2 CODINTIYO 3:3 - Wanaadi A'deddu

³ Änwanno Quidiito nimennädö nönge maato, ñaa mmaane yää imennaajä adääjaajä adäänei’jödööje ñaa na. Yää tömennä na imennotoojo que’da. Epíiditu Santo yää imennäneije na, ñäädä Wanaadi nudooto dö’sennoto we’ajä. Täju jäcä’da yää tömennä na, adheewanööcomo jäcääne.

2 CODINTIYO 3:3 Iomraidhean Croise

MATEO 16:16

Yaawä Simón Peedhodo cönä’döaacä: —Äwaanacaanei amäädä, Wanaadi nudooto nnedö; quee cönä’döaacä.

1 CODINTIYO 3:5

¿Änääcö ñäädä Paudo? ¿Änääcö ñäädä Apoodo? Wanaadi anoonöje mma ñaa na; ñaa joi mecaanö’täne änwanno. Töwaadäi ñaa cönnöi Cajiichaana nutuudu tötaadawaajui.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

2 CODINTIYO 3:7

Yää jenaado’jä waanontänä Moisé wwä cönä’tuichö täju jäcä cönä’mennäi. Yaawä ñanno iisadaaediitacoomo Moisé jedö ene’majai’cha cönä’ja’to tawaane chääjäcä yeijäcä, töwaatameemö mma yeichaame yää tawaanato.

2 CODINTIYO 6:16

¿Aaquene mmaja Wanaadi weichojo oojodöödö deeade’ chu’taajä acä? Änwanno Wanaadi nudooto weichojooje maato. Töwö Wanaadi chea cönä’döaacä: Öwö yo’tacaiñe wa’de; chääjadäiñe wäämannä’a’de. Yaanadiiyöcoomoje wa’de; tönwanno naato’de sootoije; quee Wanaadi cönä’döaacä.

1 TEESADOONISENSE 1:9

Tönwanno dea töneecammajä’e weneeneto aashicha äwwäiñe ñaa dö’jödö, äwwäiñe chu’taajä jummadö e’nomja’jödö mmaja Wanaadi ijummadö wetä, shootoije äwä’dödööcomo wetä, ñäädä nudooto, chäänöngato mmaja.

EEWEDEO 10:16

Yääje Cajiichaana nä’döa: Edääje na’de chäwwäiñe neecammadö yää cu’nädaawä. Öwö ya’deddu wödööa’de chääwanööcomo jäcä, chö’tajäätödööcomo jäcä wimenna’de; quee Cajiichaana wä’dödö Epíiditu Santo necammadö na.

EEWEDEO 8:10

Edääje mmaja Cajiichaana nä’döa dea: Edääje na’de Iisadaaeeda weichö wwäiñe neecammadö yää cu’nädaawä. Öwö ya’deddu wödööa’de chö’tajäätödööcomo aca, chääwanööcomo jäcä wimenna’de. Yaawä Yaanadiiyöcoomoje wa’de, tönwanno sootoije naato’de.

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

APOOCADIISI 2:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eujeeso ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como shidiichä ämu’demjönö dhamäädö jäcoono, ñäädä aacä amoojato adhaawa a’täi yeichö antaiño wäämannäjöödö, yää oodo döaajä:

APOOCADIISI 2:12

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Peecamo ñancomo quedeiyente edai’chäneichomo wwadäädä: “Edääje nä’döa ñäädä sauda seqqueeto ääjatoncädooto yeedö dha’me naadö:

APOOCADIISI 2:18

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Tiiyatiida ñancomo quedeiyente edai’chäneichomo wwadäädä: “Edääje nä’döa Wanaadi nnedö, ñäädä wa’to nöngato chäänudu, oodo encaimaajä nöngato i’judu:

APOOCADIISI 2:8

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eesimiidana ñancomo quedeiyente edai’chäneichomo wwadäädä: “Edääje nä’döa ñäädä awa’deeto, yaatameedö mmaja, ñäädä cönäämaichö, töwäämaajo jonno cönaadoncaichö:

APOOCADIISI 3:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Saadisi ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como Epíiditu edhaajä, aacä amoojato’como shidiichä edhaajä mmaja: Yoowanääcä na tameedä ännödö. Töwääma dajaane ma, nudä adheecadö weichaame.

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö:

APOOCADIISI 3:22

Eta’sato neta’ñojo Epíiditu Santo wa’deuwödö quedeiyentecoomo wwä;” quee cönä’döaacä öwwä ñäädä soto nnedö nöngato.

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.