1 JUAN 3:7 - Wanaadi A'deddu

⁷ Önnacoomo’cä, mätäncu’tojootäi’che anejja wwä. Ñäädä chäänöngato tödöönei chäänönge na, Jesuuquidiito chäänönge naadöje mmaja.

1 JUAN 3:7 Iomraidhean Croise

MATEO 5:20

Edääje wä’döa äwwäiñe, judhío owaanomannamo e’jodheiñe jeene’da aweiya’comjäcä, aashicha aweichöcoomo, jaadiseeo e’jodheiñe’da aweiya’comjäcä mmaja, Wanaadi sotoije eijai’cha maato.

DUUCA 1:75

aashicha dhowaadäädä cöweichöcoomo wetä, chäänönge cöweichöcoomo wetä mmaja, cöweichöcoomoodäje.

DOSECHO 10:35

Töwö Wanaadi tameedä soto weichö tumjumma, tönoiñe täneea’jäcä, aashichaato tödööa’jäcä mmaja.

DOMAANO 2:13

Waanontänä etannamoojönööne Wanaadi jadoonoje nä’döaato, ñannoone, waanontänä tödönnamoone.

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

EUJEESIYO 5:6

Anejja mma adhencu’tätäi’che töwäätunnäi iiña mmädooto que; tameedä mädä wime’cu’täichö jo’tädööje Wanaadi woijemjöncomo nätä’maminchajaato’de chäwwä.

EUJEESIYO 5:9

Yää tawaanato aca weiñä nä’dhe’ma ta’cwaiñe weiñäje, chäänöngatooje mmaja, aashicha weiñäje mmaja.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

EEWEDEO 1:8

Tönnedö jäcä mmaane edääje Wanaadi nä’döa: Yeichöje cajiichaanaje ma’de, amäädä Wanaadi. Chäänönge aweichö que cajiichaanaje ma.

EEWEDEO 7:2

Ñäädä wwä Aawadán cuntui dhantai töweewänä’tädaawä töncana’ca’jödö. Edääje töwä’dö’se yeichö mädä Mequiisedeeque eetö: “Chäänönge weiñä edhaajä;” quee. Saden ñano cajiichaanai’chädööje töwö cönä’jaacä. “Täncanoode’da weiñä;” quee töwä’dö’se yeichö mädä “Saden” quee naadö. Yääje yeijäcä “Täncanoode’da weiñä edhaajä;” quee töwä’dö’se yeichö mmaja mädä Mequiisedeeque eetö.

SANTIYAACO 1:22

Tödööeene tödöötäcä yää Wanaadi a’deddu necammadö; täta mma maneetatäi’che. Äwwäiñe etaataame ännö’da aweiya’comjäcä, äwwäädäiñe dea mätäncu’taato yaawä.

SANTIYAACO 2:19

Amäädä chäänönge mecaanö’a tooni Wanaadi weichö; odo’shancomo mmaja mädääje necaanö’aato dea, tötäätä’nöngancädäiñe.

1 PEEDHODO 2:24

Quidiito dea cöcoone’nadiiyöcoomo töjääcä cönshinchäi cuduusa jäcä töweichö, conemjönö tödöödö jäcä yäämaajä nönge cöweichöcoomo wetä, aashichaato mmaane tödööcoije cöweichöcoomo wetä. Töwö yäätunui’chä’jödö que töwääjichö’tä maato.

1 JUAN 2:1

Önnacoomo’cä, edä wimenna äwwadäädäiñe conemjönö ännö’da aweichöcoomo wetä. Yaawääne’ conemjönö tödööa’jäcä anejja wwä, töweiye na Cumöötoncomo wwä cöjääcäinchädäiñe töwa’deuwemö, ñäädä Jesuuquidiito chäänöngato.

1 JUAN 2:26

Edä wimennäi äwwadäädäiñe adhencu’tä’sa’como jäcäiñe.

1 JUAN 2:29

Änwanno odhoowanääcäiñe chäänönge Jesuuquidiito weichö. Yääje yeijäcä odhoowanääcäiñe eijai ña dea tameedä chäänönga’como Wanaadi nnacoomoje yeichöcoomo.

1 JUAN 3:18

Önnacoomo’cä, ca’dedducoomo que mma’da cä’jummato’ñojo, cöntadööcomo que mma’da mmaja, chäänöngato queene, tödööancädä mmaja.

1 JUAN 3:3

Ñäädä yää womo’nei aashicha töwei’she weneene, Jesuuquidiito aashicha naadöje mmaja.

1 JUAN 4:17

Mädääje chäänönge cä’döaato wä’jummanä jäcä, töjöiye’da cöweichöcoomo wetä yaawä wätämmencajootojo anootoi’chädö awä. Edä nono de’wä caatoodawä’jödöödä Jesuuquidiito nönge caato.