2 CODINTIYO 4:1 - Wanaadi A'deddu

¹ Yääje yeijäcä ejääduqueejö’da ñaa na, Wanaadi nödööjo’jödö yeijäcä edä ñaa tadaawaajuije naadö, wentumje äneetä töweichö woije ñaa wwä cuntuichö.

2 CODINTIYO 4:1 Iomraidhean Croise

DUUCA 18:1

Edä mmaja Jesuuquidiito chäwwäiñe cöneecammai chea, yö’seenoje, töweejäduuque’ancädä’da weiñäje Wanaadi wwä wa’deunä jäcä.

1 CODINTIYO 3:5

¿Änääcö ñäädä Paudo? ¿Änääcö ñäädä Apoodo? Wanaadi anoonöje mma ñaa na; ñaa joi mecaanö’täne änwanno. Töwaadäi ñaa cönnöi Cajiichaana nutuudu tötaadawaajui.

1 CODINTIYO 7:25

Ñanno tö’dhemjöncomo jäcä, töiñoquemjöncomo jäcä mmaja Cajiichaana waanontädö ’je’da öwwä na. Yääje yeichaame öwö tö’tajäätödö wecamma, tätamje önwätuujadö yeijäcä, Cajiichaana ni’wa’tädööne weiyajä.

2 CODINTIYO 3:12

Mädä töneecanö’e ñaa weijäcä tösaade’da töneecammajä’e ñaa weneene,

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

2 CODINTIYO 4:16

Yääje yeijäcä ejääduqueejö’da ñaa weneene. Ñaa ejö wataametaame, ñaa do’tacaano mmaane anooto waadäi töwaatö’nä’e’cä mma naatö’nä’a.

2 CODINTIYO 5:18

Tameedä mädä Wanaadi woijatooje na. Töwö töjaadä ääweichacoonoje cödöötäne Quidiito ai. Ñaa tadaawaajuije cuntui töjaadä ääweichacoonoje soto tödöödöcoomo.

CAADATA 6:9

Yääje yeijäcä chincha’da queicho’ñojo aashichaato tödöödö jäcä. Chu’nädö aca yä’döa’jäcä aashichaato nä’tua’de cöwwäiñe, ejääduqueejö’da cöweiya’comjäcä.

EUJEESIYO 3:13

Yääje yeijäcä yääje wä’döa äwwäiñe, ejääduqueejö’da eichäcä mädä äjääcäinchädäiñe wäntunaanö’aadö e’nei, aashicha ayöödöto’comoone yeiyajä.

JIDIIPENSE 4:13

Tameedä tödööjai wa ñäädä jäädu’tänei Quidiito ni’wa’tädö que.

2 TEESADOONISENSE 3:13

Jimmä, chaaquejö’da eichäcä aashichaato tödöödö jäcä.

1 TIIMOTEO 1:13

Töwö Jesuuquidiito mädääje yöödöne jenaadä töjääcä cone’da töwa’deuwe wei’jödö weichaame, tömmamincha wei’jödö weichaame mmaja, töneetana’tä wei’jödö weichaame mmaja. Yääje yeichaame töwö wentumje yeeneaaquene yoowoinchadä yääje wei’jödö weijäcä quedeiyenteje’da weichö.

EEWEDEO 12:3

Yääje yeijäcä ñäädä jäcä ätö’tajä’täcä, ñäädä conemjönö dönnamo wwäiñe tutuushimaadö shinchänei’jödö, aquinchadööcomo queiñe, aweejäduuquejöödöcoomo queiñe mmaja.

1 PEEDHODO 2:10

Jenaadä Wanaadi sotoije’da mä’ja’quene; eduuwa mmaane shootoije maato. Jenaadä anejja wentumje adheenetäiñe’da cönä’jaacä; eduuwa mmaane Wanaadi wentumje adheeneaato.

APOOCADIISI 2:3

Amäädä töwäntunaanö’e määnene; aashicha tönshinchä määnene dea. Jooje na junnei aweetadaawa’cajo’jödö, aweejäduuqueancädä’da.