1 JUAN 4:14 - Wanaadi A'deddu

¹⁴ Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

1 JUAN 4:14 Iomraidhean Croise

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

JUAN 10:36

Jaaja ye’täne edä nono de’cäi töwe’emööje. Yääje yeijäcä ¿ane’que’nei cone’da Wanaadi jäcä wa’deuwödö me’taato iiñedööje wäätä’tädö weijäcä?

JUAN 12:47

Ñäädä ya’deddu etaataame ännöjöönö, öwwä’daane nätämmencaja’de; öwö we’ne edä nono de’woncomo emmencaiñe’da, ewaanacaiñeene.

JUAN 3:11

Chäänönge yääje wä’döa äwwä, towaano jäcä ñaa na’deuwa, töneene’jödö mmaja ñaa necammajä’a dea äwwäiñe; yääje yeichaame aneecamjö’da maato ñaa necammajäätödö.

JUAN 3:32

Töwö na’deuwa töneene’jödö jäcä, töneeta’jödö jäcä mmaja. Yääje yeichaame soto eta’se’da naato töwö ñeecammajäätödö.

JUAN 3:34

Ñäädä Wanaadi nanontädö Wanaadi a’deddu necamma; Wanaadi Epíiditu Santo nu’a chäwwä ewontancädä’da.

JUAN 4:42

Tönwanno cönä’döa’to ñäädä wodi wwä: —Ñaa necaanö’a eduuwa amäädä aneecamma’jödö jäcäinchädä mma’da; ñaa daja ñaa cöneetai chea dha’deddu. Ñaa owaanäcä na Äwaanacaanei chäänöngatooje yeichö, tameedä soto Ewaanacaaneichomooje yeichö; quee cönä’döa’to.

JUAN 5:39

Änwanno Wanaadi a’deddu imennaajä töna’de’tä määnetääne; yää a’de’tädö que mma aweichöcoomo chaana’cajai aweiyaatäiñe. Öwö jääcä ecammajä’taame yää imennaajä

DOSECHO 18:5

Yaawä Maasedooniya ñanno Siida, Tiimoteo wä’döa’comjäcä Wanaadi a’deddu ecammajäätödö jäcä mma Paudo töweetadaawa’cajo cönä’jaacä. Judhío wwäiñe jooje töneecammajä’e cönä’jaacä Jesuuquidiito Äwaanacaaneije yeichö, ñäädä ñanno judhío tönwomo’que cönä’ja’todö dea.

1 PEEDHODO 5:12

She’caasa edä jajeeda wimennäjoi Siidawaano wwä, ñäädä quedeiyente chäänöngato öwö chö’tadö naadö. Öwö wimennäi äwäätuujato’comooje, ecammadö wetä mmaja chäänönge yeichö mädä Wanaadi nutuudu aashichaato. Jäduujeedä eichäcä mädä jäcä.

1 JUAN 4:10

Edä yää wä’jummanä neene jaiñoone, cöwwäiñe Wanaadi jummadööjönööne, töwö chäwwä cujummadööcomoone. Töwö Wanaadi Tönnedö cönaanontäi saaquidiijiisiyooje töwä’tueemöje, cöcoone’nadiiyöcoomo choccatoojoje.

1 JUAN 5:9

¿Aashicha jönca soto necammadööcomo töneeta cäänetääne? Töwaacö’je aashicha tätamje na Wanaadi necammadö, yää Tönnedö jäcä töwö cöneecammaichö.