1 JUAN 3:1 - Wanaadi A'deddu

¹ Chö’tamme’täcä’ma Cumöötoncomo Wanaadi wwä tujunne cöweichöcoomo, tönnacoomoje cä’taatoodö naane’. Iiñacoomoje dämma caato. Iiñacoomoje cöweichöcoomo aneene’jutu’da weneeneto edä nono de’woncomo, Wanaadi dhowaanäcäiñe’da yeichomjäcä.

1 JUAN 3:1 Iomraidhean Croise

DUUCA 20:36

Tönwanno äämajai’cha naato’de yaawä; Wanaadi amoodedö nöngeiñe mma naato’de, Wanaadi nnacoomoje mmaja, töwäämaajo jonno yaadonca’comooje töweijäcäiñe.

JUAN 1:12

Dhantai mmaane cumjumma’to; cöneecamjöicho dea. Ñanno wwäiñe töwö cuntui Wanaadi nnedööje yä’döto’como.

JUAN 11:52

Judhío jäcäinchädäiñe mma’da Jesuuquidiito wäämadö; tameedä soto jäcäinchädäiñeene, tameedä Wanaadi nnacoomo wäämecanta’como i’jummadööcomo wetä.

JUAN 15:21

Tönwanno mädääje ayöödöaato’de sootoije aweichöcoomo jo’tädööje, towaanäcäiñe’da yeijäcä yaanontänei’jödö.

JUAN 16:3

Mädä äjääcäiñe nödööaato’de Jaaja towaanäcäiñe’da yeichomjäcä, öwö dhowaanäcäiñe’da weijäcä mmaja.

JUAN 17:25

Jaaja chäänöngato, edä nono de’woncomo dhowaanäcäiñe’da ma; öwö mmaane yoowanääcä ma, canno mmaja dhowaanäcäiñe na dea yaanontänei’jödööje aweichö.

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

DOMAANO 5:8

Quidiito mmaane cöjääcäinchädäiñe cönäämai conemjönö dönnamooje cöwei’jocoomo weichaame. Mädääje Wanaadi cöneenejoi töwwä tujunne cöweichöcoomo.

DOMAANO 8:19

Tameedä amoode’naajä naadö jooje niyoomo’ca Wanaadi nnacoomo wä’nejoncadööcomo.

DOMAANO 8:21

Mädä amoode’naajä naadö töwaatameemöje’da nä’döa’de töwaatameemöje töweichö jonno. Yääje na’de Wanaadi nnacoomo wwä aashicha töweicho’como ejoodöa’jäcä.

DOMAANO 8:32

Wanaadi cöwwäiñe Tönnedö jadä’jödöödä aneewontä’da cöneiyacä; tu’eene cuntui cöjääcäinchädäiñe töwäämaamöje. ¿Aaquene mmaja tameedä anejja cöwwäiñe äntu’da eijai ñai Tönnedöödä cuntuiñe’ ?

2 CODINTIYO 6:18

Öwö oomotoncomooje wa’de; änwanno önnacoomoje maato’de; quee nä’döa Cajiichaana O’jodhaato; quee Wanaadi cönä’döaacä.

CAADATA 3:26

Ecamjödö jäcäinchädä tameedä änwanno Wanaadi nnacoomoje maato, Jesuuquidiito jadä äwä’dödööcomo que.

CAADATA 3:29

Quidiito sotoije aweijäcäiñe Aawadán atö’jödööje mmaja maato dea. Yääje yeijäcä äwwäiñe nä’tua’de aashichaato, Aawadán wwä Wanaadi cöneecammaichö dea.

CODOOSENSE 3:3

Änwanno töwääma maato, aweichöcoomo tösooma na Wanaadi wwä Quidiito jadä.

1 JUAN 3:10

Mädääje täne’ju’dhe naato Wanaadi nnacoomo, odo’sha nnacoomo mmaja. Ñäädä chäänöngato tödööneijönö, töweichacoono ämjummajöönö, Wanaadi nnedööjönö ñäädä.

1 JUAN 3:2

Änwanno umjummadö, eduuwa caato Wanaadi nnacoomoje, yaawääne, cowaanäcäiñe’da dea na äcuude cöweicho’como. Edääje yeichö mmaane cowaanäcäiñe na, Jesuuquidiito we’a’jäcä töwö ñönge mmaja caato’de, töwö yeichö jaiñoone cöwwäiñe eneejäcä.

1 JUAN 4:17

Mädääje chäänönge cä’döaato wä’jummanä jäcä, töjöiye’da cöweichöcoomo wetä yaawä wätämmencajootojo anootoi’chädö awä. Edä nono de’wä caatoodawä’jödöödä Jesuuquidiito nönge caato.

APOOCADIISI 21:7

Ñäädä e’jodheinchanei’jödö wwä nä’tua’de tameedä mädä aashichaato. Öwö wa’de Yaanadiiyöje; töwö na’de önnedööje.