1 JUAN 3:12 - Wanaadi A'deddu

¹² Caín nönge’daane queicho’ñojo. Töwö cönä’jaacä odo’sha sotoi. Töwö tacoono cöneemai. ¿Ane’cäämö jo’tädööje cöneemai, quee ’ja? Conemjönö tönnöe töwö töweijäcä, dhacoono mmaane chäänönge tönnöe cönä’jaacä.

1 JUAN 3:12 Iomraidhean Croise

MATEO 13:19

Anejja wwä Wanaadi töcaajichaanaije tödöödö jäcä ecammajäätödö towaanäcä’de eta’jäcä, odo’sha ne’a yaawä. Yää Wanaadi a’deddu etaajä chö’tajäätödö acanno nichö’taque’ja yaawä. Ñäädä cu’tädö yää ääma taawa dhadöödö cönä’meichö.

MATEO 13:38

Yää audaajä edä nonoodö cu’tädö. Yää aashichaato dhadöödö ñanno Wanaadi töcaajichaanaije tödönnamo cu’tädö. Chuu mmaane ñanno odo’sha sotoi cu’tädö.

MATEO 23:35

Yääje yeijäcä änwanno mätä’maminchajaato’de tameedä aashicha’como töjaajo’jocoomo jo’tadööje, Aweede jonno Saacadía jona tödööene, ñäädä Weedequía nne’jödö. Aweede cönä’jaacä dhanwa aashichaato, conemjönö ännöjöönö. Saacadía mmaja memaatäne dea Wanaadi weichojo taca, saaquidiijiisiyo dötoojo ncadheedä.

MATEO 27:23

Yaawä Pidaato cönä’döaacä chäwwäiñe: —¿Ane’cotoojo? ¿Äshono yää conemjönö iiñö’jödö? Tönwanno jooje’cä mma cöncä’tömjä’a’to yaawä: —Cuduusa jäcä ajoijojoocä; quee.

MATEO 5:37

Sa’donnaane adha’deutäcä. “Ee;” quee caichäcä’de; “Ng’jn;” quee jeiñe mma. Yää de’wono wa’deunä mmaane odo’sha dö’senno ne’a.

DUUCA 11:51

Aweede ema’jödö jonnoto’jödöödä Saacadía ema’jödö jona tödööene, ñäädä saaquidiijiisiyo dötoojo ncadheedä cöneemaichodö Wanaadi weichojo tawä. Chäänönge yääje wä’döa, canno soto eduuwa naatoodö nätä’maminchajaato’de tameedä yää jo’tädööje.

JUAN 10:32

Yaawä töwö cönä’döaacä chäwwäiñe: —Jooje aashichaato wödööne aneenedööcomooje, Jaaja jäduudu woije; ¿äshono jo’tädööje wääjätö’se maato?

JUAN 8:40

Yääje’daane maato; chäänöngato Wanaadi wwä neeta’jödö töneecamma weichaame yeema’se maato. Mädääje’daane Aawadán cönä’jaacä.

JUAN 8:41

Änwanno mödööato oomotoncomo nödöödö; quee cönä’döaacä. Yaawä tönwanno cöneccujä’a’to: —Wannato yuumöjöönö ñaa; tooni ñaa umö na, ñäädä Wanaadi; quee cönä’döa’to.

DOSECHO 7:52

¿Äshono ca Wanaadi wa’deuwödö ecammanei ämmamincha’da cöneiya’to ñanno adhaadai’choncomo? Tönwanno cöneemaicho ñanno jenaadä ñäädä aashichaato weejödö jäcä ecammannamo’jödö. Ñäädä aashichaato we’a’jäcä änwanno mu’täne yaawä, memaatäne dea.

1 TEESADOONISENSE 2:14

Änwanno jimmä, ajimmotoncomo wwä äwäätä’maminchajoodawäiñe änwanno mä’ja’quene anejjacoomo Wanaadi ecaanö’nnamo wei’jocoomo nönge mmaja, ñanno Judheea ñancomo, Jesuuquidiito sotoi. Tönwanno mmaja cönäätä’maminchajoicho dea töjimmotoncomo judhío wwäiñe.

EEWEDEO 11:4

Ecamjödö que mmaja Aweede Wanaadi wwonooje saaquidiijiisiyo cönnöi, Caín cönnöichö e’jodhe’cä. Yää jäcäinchädä Wanaadi töjaadonooje Aweede cönnöi yaawä. Inchudu’jödö mmaja aashicha Wanaadi cöne’täi chea. Töwö Aweede töwääma yeichaame tacaade dea na, ecamjö’jödö weijäcä chäwwä.

EEWEDEO 12:24

Jesuuquidiito wwadäädä mmaja, ñäädä eduuwaato weiñä ecammaajä chäänönge tödöönei. Dhaquiiyö encu’shiimaajä wwadäädä mmaja me’täne dea, Aweede saaquidiijiisiyoi’chädö aquiiyö e’jodhaato.

1 PEEDHODO 4:4

Ñanno Wanaadi dhowaanojöncomo cone’da töwä’döjo weneeneto chääjadäiñe yää mänseedä dejaato conemjönö ännö’da aweichomjäcä eduuwa. Yääje yeijäcä cone’da äjääcäiñe töwa’deuwe weneeneto.

1 JUAN 3:8

Ñäädä conemjönö acaadä töweiyato mmaane odo’sha sotoi ñäädä, conemjönö tödööneiñe odo’sha yeiyajä yaajäntä’jödö jonnoto’jödöödä. Yääjatooje Wanaadi nnedö cöneejä, odo’sha nödöödö emaaneije.

JUUDHA 1:11

Tönwanno tömaaminchaamoje naato, Caín wei’jödö nönge mmaja yeichomjäcä. Jödaata jummadö que cönsadiijamöicho, Wadan cone’nadiiyö nönge mmaja. Tönwanno töwännanö’e naato Wanaadi jäcä jäduuje töweichomjäcä, Codé cönä’ja’döje mmaja.

APOOCADIISI 17:6

Töwä’dau’cwe weneeaqueene ñäädä wodi, Wanaadi sotoi aquiiyö que, Jesuuquidiito jäcäinchädo’como wä’jajo’jocoomo aquiiyö que mmaja. Eneedö’jo töwääcatonca mma wääcatoncane.