1 JUAN 3:4 - Wanaadi A'deddu

⁴ Ñäädä conemjönö tödöönei Wanaadi waanontädö tömja’do’jo, waanontänä ija’do’jodö mmaane yeiyajä yää conemjönö tödöödö.

1 JUAN 3:4 Iomraidhean Croise

MATEO 5:19

Yääje yeijäcä ñäädä tooni waanontänä emaanei, she’caasa’cä yeichaame, yääje soto owaanoma’jäcä mmaja, dho’näiñe na’de Wanaadi sotoi antawäiñe. Ñäädä waanontänä tödöönei mmaane, yääje soto owaanoma’jäcä mmaja, ñäädä täneejuque na’de Wanaadi sotoi antawäiñe.

DOSECHO 23:3

Yaawä Paudo cönä’döaacä ñäädä Wanaadi wwä töwa’deuwaamo edhaajotoncomo wwä: —Wanaadi adhaiju’jä’a’de amäädä, yääjönö wa’coto wäänejoodö. Amäädä meejä yeecamma’jodö wetä, imennaajä wä’dödö nönge dea. Eduuwa caiju’jä’ja imennaajä wä’dödö nönge’da; quee Paudo cönä’döaacä.

DOMAANO 3:20

Jenaado’jä waanontänä tödöödö que Wanaadi jadoonoje ä’döjai’cha caato. Yää waanontänä conemjöncomooje cöweichöcoomo ecammaneije mma na.

DOMAANO 4:15

Yää waanontänä wätä’maminchanä mma necamma. Waanontänä ’je’da yeiya’jäcä mmaane ija’do’jo’jödö ’je’da mmaja.

2 CODINTIYO 12:21

Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.

SANTIYAACO 5:15

Ecamjödö que ya’deuwa’comjäcä cädäijato nääwanaaca’de; Cajiichaana nadonca’de. Choone’nadiiyö töweiye yeiya’jäcä nätäncwannä’ja’de.

1 JUAN 5:17

Tameedä chäänönge’da weiñä cone’da na Wanaadi wwä. Yaawääne’ töweiye na conemjönö tödöödö wäämato’jönö mma.