1 JUAN 3:23 - Wanaadi A'deddu

²³ Wanaadi waanontä’jödö yää Iiñedö Jesuuquidiito ecamjödö, cöwä’jummadööcomo mmaja, töwö canonta’quennöje dea.

1 JUAN 3:23 Iomraidhean Croise

MATEO 22:39

Edä yää yää ’jejaato waanontänä, mädä nöngato mmaja: “Aweichacoono ijummacä amäädä äwä’jummadö nönge dea.”

MAADOCO 9:7

Ca’dutu cöneejä yaawä immai’chäiñe. A’deu cönäätaacä yaawä ca’dutu do’taca: —Önnedö umjummadö mä’dä; dha’deddu etaatäcä; quee cönäätaacä.

JUAN 1:12

Dhantai mmaane cumjumma’to; cöneecamjöicho dea. Ñanno wwäiñe töwö cuntui Wanaadi nnedööje yä’döto’como.

JUAN 13:34

Eduuwaato waanontänä wecamma äwwäiñe: Ä’jummatääcä; änwanno mämjummaatoodöje mmaja ajimmotoncomo ijummajai maato.

JUAN 14:1

“Cone’da’daane eichäcä adheewanööcomo jäcä. Wanaadi ecaanö’täcä, öwö mmaja cäcaanö’täcääde.

JUAN 15:12

Edä yää öwö waanontädö: Ä’jummatääcä öwö mämjummaatoodöje mmaja.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 2:23

Yaawä Weja’dätä’jä anooto comjedensiyai’chädö awä Jeduusadén ña Jesuuquidiito cönä’jaacä. Yaawä jooje soto cöneecamjöicho täneemö iiñödö eneedö’jo.

JUAN 3:18

“Ñäädä ecaanö’nei töwännanö’emööje’da na. Ñäädä aneecanö’jönö mmaane töwännanö’emööje na, aneecamjö’da yeijäcä Wanaadi nnedö yäätonno ’jemjönö.

JUAN 6:29

Jesuuquidiito cönä’döaacä: —Edä yää Wanaadi tadaawaajui tödöödö, töwö dhanoonö ecamjödö; quee.

DOSECHO 16:31

Yaawä Paudo cönä’döa’to chäwwä: —Cajiichaana Jesuuquidiito ecaanö’cä; töwääwanaaca eijai ma yaawä, äwä’jimmä’tädö mmaja; quee cönä’döa’to.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

1 TEESADOONISENSE 4:9

Töweichacoono ijummadö jäcä mmaane äwwadäädäiñe tömennämje’da na; Wanaadi chea odhoowanoomatäiñe weneene äwä’jummadööcomo jäcä.

1 TIIMOTEO 1:15

Chäänöngato edä wecammaadö, täcaanö’emje mmaja: Jesuuquidiito cöneejä edä nono de’cäi conemjöncomo ewaanacaiñe, öwö waadö, tameedä cho’jodha’como’cä jaiñoone.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 4:8

Mädä de’wä mmaja jeene adheewanööcomo jadäädä ä’jummatääcä, wä’jummanä jooje conemjönö töneetatannä’ca yeijäcä.

1 JUAN 2:7

Jimmä, waanontänä wimenna äwwadäädäiñe, eduuwaatojöönö yeichaame, yaajäntä’jödö jonnoto’jödöödä odhoowanääcäiñe naadö deaane. Edä jenaado’jä waanontänä wecammaadö, yaajäntä’jödö jonnoto’jödöödä aneeta’jocoomo dea.

1 JUAN 3:11

Edä yää wätunnä yaajäntä’jödö jonnoto’jödöödä töneeta määnetäänedö: Cä’jummatäiye cönwannoje dea.

1 JUAN 4:15

Ñäädä Jesuuquidiito Wanaadi nnedööje yeichö ecammanei Wanaadi jadoono ñäädä, Wanaadi chaaca na dea töwö.

1 JUAN 4:21

Edääje töwö Wanaadi canontätääne: Ñäädä Wanaadi ijummanei, töweichacoono mmaja ijummajai ña dea, quee.

1 JUAN 5:13

Edä wimennäi äwwadäädäiñe änwanno Wanaadi nnedö ecaanö’nnamo, odhoowanääcäiñe yeichö wetä töwaatamemjönö weiñä ’je aweichöcoomo.