1 JUAN 2:3 - Wanaadi A'deddu

³ Wanaadi waanontä’jödö tödööa’jäcä cöwwäiñe cowaanäcäiñe eijai ña yaawä chääjadoonoje cöweichöcoomo.

1 JUAN 2:3 Iomraidhean Croise

DUUCA 6:46

“Ane’que’nei Cajiichaanaje cä’taato, ya’deddu woije’da aweichaameiñe?

JUAN 14:15

“Äwwäiñe jumma’jäcä öwö waanontädö tödöötäcä.

JUAN 15:10

Öwö waanontädö tödööa’jäcä äwwäiñe umjummadööje dea eijai maato, Jaaja nijummadööje waadöje mmaja, ñaanontädö tönnöe weijäcä.

JUAN 15:14

Änwanno jimmäje maato öwö waanontädö tödööa’jäcä äwwäiñe.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

EEWEDEO 5:9

Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.

1 JUAN 2:13

Äwwadäädäiñe wimenna änwanno yuumötoncomo, ñäädä yaajäntä’jödöödoto jadoonoje aweijäcäiñe. Äwwadäädäiñe wimenna änwanno ääjömannamo, odo’sha e’jodheincha’jödö weijäcä äwwäiñe. Äwwadäädäiñe wimennäi änwanno önnacoomo’cä, Cumöötoncomo jadoonoje aweijäcäiñe.

1 JUAN 3:14

Cönwanno töwäämaamöje cöwei’jocoomo jonno töwäämaamöje’da cä’dötääne; yääje cöweichöcoomo cowaanäcäiñe na cöjimmotoncomo tumjumma cöweijäcäiñe. Ñäädä töweichacoono ämjummajöönö töwäämaamöjeedä na.

1 JUAN 3:19

Mädääje ene’ju’jai caato chäänöngato woije cöweichöcoomo, töjöiye’da cöweichöcoomo wetä Wanaadi owaadäädä.

1 JUAN 3:6

Yääje yeijäcä, tameedä chääjadoono conemjönö acaadä ei’cha na. Ñäädä conemjönö acaadä töweiyato Jesuuquidiito aneenejöönö ñäädä, Jesuuquidiito jadoonojöönö mmaja.

1 JUAN 4:13

Cöwwäiñe Epíiditu Santo utu’jödö weijäcä Wanaadi wwä, cönwanno cowaanäcäiñe na chääjadä cöweichöcoomo, töwö cötaacaiñe yeichö mmaja.

1 JUAN 4:7

Jimmä umjummadö, cä’jummatäiye cönwanno, Wanaadi dö’sennotoone yää wä’jummanä yeiyajä. Ñäädä wä’jummanä ’jano Wanaadi nnedö ñäädä, Wanaadi jadoono mmaja.

1 JUAN 5:19

Cönwanno cowaanäcäiñe na Wanaadi sotoije cöweichöcoomo. Cowaanäcäiñe na dea odo’sha tameedä edä nono de’woncomo edhaajotoncomooje yeichö.

1 JUAN 5:2

Wanaadi ijumma’jäcä cöwwäiñe, ñaanontä’jödö tödööa’jäcä mmaja, yaawä cowaanäcäiñe eijai ña Wanaadi nnacoomo tumjumma cöweichöcoomo.

1 JUAN 5:3

Wanaadi ijummadö töweiye nai ñaanontädö tödöödö que. Wanaadi waanontädö tödöödö aquiimatä’da na.

APOOCADIISI 12:17

Jooje’ca jeene caimaana cönäätömai yaawä wodi jäcä. Töwö cöntämä yaawä töweewänä’tädö wetä ñäädä wodi nnacoomo jadäiñe, ñanno Wanaadi waanontädö tödönnamo, Jesuuquidiito a’deddu woija’como.

APOOCADIISI 14:12

Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja, tameedä ñanno Wanaadi waanontädö tödönnamo, Jesuuquidiito ecaanö’nnamo dea; quee cönä’döaacä ñäädä aaduwaawoto amoode.

APOOCADIISI 22:14

Ta’cwaiñe eijai ñaato ñanno töwoomöcoomo choccannamo’jödö, weichojo ejeedödö ameedö wetä töwwäiñe, jata nata’tadö ai töwoomomöödöcoomo wetä mmaja.