1 JUAN 5:11 - Wanaadi A'deddu

¹¹ Edä yää cöwwäiñe Wanaadi necamma’jödö: Töwö Iiñedö ecamjödö jäcäinchädä cöweichöcoomo töwaatamemjönö cönä’tui cöwwäiñe, Wanaadi nutuudu.

1 JUAN 5:11 Iomraidhean Croise

MATEO 25:46

Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.

JUAN 1:19

Yaawä judhío Jeduusadén ñancomo tanoonöcoomoje cönaanontoicho Wanaadi wwä töwa’deuwaamo; dewiitacoomo mmaja cönaanontoicho dea, Juan ecamma’jo. Ñanno Juan cöneecamma’joicho: —¿Änääcö amäädä? quee cönä’döa’to. Yaawä sa’donna Juan cönääcammai,

JUAN 1:4

Töwö chäwwä cönä’jaacä do’ta; yää do’ta cönä’jaacä sotoocomo weiyuuducoomoje.

JUAN 10:28

Öwö wu’a chäwwäiñe töwaatamemjönö weichojo. Tönwanno ännamjö’da naato’de yeichöje. Anejja sootoi che yenwajiiñajai’cha na.

JUAN 12:50

Yoowanääcä na Jaaja waanontädö yeichöödäje weichojooje yeichö. Yääje yeijäcä Jaaja waanontädö woije töwa’deuwe wäänene; quee cönä’döaacä Jesuuquidiito.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 19:35

Ñäädä eneenei’jödö jaiñoone mädä necammajä’a; chäänönge töwö ñeecammajäätödö na. Töwö dhowaanäcä mmaja chäänönge töneecammajäätödö weichö, änwanno mmaja mecaanö’taiye.

JUAN 3:36

Ñäädä Iiñedö ecaanö’nei, yeichö töwaatamemjönö töweiye na. Ñäädä Iiñedö ecamjö’semjönö ’quene, töweichö aneene’da na’de; Wanaadi wwä töwäätä’maminchajoomöje mma na.

JUAN 4:36

Ñäädä natö amu’nei’jödö täjeema töweiye nai. Töwö ñi’jumma’jödö yeichöödoto yeichojooje na. Yaawä a’nädä ta’cwaiñe eijai ñaato, ñaatö’tänei’jödö acä amu’nei’jödö.

JUAN 4:4

Samaadiya chäcä chäämadö cönä’jaacä Judheea ña iichotoojo.

JUAN 5:21

Jaaja yä’ja’a’como tönaadonca, yeichöcoomo tunu’e. Mädääje mmaja Iiñedö tumjummadö wwäiñe tunu’e yeichöcoomo.

JUAN 5:26

Jaaja wwä töweiye do’ta u’tojo. Töwö Tönnedö wwä cuntui chea do’ta u’tojo.

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

JUAN 6:47

Chäänönge yääje wä’döa äwwäiñe, öwö yeecanö’nei wwä töweiye na töwaatamemjönö yeichojo.

JUAN 6:68

Simón Peedhodo cönä’döaacä chäwwä: —Owaanomaanei, ¿änääcö wwadäädä ñaa tädö deaade’ ? Amäädä äwwä mmaane yeiyajä yeichöödoto weichojo a’deu.

DOMAANO 5:21

Conemjönö woijatooje wäämanä o’jodhe töweiye cönä’jaacä; eduuwa aashicha Wanaadi weichö woije daja chääjadoonoje cä’döjaato, yeichöödoto cöweicho’como töweiye yeichö wetä Cädhaajotoncomo Jesuuquidiito jäcäinchädä.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

1 TIIMOTEO 1:16

Yaawääne’ edä jäcäinchädä töwö Wanaadi wentumje yeeneaaquene, jääcä awa’deene Jesuuquidiito wwä eneejodö wetä aashicha töweichö. Mädääje täneemöje wä’döne, ñanno Jesuuquidiito töweicho’comooje ecaanö’nenaamo neneedöcoomoje.

TIITO 1:2

töwaatamemjönö weichojo chäwwäiñe töweiye yeichö wetä yaawä. Edä nono woojodö’jödö owaajodä töwö Wanaadi cöneecammai yää töwaatamemjönö weichojo; ätäncu’täjöönö ñäädä Wanaadi.

1 JUAN 2:25

Töwö Jesuuquidiito dea cöneecammai cöwwäiñe cöweichöcoomo töwaatamemjönö.

1 JUAN 4:10

Edä yää wä’jummanä neene jaiñoone, cöwwäiñe Wanaadi jummadööjönööne, töwö chäwwä cujummadööcomoone. Töwö Wanaadi Tönnedö cönaanontäi saaquidiijiisiyooje töwä’tueemöje, cöcoone’nadiiyöcoomo choccatoojoje.

1 JUAN 4:9

Edä nono de’wä Tönnedö tooniyaano anontädö que Wanaadi cöwwäiñe cöneenejoi töwwä cujummadööcomo. Töwö Tönnedö cönaanontäi cöweichöcoomo u’neije.

1 JUAN 5:10

Ñäädä Wanaadi nnedö ecaanö’nei yääje mmaja nichö’tajä’a dea. Ñäädä Wanaadi aneecanö’jönö mmaane Wanaadi töwä’dunaatoje ne’ta, Tönnedö jäcä Wanaadi necamma’jödö aneecamjö’da töweichö que.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

1 JUAN 5:7

Aaduwaawä naato yää ecammannamo caju ña; ñanno naato Cumöötoncomo, ñäädä A’deu mmaja, Epíiditu Santo mmaja. Tönwanno naato tooni mma.

3 JUAN 1:12

Tameedä soto aashicha töwa’deuwe weneeneto Demeetediiyo jäcä; chäänönge weiñä woije töwö weneene. Ñaa mmaja ñaa owaanäcä na dea chäänönge yeichö. Änwanno odhoowanääcäiñe na chäänönge ñaa necammadö yeichö.

JUUDHA 1:21

Wanaadi nijummadööje eichäcä. Töwäämaamöje’da cöweicho’como utuutojo anootoi’chädö yoomo’täcä, yää wentumje äneetä töweichö woije Jesuuquidiito cöwwäiñe nu’a’dedö.

APOOCADIISI 1:2

Töwö Juan chäänönge cöneecammajäätöi tameedä töneene’jödö jäcä, Wanaadi a’deddu mmaja, Jesuuquidiito necammajäätö’jödö mmaja.

APOOCADIISI 22:1

Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.