1 JUAN 4:6 - Wanaadi A'deddu

⁶ Cönwanno mmaane Wanaadi sotoije caato. Ñäädä Wanaadi jadoono ca’dedducoomo töneeta weneene; ñäädä Wanaadi jadoonojöönö mmaane ca’dedducoomo aneeta’da na. Mädääje ene’ju’jai caato ñäädä chäänöngato woije ecammajä’nei, chäänöngemjönö woije ecammajä’nei mmaja.

1 JUAN 4:6 Iomraidhean Croise

DUUCA 10:22

“Jaaja cuntui öwwä cajiichaanaje weichojo. Anejja dhowaanäcä’da na Iiñedö; Yummö mmaane dhowaanäcä. Yuumö owaanäcä’da mmaja, Iiñedö mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö; quee cönä’döaacä Jesuuquidiito.

JUAN 10:16

Anejja oweeja töweiye mmaja naato dea öwwä, edä cudaada acancomoojönö; tönwanno mmaja täne’emje naato dea. Tönwanno netaato’de ya’deddu; tooni mma na’de cudaada, tooni mmaja oweeja edai’chäneichomo.

JUAN 10:27

Öwö sootoi ya’deddu töneeta weneeneto, tädhaajä a’deddu oweeja töneeta töweiye naichodööje. Yoowanääcä tönwanno; tönwanno öncäcä töötä weneeneto.

JUAN 10:3

Ñäädä wwääne mönaatata edai’chänei na’duca; oweeja töneeta weneeneto töwö dha’deddu. Töwö täcöntomo oweeja töna’dejjaiñe weneeneto chäätöcoomo ai, tömja’canö’joiñe yaawä.

JUAN 13:20

Chäänönge yääje wä’döa äwwäiñe, yaanonö aashicha tödöödö, aashicha yöödödö wa’cä mmaja na dea. Ñäädä aashicha yöödönei, yaanontänei’jödö aashicha tödöödö wa’cä mmaja na dea; quee cönä’döaacä Jesuuquidiito.

JUAN 14:17

Edä nono de’woncomo ñäädä ijummajai’cha naato, aneene’da yeichomjäcä, dhowaanäcäiñe’da yeichomjäcä mmaja. Änwanno mmaane odhoowanääcäiñe na, ajaadäiñe yeijäcä; töwö yeichöje ataacaiñe na’de.

JUAN 15:26

“Ä’wa’täneichomo we’a’jäcä, ñäädä äwwadäädäiñe wanonta’dedö, töwö aashicha necammajä’a’de öwö jääcä. Jaaja nanontädö ñäädä Epíiditu Santo, chäänöngato a’deu edhaajä.

JUAN 16:13

Yaawääne’, Epíiditu Santo we’a’jäcä, ñäädä chäänöngato a’deu edhaajä, töwö odhoowanoomaato’de chäänöngato a’deu jäcä. Töwö töjääcä mma a’deuwö’da na’de; töneeta’jödö queene na’deuwa’de. Töwö odhoowanoomaato’de tameedä töweeja’dä’emö jäcä.

JUAN 18:37

Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

JUAN 20:21

Yää ’jeje Jesuuquidiito cönä’döa’dea chäwwäiñe: —Täncanoode’da aweicho’como äwwäiñe yei’she wa. Jaaja yenno’janeedöje mmaja manenno’jaato öwö; quee cönä’döaacä.

JUAN 8:19

Yaawä tönwanno cöneecamma’joicho: —¿Äsha oomo nai? quee cönä’döa’to. Töwö cönä’döaacä: —Änwanno odhoowanääcäiñe’da wa, Jaaja odhoowanääcäiñe’da mmaja. Odhoowanääcäiñe wei’jo mmaane, Jaaja odhoowanääcäiñe mmaja eichö dea; quee cönä’döaacä Jesuuquidiito.

JUAN 8:23

Jesuuquidiito cönä’döaacä chäwwäiñe: —Änwanno nono jo’como; öwö mmaane cacoiño. Änwanno edä nono de’woncomo; öwö mmaane edä nono de’wonoojönö.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 11:8

Wanaadi a’deddu imennaajä wä’dödö naichöje. Edääje nä’döa yää imennaajä: “Wanaadi cönencudiijannä’caicho; tänuuque’da cönnöicho, töjaanaque’da mmaja. Yääje yeijäcä eduuwa naadö jona tödööene mädääje naato;” quee imennaajä nä’döa.

1 CODINTIYO 14:37

Anejja adhantawäiñe Wanaadi nutuudu woije ecammajä’neije töwääcanö’a’jäcä, Epíiditu Santo woije töwääcanö’a’jäcä mmaja, ñäädä chö’tamme’jai ña yaawä edä äwwadäädäiñe wimennaadö Cajiichaana Jesuuquidiito nanontä’jödööje yeichö.

2 CODINTIYO 10:7

Änwanno ye’wono mma mene’maato. Anejja wwä Quidiito sotoije töwääcanö’a’jäcä, Quidiito sotoije ñaa weichö mmaja chö’tamme’jai ña dea, töwö naadöje mmaja.

2 TEESADOONISENSE 1:8

Töwö Jesuuquidiito ne’a’de wa’to töjääcä. Töwö nichuuseijaato’de Wanaadi ämjummajöncomo’jödö, ñanno Cädhaajotoncomo Jesuuquidiito wätunnäi aashichaato woije töwei’shemjöncomo’jödö.

1 TIIMOTEO 4:1

Epíiditu Santo täta necamma äcuude anejjacoomo weicho’como jäcä. Tönwanno töneecamjödööcomo ne’nomjaato’de äncu’tännamo a’deddu etaadö wetä, odo’shancomo nowaanomaadö etaadö wetä mmaja.

2 PEEDHODO 3:2

Ätö’tajä’täcä ñanno Wanaadi wa’deuwödö ecammannamo aashicha’como necammajäätö’jocoomo jäcä, Cajiichaana waanontädö jäcä mmaja, ñäädä Cäwaanacaaneichomo. Ñanno anonta’como odhoowanoomatääne yää Cajiichaana waanontädö jäcä.

1 JUAN 4:1

Jimmä umjummadö, tameedä ecammajäätödö mmädä maneecanö’täi’che, ñanno Wanaadi woija’como wätä’tädö necammajäätödööcomo. Töneene’ju’eene eichäcä Wanaadi woijatooje yeichö, yoijatooje’da yeichö jeiñe mma. Jooje naato eduuwa edä nono de’wä ecammajä’nnamo chäänöngemjöncomo, Wanaadi woija’como wätä’tädö.

1 JUAN 4:4

Önnacoomo’cä, änwanno maato Wanaadi sotoije. Anwanno me’jodheinchatääne ñanno ecammajä’nnamo chäänöngemjöncomo, jäduuje’cä yeijäcä ñäädä Epíiditu Santo ataacaiñe naadö, edä nono de’wono e’jodhe’cä.

1 JUAN 4:8

Ñäädä wä’jummanä ’jemjönö Wanaadi jadoonojöönö ñäädä, wä’jummanä edhaajääne Wanaadi weiyajä.

1 JUAN 5:19

Cönwanno cowaanäcäiñe na Wanaadi sotoije cöweichöcoomo. Cowaanäcäiñe na dea odo’sha tameedä edä nono de’woncomo edhaajotoncomooje yeichö.

JUUDHA 1:17

Änwanno mmaane jimmä umjummadö, tötö’ta deaane eichäcä Cädhaajotoncomo Jesuuquidiito nanontädö wa’deuwö’jocoomo jäcä.