’döaacä chäwwäiñe: —Numa’da mma ajaadäiñe weiyu weichojo na eduuwa. Äämannä’täcä weiyu ajaadäiñe naadawäädä, ätööjanto’no. Ñäädä tööjano’tacaano wäämannäjöödö towaanäcä’da naadema.

JUAN 12:40

Tänuuque’da Wanaadi cönnöicho, töwäätuujacoone’daiñe mmaja, tänuuducoomo que mma aneene’noto, täwaanöcoomo jäcä mma chö’tajäätö’noto, töweichöcoomo mma änsa’dumincha’noto, öwö waneewanaaca’noto yaawä; quee cömmennäi Isaía.

JUAN 12:45

Ñäädä öwö yeenenei, neneea dea yaanontänei’jödö.

JUAN 14:30

“Mädä jonno jooje a’deuwö’da wa’de äwwäiñe, edä nono de’wono waanontädö weejödö weijäcä, ñäädä odo’sha; töwö ye’jodheinchajai’cha na.

JUAN 15:24

Dhantawäiñe jooje aashichaato ännö’da wei’jo äächädääjemma choone’nadiiyöcoomo eichö. Tönwanno cöneenea’to yää önnö’jödö; yääje yeichaame quiiñeme’caato, Jaaja nichiiñeme’caato dea.

JUAN 16:11

Odo’sha chaana’ca’jödö yää Wanaadi töne’jodheincha yeichö eneejotoojo.

JUAN 8:12

Yää ’jeje Jesuuquidiito cöna’deuwöi chea soto wwäiñe; cönä’döaacä: —Öwö ñäädä weiyu, sotoocomo yeijonei. Ñäädä jaadono wötäädö tööjano’taca ei’cha na’de; chäwwä töweiye na’de weichojo weiyu; quee cönä’döaacä.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOSECHO 26:23

Edääje töneecammajä’e ñanno cönä’ja’to: “Äwaanacaanei näntunaanö’a’de; töwö na’de awa’deenato töwäämaajo jonnoto waadoncadööje. Töwö judhío wwäiñe necammajä’a’de tawaanato aca weiñä jäcä, judhíojöönö wwäiñe mmaja;” quee töneecammajä’e cönä’ja’to ñanno Wanaadi wa’deuwödö ecammannamo; quee cönä’döaacä Paudo.

1 CODINTIYO 10:20

Edääjeene wä’döa: Ñanno Wanaadi dhowaanojöncomo, saaquidiijiisiyo tönnöe weneenetoodö, Wanaadi wwä’da yää tönnöe weneeneto, odo’shancomo wwäiñeene. Odo’shancomo nödöödö anaajojo’da awei’sheiñe wa.

2 CODINTIYO 2:11

Caajuushawa wwä co’jodheinchadööcomo queiñe. Cönwanno cowaanäcäiñe’da’da töwö iiñödö.

2 CODINTIYO 2:12

Quidiito wätunnäi aashichaato ecammajäätödö wetä Todoowa ña wä’döa’jäcä Cajiichaana tadaawaajui dötoojo wedantäneedö’je;

2 CODINTIYO 3:11

Yää töwaatameemödä aashichaato eneejancädä cönä’tuiñe; töwaacö’je mma töwaatamemjönö, aashicha’cä jeene.

2 CODINTIYO 3:14

Ñanno äntö’tammecö’da cönä’ja’to; eduuwa naadö jona tödööene yää jenaado’jä Wanaadi necamma’jödö imennaajä töwwäiñe a’de’tädaawä ñanno judhío töje’ducaato nönge naato, aneeta’da. Quidiito ecamjödö que mma yää ije’dutuucomo ääsecaajai ña.

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

CAADATA 1:4

Ñäädä Jesuuquidiito töwäämaamöje cönä’tui cöcoone’nadiiyöcoomo jäcäinchädä, cäwaanacaadöcoomo wetä edä conemjönö weiñä naadö acanno, Cumöötoncomo Wanaadi woije dea.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

EUJEESIYO 6:12

Cönwanno quewäänä’taato soto jadäiñe’da, äänejöncomo jadäiñeene, ñanno caju ñancomo odo’shancomo, ñanno jäduuja’como, edä nono tööjato edhaamo.

JIDIIPENSE 2:6

Töwö cönä’ja’dö naane’, Wanaadije töweichaame Wanaadi wa’cä mmaja töweichö to’nomjamje’da ane’tä’da cöneiyacä.

CODOOSENSE 1:15

Töwö Jesuuquidiito na Wanaadi äänejöönö cu’taajäje, tameedä tödööajä naadö e’jodhaato mmaja.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

1 TIIMOTEO 1:11

Yää chäänöngato woowanoomanä na Wanaadi aashichaato wätunnäi woije, yää täcammajä’emööje öwwä tu’e naadö.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

EEWEDEO 1:3

Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.

EEWEDEO 6:4

Chaanongato que soto wä’weijäja’jäcä, Wanaadi nutuudu oneeja’jäcä mmaja chäwwä, Epíiditu Santo ’je yä’döa’jäcä mmaja,

2 PEEDHODO 1:19

Yääje yeijäcä täcaanö’emje jeene na yää Wanaadi wa’deuwödö ecammannamo nimenno’jocoomo. Yää imennaajä na adhaawa tööjano’taca yeijoneije töweiye naichöje; yääje yeijäcä yoije eijai maato, yaawaanadö jonaane, shidiichä yaawaanadaawono adheewanööcomo weijoneije yä’dödö wa’cä.

1 JUAN 2:11

Ñäädä töweichacoono chiiñeme’nei tööjano’taca na; tööjano’tai näämannä’a töwö. Töwö tösaadijange na tööjato wwä tänuudu’jödö weijäcä.

1 JUAN 2:8

Yääje yeichaame eduuwaato waanontänä wa’cä na dea, tööjano’taca weiñä wataamenääje yeijäcä, weiyu neene jaiñoone wawaananääje yeijäcä mmaja. Jesuuquidiito yää waanontänä wä’dödö woije töweiye weneene; änwanno mmaja yää tönnöe määnetääne dea.

1 JUAN 5:19

Cönwanno cowaanäcäiñe na Wanaadi sotoije cöweichöcoomo. Cowaanäcäiñe na dea odo’sha tameedä edä nono de’woncomo edhaajotoncomooje yeichö.