2 CODINTIYO 1:4 - Wanaadi A'deddu

⁴ Töwö Wanaadi ñaa jädu’tätä weneene tameedä ñaa wäntunamjödö jäcä, anejjacoomo wäntunamjödö mmaja ijäädu’tädööcomo wetä yaawä ñaa wwä, yää que dea, Wanaadi wwä ñaa jädu’tä’jödö que dea.

2 CODINTIYO 1:4 Iomraidhean Croise

JUAN 14:16

Jaaja wwä we’ca’a’de, töwö äwwäiñe nu’a’de yaawä Ä’wa’täneichomo, yeichöje ajaadäiñe töweiyemööje, ñäädä Epíiditu Santo, chäänöngato a’deu edhaajä.

JUAN 14:18

Owö äjääcäjeeneiñe änäntäiñe’da wa; öwö we’a’de adöiñaiñe.

JUAN 14:26

Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

2 CODINTIYO 7:13

Yääje yeijäcä ta’cwaiñe ñaa na. Ta’cwaiñe’cä jeene mmaja ñaa na dea Tiito ta’cwaiñe yeijäcä; töwö ajaadäiñe yeichö tameedä änwanno ma’cwaimatääne.

2 CODINTIYO 7:4

Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

JIDIIPENSE 1:14

Yääje yeijäcä jooje quedeiyentecoomo jäduuje’cä naato eduuwa Wanaadi a’deddu ecammajäätödö jäcä, jedeesoje weichö nijäädu’tädööje. Tösaade’da Wanaadi a’deddu töneecammajä’e weneeneto, Cajiichaana ecaanö’ancädä.

1 TEESADOONISENSE 4:18

Yääje yeijäcä ä’wa’däätäcä edä ecammajäätödö que.

1 TEESADOONISENSE 5:11

Yääje yeijäcä ä’wa’dätääcä änwannoje dea; ä’jädu’tätääcä, tönnöe määnetäänedööje dea.

EEWEDEO 12:12

Yääje yeijäcä awaajä’su’ta’como ijäädu’tätääcä, ojoode’su’ta’como mmaja;