1 JUAN 3:2 - Wanaadi A'deddu

² Änwanno umjummadö, eduuwa caato Wanaadi nnacoomoje, yaawääne, cowaanäcäiñe’da dea na äcuude cöweicho’como. Edääje yeichö mmaane cowaanäcäiñe na, Jesuuquidiito we’a’jäcä töwö ñönge mmaja caato’de, töwö yeichö jaiñoone cöwwäiñe eneejäcä.

1 JUAN 3:2 Iomraidhean Croise

MATEO 5:8

“Ta’cwaiñe eijai ñaato ñanno masuuduijemjöncomo tö’tajäätödö; tönwanno Wanaadi neneeaato’de.

DUUCA 17:30

Mädääje mmaja na’dede yaawä Soto nnedö wäänejoodawä.

DUUCA 20:36

Tönwanno äämajai’cha naato’de yaawä; Wanaadi amoodedö nöngeiñe mma naato’de, Wanaadi nnacoomoje mmaja, töwäämaajo jonno yaadonca’comooje töweijäcäiñe.

JUAN 1:12

Dhantai mmaane cumjumma’to; cöneecamjöicho dea. Ñanno wwäiñe töwö cuntui Wanaadi nnedööje yä’döto’como.

JUAN 11:52

Judhío jäcäinchädäiñe mma’da Jesuuquidiito wäämadö; tameedä soto jäcäinchädäiñeene, tameedä Wanaadi nnacoomo wäämecanta’como i’jummadööcomo wetä.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

DOMAANO 8:16

Töwö Epíiditu Santo cötö’tamme’jotäiñe weneene Wanaadi nnedööje cöweichöcoomo.

DOMAANO 8:18

Joojemjönööje öwwä nichö’ta eetä töwäntunaanö’e cäänetäänedö, äcuude aashicha cöweicho’como naadö o’näde.

DOMAANO 8:19

Tameedä amoode’naajä naadö jooje niyoomo’ca Wanaadi nnacoomo wä’nejoncadööcomo.

DOMAANO 8:29

Ñanno jenaadä töne’tä’jödö töwö Wanaadi cönnöicho Tönnedö nönge töwä’döaamoje, ñäädä Iiñedö tameedä yuichoncomooje yeichö wetä.

1 CODINTIYO 13:12

Mädääje caato eduuwa; jecuude ca’dutuujato aca wääne’manä töweiye naichöje queene’maato. Yaawä mmaane chäänönge jeene queene’maato’de. Eduuwa äächädämma sejjedö na; yaawä mmaane tameedä yoowanääcä na’de, Wanaadi owaanäcä waadö wa’cä mmaja.

1 CODINTIYO 15:49

Ñäädä dhanwa nono döaajä nönge caatoodöje mmaja caju ñano nönge caato’dede.

1 CODINTIYO 2:9

Edääje Wanaadi a’deddu imennaajä nä’döa: Tujummannamo wwonooje töweiyemööje Wanaadi cönnöi soto neneedöcoomojöönö, soto netaadöcoomojöönö mmaja, soto nichö’tamme’jä’eetöcoomojöönö mmaja; quee imennaajä nä’döa.

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

CAADATA 3:26

Ecamjödö jäcäinchädä tameedä änwanno Wanaadi nnacoomoje maato, Jesuuquidiito jadä äwä’dödööcomo que.

CAADATA 4:6

Yääje yeijäcä tönnacoomoje aweijäcäiñe Wanaadi cönaanontäi Epíiditu Santo odo’tacaiñe, ñäädä Iiñedö nutuudu. Yääje yeijäcä Epíiditu Santo woije Jaajaje Wanaadi que’taato.

JIDIIPENSE 3:21

Töwö ninwacaama’de cäjööcomo conemjönö töwö täjö aashichaato nönge. Yää nödööa’de töjäädudu que, yää tameedä to’nä tönnöe weneenedö que dea.

CODOOSENSE 3:4

Ñäädä Quidiito cöweicho’comooje naadö we’a’jäcä, änwanno mmaja aashicha määnejaato’dede chääjadä.

EEWEDEO 9:28

Yääje mmaja Quidiito, tooniye saaquidiijiisiyooje cönä’tui jooja’como soto cone’nadiiyöcoomo choccatoojoje. Äcuude töwö ne’a’dede sadä, conemjönö choccaneije’da yaawä, töwoomo’nenaamo ewaanacäiñeene.

2 PEEDHODO 1:4

Yääje yeijäcä töwö Jesuuquidiito cuntui cöwwäiñe aashichaato ecammaajä, chäänöngato mmaja. Yää ecammaajä que änwanno Wanaadi weichö ejoodöjai maato, edä nono de’wono conemjönö jonno määnejeetäiye yaawä, yää chäänöngemjönö ijummadö que naadö.

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.

1 JUAN 2:7

Jimmä, waanontänä wimenna äwwadäädäiñe, eduuwaatojöönö yeichaame, yaajäntä’jödö jonnoto’jödöödä odhoowanääcäiñe naadö deaane. Edä jenaado’jä waanontänä wecammaadö, yaajäntä’jödö jonnoto’jödöödä aneeta’jocoomo dea.

1 JUAN 3:1

Chö’tamme’täcä’ma Cumöötoncomo Wanaadi wwä tujunne cöweichöcoomo, tönnacoomoje cä’taatoodö naane’. Iiñacoomoje dämma caato. Iiñacoomoje cöweichöcoomo aneene’jutu’da weneeneto edä nono de’woncomo, Wanaadi dhowaanäcäiñe’da yeichomjäcä.

1 JUAN 3:10

Mädääje täne’ju’dhe naato Wanaadi nnacoomo, odo’sha nnacoomo mmaja. Ñäädä chäänöngato tödööneijönö, töweichacoono ämjummajöönö, Wanaadi nnedööjönö ñäädä.

1 JUAN 3:21

Yääje yeijäcä jimmä umjummadö, conemjönö ’je’da cötö’ta’comjäcä, töjöiye’da eijai caato Wanaadi owaadäädä.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

APOOCADIISI 2:28

Chäwwä wu’a’de shidiichä yaawaanadaawoto.

APOOCADIISI 22:4

Tönwanno Wanaadi jedö neneeaato’de. Chäätö imennaajä na’de ijaawäiñe.