2 CODINTIYO 1:1 - Wanaadi A'deddu

¹ Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

2 CODINTIYO 1:1 Iomraidhean Croise

DOSECHO 16:1

Yaawä Paudo, Siida mmaja cönä’döicho Deedewe ña, Diitada ña mmaja; yäätä quedeiyente cöneejodöicho, Tiimoteo täätö. Ñäädä dhenö cönä’jaacä judhío, quedeiyente cönä’jaacä; yuumö ’quene cönä’jaacä quidiiyeeco.

DOMAANO 15:26

Ñanno Maasedooniya ñancomo, Acaaya ñancomo mmaja, töjöödataichomo cöni’jummaicho Jeduusadén ñancomo quedeiyente wäntunamjödööcomo i’wa’toto’comooje.

DOMAANO 16:21

Tiimoteo, ñäädä weetadaawa’cajoodö weichacoono, ta’deujödö nadääja äwwadäädäiñe, Duusiyo mmaja, Jasón mmaja, Sosíipateede mmaja, ñanno öwö jaatacoinchomo.

DOMAANO 16:5

Ya’deujödö wadääja dea Pidiisiida, Aquiida e’sacaiñe töweecanta’ñä weneenetoodö wwadäädäiñe mmaja, umjummadö Eepeneeto wwadäädä mmaja, ñäädä Acaaya ñano awa’deene Quidiito ecaanö’nei’jödö.

1 CODINTIYO 10:32

Soto sadiijanto’comooje mma meichäi’che, judhío jeiñe mma, judhíojöönö jeiñe mma, quedeiyente jeiñe mma.

1 CODINTIYO 16:10

Adöiñaiñe Tiimoteo wöta’jäcä aashicha tödöötäcä’de, täncanoode’da eiye ajaadäiñe, töwö Cajiichaana Jesuuquidiito tadaawaajui tödööneije yeijäcä, öwö waadöje mmaja.

1 CODINTIYO 16:15

Jimmä, edääje wä’dö’se wa äwwäiñe: Odhoowanääcäiñe Eteujana wä’jimmä’tädö awa’deene quedeiyenteje yääwaacajo’jocoomo Acaaya ña. Tönwanno quedeiyentecoomo töni’wa’tä weneeneto, yeichöcoomoje.

1 CODINTIYO 16:24

Öwö mämjummaato tameedä, Jesuuquidiito jäcäinchädä. Amén.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

2 CODINTIYO 1:19

Ñäädä Jesuuquidiito, Wanaadi nnedö, ñaa cöneecammajäätöi äwwäiñe, Siidawaano mmaja, Tiimoteo mmaja, öwö mmaja. Ñäädä Jesuuquidiito a’deddu töweiye cönä’jaacä “ee” queeto de’wä “ng’jn” quee töwä’döancädä’da. Töwö Quidiito töwa’deuwö’jödö nönge ännö’da’da weneene;

2 CODINTIYO 1:23

Wanaadi owaadäädä edääje wä’döa; töwö dhowaanäcä na chäänönge wa’deuwödö yeichö: Wentumje ayöödöjoodöcoomo queiñe dajaane Codinto ña tä’da weiyaqueene.

2 CODINTIYO 11:10

Quidiito a’deddu chäänöngato öwwä naadö wa’cä mmaja chäänönge yääje wä’döa, mädä chääjäcä wä’wa’deme’caadö ijo’quejö’da na’de tameedä Acaaya weichö wa’cäädä.

2 CODINTIYO 9:2

yoowanääcä yeijäcä änwanno deaane tödö’se aweichöcoomo. Mädääje dea aashicha adheecammajä’täiñe wäänene Maasedooniya ñancomo wwä. Edääje töwä’döe wäänene chäwwäiñe: “Ñanno Acaaya ñancomo awa’de wedu cönä’ja’dö awooto’jödöödä chäänönge naato mädä tödöödö jäcä;” quee töwä’döe wäänene äjääcäiñe. Yää tödö’se aweichöcoomo eta’jäcä canno Maasedooniya ñancomo mmaja tödö’se naato dea eduuwa.

CAADATA 1:1

Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

CAADATA 3:26

Ecamjödö jäcäinchädä tameedä änwanno Wanaadi nnacoomoje maato, Jesuuquidiito jadä äwä’dödööcomo que.

EUJEESIYO 1:1

Öwö Paudo, Wanaadi woije Jesuuquidiito nanontädö, äwwadäädäiñe wimenna, änwanno Wanaadi sotoi Eujeeso ñancomo, Jesuuquidiito ecaanö’nnamo.

JIDIIPENSE 1:1

Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

1 TEESADOONISENSE 1:1

Öwö Paudo, Siidawaano mmaja, Tiimoteo mmaja, ñaa nimenna äwwadäädäiñe, änwanno Teesadoonica ñancomo quedeiyentecoomo, Cumöötoncomo Wanaadi jadoncomo, Cädhaajotoncomo Jesuuquidiito mmaja. Aashichaato, täncanoode’da aweicho’como mmaja, äwwäiñe yei’she ñaa na, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 TEESADOONISENSE 3:2

Adöiñaiñe ñaa cönaanontäi töweichacoono Tiimoteo. Töwö na Wanaadi anoonöje, ñaa jadoono wetaadawa’cajoodö Quidiito wätunnäi aashichaato ecammajäätödö jäcä. Yääje yeijäcä ñaa cönaanontäi adöiñaiñe, äjäädu’täneichomooje, äwäätuujaneichomooje mmaja ecamjödö jäcä,

2 TEESADOONISENSE 1:1

Öwö Paudo, Siidawaano mmaja, Tiimoteo mmaja, ñaa nimenna äwwadäädäiñe, änwanno Teesadoonica ñancomo quedeiyentecoomo, Cumöötoncomo Wanaadi jadoncomo, Cädhaajotoncomo Jesuuquidiito jadoncomo mmaja.

1 TIIMOTEO 1:1

Öwö Paudo, Jesuuquidiito nanontädö, Cäwaanacaaneichomo Wanaadi nanontä’jödö woije, Cajiichaana Jesuuquidiito woije mmaja, ñäädä cönwomoocödööcomooje naadö.

2 TIIMOTEO 1:1

Öwö Paudo, Wanaadi woije Jesuuquidiito nanontädö, yeichöödoto weiñä ecammaajä ecaademeecödö wetä öwwä, yää Jesuuquidiito jadä wä’dönä que naadö.

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

JIIDEMÓN 1:1

Öwö Paudo, Jesuuquidiito ecamjödö jo’tädööje jedeesojaato, Tiimoteo acä ñaa nimenna äwwadäädä, amäädä ñaa nijummadö Jiidemón, ñaa wetaadawa’cajoodö weichacoono.

EEWEDEO 13:23

Edääje wä’dö’se wa äwwäiñe: Cöjimmotoncomo Tiimoteo tu’ca na eduuwa jedeesoje yeichö jonno. Eduuwa mma sadä yä’döa’jäcä a’nädä ñaa nöta’de adöiñaiñe.