1 JUAN 4:5 - Wanaadi A'deddu

⁵ Tönwanno edä nono de’wonooje naato; yääje yeijäcä edä nono de’wono jäcä töwa’deuwe weneeneto. Dha’dedducoomo töneeta weneeneto edä nono de’woncomo.

1 JUAN 4:5 Iomraidhean Croise

DUUCA 16:8

Yaawä chäädhajä aashicha cöna’deuwöi ñäädä tanoonö chäänöngemjönö jäcä, tösejjeque tödööjätö’jödö weijäcä chäwwä. Edä nono de’woncomo tösejjeque jeene naato töjimmotoncomo tödöödö jäcä, tawaanato awoncomo e’jodheiñe’cä.

JUAN 17:14

Öwö adha’deddu wecammane chäwwäiñe; yääje yeijäcä tönwanno töwä’quiiñeme’jo weneeneto edä nono de’woncomo wwä, edä nono de’woncomoojönööje töweichomjäcä, öwö waadöje mmaja, edä nono de’wonooje’da.

JUAN 17:16

Tönwanno edä nono de’woncomoojönö, öwö edä nono de’wonooje’da waadöje mmaja.

JUAN 3:31

Ñäädä cacoiño we’ajä tameedä o’jodhe na. Edä nonoodö de’wono mmaane edä nono de’wonooje na; edä nono de’wono jäcä ya’deuwödö töwö. Caju ñanno we’ajä mmaane tameedä soto e’jodhe na.

JUAN 8:23

Jesuuquidiito cönä’döaacä chäwwäiñe: —Änwanno nono jo’como; öwö mmaane cacoiño. Änwanno edä nono de’woncomo; öwö mmaane edä nono de’wonoojönö.

2 TIIMOTEO 4:3

Aneedawä chäänöngato wätunnä eta’se’da soto weicho’como cu’nädö na’de. Tönwanno ni’jummaato’de töwaacötö jäcä owaanomannamo mma, töjaanashiiyännamooje mma.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.