1 JUAN 2:22 - Wanaadi A'deddu

²² ¿Änääcö ñäädä töwä’dunaato, quee ’ja? Ñäädä Jesuuquidiito Äwaanacaaneije yeichö ijo’me’dänei, ñäädä ñäädä töwä’dunaato. Yääjato wä’dödö töwä’dunaato ñäädä, Quidiito tu’de’tänei mmaja, Cumöötoncomo tömjome’dä yeijäcä, Iiñedö tömjome’dä yeijäcä mmaja.

1 JUAN 2:22 Iomraidhean Croise

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MATEO 24:5

Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe. Jooje soto nätäncu’täjaato’de chäwwäiñe.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

1 JUAN 1:6

Chääjadoonoje cöwäätä’ta’comjäcä tööjano’taca cöwäämannä’taameiñe, cöwä’duntaato yaawä, chäänöngato ännö’da mmaja.

1 JUAN 2:18

Önnacoomo’cä, anooto wataamedö cu’nädö aca yä’döaajä mädä eduuwa. Änwanno metaatäne Quidiito tu’de’tänei we’tojo jäcä. Jooje naato eduuwa Jesuuquidiito tu’de’tännamo. Mädääje yeijäcä ene’ju’jai caato anooto wataamedö cu’nädö yä’döaajäje yeichö.

1 JUAN 2:23

Ñäädä Iiñedö ijo’manei Cumöötoncomo ’je’da mmaja na dea. Ñäädä Iiñedö ecammanei mmaane Cumöötoncomo ’je na dea.

1 JUAN 2:4

Ñäädä, “Wanaadi jadoono öwö,” queeto wä’dödö, ñaanontä’jödö ännö’da töweichaame, töwä’dunaato ñäädä; chäänöngato ’je’da na töwö.

1 JUAN 4:20

Ñäädä edääjato wä’dödö: “Wanaadi tumjumma öwö;” queeto wä’dödö töweichacoono tönquiiñeme’que töweichaamato, töwä’dunaato ñäädä. Töweichacoono eneetaame ämjumma’da yeiya’jäcä ¿aaquene mmaja Wanaadi ämjummadö deaade’, ñäädä töneene’jödööjönöödä?

1 JUAN 4:3

Ñäädä Jesuuquidiito sotooje yeejö’jödö ijo’me’dänei ’chene Epíiditu Santo ’je’da na; Jesuuquidiito tu’de’tänei woijato ñäädä. Änwanno töneeta mä’ja’quene ñäädä we’tojo. Eduuwa edä nono de’wä töwö na.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

2 JUAN 1:7

Jooje äncu’tännamo naato edä nono de’wä, Jesuuquidiito sotooje yeejö’jödö ijoome’dännamo. Ñäädä yääjato wä’dödö äncu’tänei ñäädä, Quidiito tu’de’tänei.

JUUDHA 1:4

Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.

APOOCADIISI 3:9

Öwö wene’jaato’de ñanno Caajuushawa sotoi, judhíoja’como wätä’tädö, ñannoje’da töweichaameiñe, äncu’tännamoojeene. Ñanno wene’jaato’de äwwadäädä; tä’mudhe wödööjaato’de aje’taca, dhowaanäcäiñe yeichö wetä öwwä ajummadö.