1 JUAN 5:6 - Wanaadi A'deddu

⁶ Ñäädä Jesuuquidiito weejödö cönääne’ju’joi tuna que, munu que mmaja. Tuna que mma’da Jesuuquidiito weejödö cönääne’ju’joi, dhaquiiyö que mmajaane. Epíiditu Santo dea yääje yeichö necamma; chäänöngato ñäädä Epíiditu Santo.

1 JUAN 5:6 Iomraidhean Croise

MATEO 26:28

Edä yää yaaquiyö, chäänönge Wanaadi necamma’jödö yeichö ene’ju’tojo, jooja’como soto jäcäinchädäiñe töja’emö, choone’nadiiyöcoomo choccatoojoje.

MATEO 3:16

Wautisaaje töwä’dö’jeje Jesuuquidiito cönäncui yaawä na’cwacanno. Jadheedä caju cönaata’ducai yaawä. Jesuuquidiito cöneeneaacä yaawä Epíiditu Santo wä’tädö töjääcä, jaduuma nönge, yäätäädä yeedennaajä.

MAADOCO 14:24

Yaawä töwö cönä’döaacä chäwwäiñe: —Edä yää yaaquiyö, chäänönge Wanaadi necamma’jödö yeichö ene’ju’tojo, jooja’como soto jäcäinchädäiñe töja’emö.

DUUCA 22:20

Yääje mmaja, töwääwashinchädööcomo’jo, wocö cönannäjöi chea; cönä’döaacä: —Edä wocö yää yaaquiyö, chäänönge Wanaadi necamma’jödö yeichö ene’ju’tojo, äjääcäinchädäiñe töja’emö.

JUAN 14:17

Edä nono de’woncomo ñäädä ijummajai’cha naato, aneene’da yeichomjäcä, dhowaanäcäiñe’da yeichomjäcä mmaja. Änwanno mmaane odhoowanääcäiñe na, ajaadäiñe yeijäcä; töwö yeichöje ataacaiñe na’de.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 15:26

“Ä’wa’täneichomo we’a’jäcä, ñäädä äwwadäädäiñe wanonta’dedö, töwö aashicha necammajä’a’de öwö jääcä. Jaaja nanontädö ñäädä Epíiditu Santo, chäänöngato a’deu edhaajä.

JUAN 16:13

Yaawääne’, Epíiditu Santo we’a’jäcä, ñäädä chäänöngato a’deu edhaajä, töwö odhoowanoomaato’de chäänöngato a’deu jäcä. Töwö töjääcä mma a’deuwö’da na’de; töneeta’jödö queene na’deuwa’de. Töwö odhoowanoomaato’de tameedä töweeja’dä’emö jäcä.

JUAN 3:5

Jesuuquidiito cönä’döaacä chäwwä: —Chäänönge yääje wä’döa, ñäädä tuna ai ennujöönö, Epíiditu Santo ai ennujöönö mmaja Wanaadi jataacäi täjai’cha na.

JUAN 4:10

Yaawä Jesuuquidiito cöneccujä’acä: —Wanaadi nutuudu odhoowanääcä ei’jo, äwwä tuna ne’ca’aadö odhoowanääcä ei’jo mmaja, amäädääne e’catäädö meiya öwwä, öwö utuudu weiya yaawä äwwä weichojo tuna; quee cönä’döaacä Jesuuquidiito wodi wwä.

JUAN 4:14

Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

JUAN 6:55

Juunu yää tänäämö neene; yaaquiyö yää wocö neene.

DOSECHO 8:36

Yaawä töwwäiñe tuna ija’dätäädawä ñäädä Eetiyoopía ñano cönä’döaacä Jediipe wwä: —Edä na tuna; ¿aaquene eduuwa wautisaaje wä’döja’jäcä? quee cönä’döaacä.

DOMAANO 3:25

Wanaadi Quidiito cönnöi saaquidiijiisiyooje. Dhaquiiyö cönnöi conemjönö choccatoojoje, yää ecamjödö que tojoodöeemöje naadö. Yää Wanaadi cönnöi chäänönge töweichö ene’ju’to’me. Jenaadä mmaane tumjunne töweichö woije Wanaadi tönshinchä cönä’jaacä soto cöne’nadiiyöcoomo.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

CODOOSENSE 1:4

ñaa wwä eta’jödö weijäcä Jesuuquidiito töneecanö’e aweichöcoomo, tameedä Wanaadi sotoi tumjumma aweichöcoomo mmaja.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

TIITO 3:5

töwö cäwaanacaatäne. Aashicha cönnö’jocoomo jäcäinchädä’da töwö cäwaanacaatäne, töwwä wentumje cäne’jocoomo weijäcääne. Töwö Wanaadi cäwaanacaatäne cöcoccadööcomo que, yää eduuwaatoje cöwennuduucomo cu’tädööje naadö. Epíiditu Santo ai cäwaanacaatäne, ñäädä eduuwaato cöweichöcoomo u’nei.

EEWEDEO 10:29

Töwaacö’je tömaaminchaamöje na ñäädä Wanaadi nnedö chiiñeme’nei, dhaquiiyö chimmanei mmaja, Epíiditu Santo jäcä conemjönö wa’deuwödö mmaja, ñäädä tujummanei, Wanaadi dö’sennoto we’ajä. Yää Jesuuquidiito aquiiyö cösoomaneichomooje na, chäänönge Wanaadi necamma’jödö weichö cu’tädööje mmaja.

EEWEDEO 12:24

Jesuuquidiito wwadäädä mmaja, ñäädä eduuwaato weiñä ecammaajä chäänönge tödöönei. Dhaquiiyö encu’shiimaajä wwadäädä mmaja me’täne dea, Aweede saaquidiijiisiyoi’chädö aquiiyö e’jodhaato.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

EEWEDEO 9:7

Yää ’jejaato aco’jo’jödö taca mmaane chäädhajootoncomo mma töwoomonge weneene, tooniye mma wedu waadäi. Munu dha’me’da’da töwoomonge weneene, conemjönö tönnö’jödö choccajootojo, soto nödö’jocoomo choccajootojo mmaja.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 3:21

Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

1 JUAN 4:10

Edä yää wä’jummanä neene jaiñoone, cöwwäiñe Wanaadi jummadööjönööne, töwö chäwwä cujummadööcomoone. Töwö Wanaadi Tönnedö cönaanontäi saaquidiijiisiyooje töwä’tueemöje, cöcoone’nadiiyöcoomo choccatoojoje.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.

APOOCADIISI 7:14

Öwö wä’döaaquene yaawä: —Amäädä odhoowanääcä na; quee. Yaawä edääje cönä’döaacä töwö: —Ñanno canno yää wäntunaanö’nä tacaadato acancomo we’a’como. Tönwanno töwoomöcoomo tajääde’deiñe cöncoccaicho Oweeja nnedö’cä aquiiyö que.