1 JUAN 5:13 - Wanaadi A'deddu

¹³ Edä wimennäi äwwadäädäiñe änwanno Wanaadi nnedö ecaanö’nnamo, odhoowanääcäiñe yeichö wetä töwaatamemjönö weiñä ’je aweichöcoomo.

1 JUAN 5:13 Iomraidhean Croise

JUAN 1:12

Dhantai mmaane cumjumma’to; cöneecamjöicho dea. Ñanno wwäiñe töwö cuntui Wanaadi nnedööje yä’döto’como.

JUAN 2:23

Yaawä Weja’dätä’jä anooto comjedensiyai’chädö awä Jeduusadén ña Jesuuquidiito cönä’jaacä. Yaawä jooje soto cöneecamjöicho täneemö iiñödö eneedö’jo.

JUAN 20:31

Eetä naadö mma tömennä na ecamjödö wetä äwwäiñe Jesuuquidiito Äwaanacaaneije yeichö, Wanaadi nnedööje yeichö mmaja. Yaawä äwwäiñe ecaanö’a’jäcä aweichöcoomo töweiye na’de, töwö chääjäcäinchädä.

JUAN 21:24

Öwö ñäädä Jesuuquidiito necamma’jödö. Öwö mädä wecammajä’a, mädä ömmennädö naadö. Owaanäcä na chäänönge ömmennädö yeichö.

JUAN 3:18

“Ñäädä ecaanö’nei töwännanö’emööje’da na. Ñäädä aneecanö’jönö mmaane töwännanö’emööje na, aneecamjö’da yeijäcä Wanaadi nnedö yäätonno ’jemjönö.

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

DOSECHO 3:16

Ñäädä eetö joi ecamjödö weijäcä naadoncai määdhä dhanwa mene’maatoodö, odhoowanoocomo. Yääne, ecamjödööne nadoncai määdhä aneenedööcomooje.

DOSECHO 4:12

Anejja wwä wääwanaacatoojo ejoodöjai’cha caato; anejja äätö ’je’da na edä nono de’wä soto wääwanaacato’como; quee cönä’döaacä Peedhodo.

2 CODINTIYO 5:1

Edä cäjööcomooje naadö maa töwaatameemö nönge na. Cönwanno cowaanäcäiñe na edä wataamea’jäcä anejja maa cöwwäiñe töweiye yeichö caju ña, soto namäädöjöönö, Wanaadi namäädö yeichöödäjaatoone.

CAADATA 4:6

Yääje yeijäcä tönnacoomoje aweijäcäiñe Wanaadi cönaanontäi Epíiditu Santo odo’tacaiñe, ñäädä Iiñedö nutuudu. Yääje yeijäcä Epíiditu Santo woije Jaajaje Wanaadi que’taato.

1 PEEDHODO 5:12

She’caasa edä jajeeda wimennäjoi Siidawaano wwä, ñäädä quedeiyente chäänöngato öwö chö’tadö naadö. Öwö wimennäi äwäätuujato’comooje, ecammadö wetä mmaja chäänönge yeichö mädä Wanaadi nutuudu aashichaato. Jäduujeedä eichäcä mädä jäcä.

1 JUAN 1:4

Edä ñaa nimenna äwwadäädäiñe ta’cwaiñe’cä jeene aweichöcoomo wetä.

1 JUAN 2:1

Önnacoomo’cä, edä wimenna äwwadäädäiñe conemjönö ännö’da aweichöcoomo wetä. Yaawääne’ conemjönö tödööa’jäcä anejja wwä, töweiye na Cumöötoncomo wwä cöjääcäinchädäiñe töwa’deuwemö, ñäädä Jesuuquidiito chäänöngato.

1 JUAN 2:21

Chäänöngato odhoowanääcäiñe’da aweichöcoomo jäcäinchädä’da äwwadäädäiñe wimenna, odhoowanääcäiñe yeichö jäcäinchädääne. Änwanno odhoowanääcäiñe wä’duntänä chäänöngato woije’da yeichö.

1 JUAN 2:25

Töwö Jesuuquidiito dea cöneecammai cöwwäiñe cöweichöcoomo töwaatamemjönö.

1 JUAN 2:26

Edä wimennäi äwwadäädäiñe adhencu’tä’sa’como jäcäiñe.

1 JUAN 3:23

Wanaadi waanontä’jödö yää Iiñedö Jesuuquidiito ecamjödö, cöwä’jummadööcomo mmaja, töwö canonta’quennöje dea.

1 JUAN 4:9

Edä nono de’wä Tönnedö tooniyaano anontädö que Wanaadi cöwwäiñe cöneenejoi töwwä cujummadööcomo. Töwö Tönnedö cönaanontäi cöweichöcoomo u’neije.

1 JUAN 5:10

Ñäädä Wanaadi nnedö ecaanö’nei yääje mmaja nichö’tajä’a dea. Ñäädä Wanaadi aneecanö’jönö mmaane Wanaadi töwä’dunaatoje ne’ta, Tönnedö jäcä Wanaadi necamma’jödö aneecamjö’da töweichö que.

1 JUAN 5:11

Edä yää cöwwäiñe Wanaadi necamma’jödö: Töwö Iiñedö ecamjödö jäcäinchädä cöweichöcoomo töwaatamemjönö cönä’tui cöwwäiñe, Wanaadi nutuudu.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.