1 JUAN 3:6 - Wanaadi A'deddu

⁶ Yääje yeijäcä, tameedä chääjadoono conemjönö acaadä ei’cha na. Ñäädä conemjönö acaadä töweiyato Jesuuquidiito aneenejöönö ñäädä, Jesuuquidiito jadoonojöönö mmaja.

1 JUAN 3:6 Iomraidhean Croise

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.

1 JUAN 2:3

Wanaadi waanontä’jödö tödööa’jäcä cöwwäiñe cowaanäcäiñe eijai ña yaawä chääjadoonoje cöweichöcoomo.

1 JUAN 2:4

Ñäädä, “Wanaadi jadoono öwö,” queeto wä’dödö, ñaanontä’jödö ännö’da töweichaame, töwä’dunaato ñäädä; chäänöngato ’je’da na töwö.

1 JUAN 3:2

Änwanno umjummadö, eduuwa caato Wanaadi nnacoomoje, yaawääne, cowaanäcäiñe’da dea na äcuude cöweicho’como. Edääje yeichö mmaane cowaanäcäiñe na, Jesuuquidiito we’a’jäcä töwö ñönge mmaja caato’de, töwö yeichö jaiñoone cöwwäiñe eneejäcä.

1 JUAN 3:9

Ñäädä Wanaadi nnedö conemjönö acaadä ei’cha na, Wanaadi weichö tötaaca yeijäcä. Töwö conemjönö acaadä eijai’cha na, Wanaadi nnedööje töweijäcä.

1 JUAN 4:8

Ñäädä wä’jummanä ’jemjönö Wanaadi jadoonojöönö ñäädä, wä’jummanä edhaajääne Wanaadi weiyajä.

1 JUAN 5:18

Cowaanäcäiñe na ñäädä Wanaadi jadoono conemjönö acaadä ei’cha yeichö, Wanaadi nnedö wwä tädai’chä yeijäcä, odo’sha wwä ajoojodö queiñe.

3 JUAN 1:11

Weichacoono umjummadö, conemjönö tödöödö mma mäncu’jätöi, aashichaato tödöödö mmaane. Ñäädä aashichaato tödöönei, Wanaadi nnedö ñäädä; ñäädä conemjönö tödöönei mmaane Wanaadi aneene’da na ñäädä.