1 JUAN 2:19 - Wanaadi A'deddu

¹⁹ Tönwanno cönä’sancwajoicho cöjaadäiñe töweichöcoomo jonno. Cöjimmotoncomo neenejöönö cönä’ja’to. Dha’da ei’jo mmaane cösancwatäiñe’da eichö cöneiya’to. Tönwanno cösancwatääne täne’ju’dhe yeichö wetä cöjimmotoncomo neeneje’da töweichöcoomo.

1 JUAN 2:19 Iomraidhean Croise

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MAADOCO 13:22

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno ene’ju’tojo nödööaato’de, täneemö mmaja, Wanaadi sotoi jadä’jödöödä encu’täto’comoojato’jödö.

DUUCA 8:13

Yää dhadöödö toojajaato de’wä cönä’meichö mmaane, ñanno ta’cwaiñe Wanaadi a’deddu etannamo cu’tädö yää. Tömiiche’daane tönwanno. A’dhe mma necaanö’aato; wä’yunaacajoonä cu’nädö awä ne’nomjaato yaawä.

JUAN 15:2

Tameedä dhajäädö täjössemjönö Jaaja najääca; täjössato mmaane Jaaja nichooneca, jooje’cä yeejössataadö wetä.

JUAN 4:14

Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

DOSECHO 15:24

Ñaa cöneetaacä eetonno anejjacoomo wöto’jocoomo adöiñaiñe. Ñanno töneecammajäätödööcomo que adhaaquimmatäiñe weneeneto, adhaashichuudätäiñe mmaja. Tönwanno siicunsidaadoje ayöödöjo’seiñe naato, jenaado’jä waanontänä tödööjo’se naato dea äwwäiñe. Ñaa nanontädööjönö ñanno cönä’ja’to.

DOSECHO 20:30

Änwanno adhantawäiñe dea naato’de anejjacoomo chäänöngemjöncomo ecammajä’nnamo, chäänöngatoojönööne, tösootoichomooje quedeiyentecoomo tödöödöcoomo wetä.

DOMAANO 9:6

¿Aaquene yaawä, quee ’ja? ¿Chäänönge’da ca cöneiyacä yää iisadaaediita wwäiñe Wanaadi necamma’jödö? Ng’jn, chäänönge’da’da yeichaame. Edääjeene na: Tameedä’da Iisadaaeeda atöödö iisadaaediita neeneje naato.

1 CODINTIYO 11:19

¿Aashicha jönca mädääje ätö’taato, töwä’tu’de’tä? ¿Mädääje ca chäänöngato quedeiyente töweichö töneenejo nai, töjimmä jadäiñe aashicha oojodö’da töweichö que?

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.

2 TIIMOTEO 2:19

Yääje yeichaame Wanaadi a’deddu yäätäädä na, yo’wadö töweiye naichöje. Edääje na chääjäcä imennaajä: “Cajiichaana dhowaanäcä na töwwoncomo;” quee. Edääje mmaja imennaajä nä’döa dea: “Ñäädä Quidiito sotoije yäätä’taajä nä’sancwa’ñojo conemjönö jonno;” quee.

2 TIIMOTEO 3:9

Yääje yeichöcoomo jooje ejaamö’da na, i’jedööcomo täne yeijäcä tameedä soto wwäiñe, ñanno Moisé cuntu’de’ta’todö cönä’ja’todööje mmaja.

EEWEDEO 10:39

Ñannojöönööne cönwanno töwännamjödööcomo wetä iiña mmaja töwennaca’comoojönööne; ecamjödö ’ja’comoone cönwanno, töwääwanaacaamoone.

2 JUAN 1:7

Jooje äncu’tännamo naato edä nono de’wä, Jesuuquidiito sotooje yeejö’jödö ijoome’dännamo. Ñäädä yääjato wä’dödö äncu’tänei ñäädä, Quidiito tu’de’tänei.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

JUUDHA 1:19

Ñanno chäänöngemjöncomo töwäätunnäichomo que änwannoje dea ätu’de’täjootäiñe weneeneto. Ñäädä Wanaadi dö’sennoto Epíiditu Santo ’je’da naato; edä nono de’wono woije mma weneeneto.