1 JUAN 2:18 - Wanaadi A'deddu

¹⁸ Önnacoomo’cä, anooto wataamedö cu’nädö aca yä’döaajä mädä eduuwa. Änwanno metaatäne Quidiito tu’de’tänei we’tojo jäcä. Jooje naato eduuwa Jesuuquidiito tu’de’tännamo. Mädääje yeijäcä ene’ju’jai caato anooto wataamedö cu’nädö yä’döaajäje yeichö.

1 JUAN 2:18 Iomraidhean Croise

MATEO 24:11

Jooje ecammajä’nnamo chäänöngemjöncomo naato’de, Wanaadi woija’como wätä’tädö. Jooje soto nätäncu’täjaato’de chäwwäiñe.

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MATEO 24:5

Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe. Jooje soto nätäncu’täjaato’de chäwwäiñe.

MAADOCO 13:6

Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe. Jooje soto nätäncu’täjaato’de chäwwäiñe.

JUAN 21:5

Yaawä Jesuuquidiito cönä’döaacä chäwwäiñe: —¿Ani’yä’da mmädä ca meiyato, mudeeshi? Tönwanno cönä’döa’to: —Ng’jn, a’que na; quee.

DOMAANO 13:11

Mädä tödööjai maato mädä weiñä caatoodö chö’tamme’cancädä; cöwo’joto’como cu’nädö aca yä’döaajä mädä eduuwa. Eduuwa cöwääwanaacato’como amoinche’da na, queecanö’taneedawä cönä’ja’dö o’näde.

DOMAANO 13:12

Coijaicho ejä’dä’jai nä’döi eduuwa, awaanajai nä’döi. Yääje yeijäcä yää tööjano’taca tödööemö e’nomjajai caato eduuwa; cöwoowontoto’como cöödötäiye, suddau tawaanato aca töweewänä’täämö töweiye naichöje.

EEWEDEO 1:2

Eduuwa, anooto ataamejai yä’döa’jäcä, töwö cöna’deuwöi Tönnedö ai chaja. Tönnedö ai Wanaadi cönnöi tameedä yeichö wa’cä; chäwwä cöneecammai chea tameedä iiñödööje yeichojo.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

1 PEEDHODO 1:5

Änwanno Wanaadi töneecanö’e aweichomjäcä töwö töjäädudu que adheedai’chätäiñe weneene, äwääwanaacato’como ejoodödö wetä äwwäiñe, yää yaatameedawä täneejoomöje naadö.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

2 PEEDHODO 2:1

Jenaadä ecammajä’nnamo chäänöngemjöncomo töweiye cönä’ja’to iisadaaediita antawäiñe. Mädääje mmaja adhantawäiñe naato’dede owaanomannamo chäänöngemjöncomo. Tönwanno jo’wadootoje wecoone’matoojo wätunnä nejoodöaato’de. Tädhaajotoncomo jadä’jödöödä nijoome’daato’de, ñäädä Täwaanacaaneichomo. Mädääje jadheedoto töwännanö’to’como nejoodöaato’de.

2 PEEDHODO 3:3

Edääje äwwäiñe wä’dö’se wa awa’deene: Anooto ataamejai yä’döa’jäcä anejjacoomo soto naato’de Wanaadi enno’jä’nnamooje; conemjönö tumjummadööcomo woije mma naato’de.

1 JUAN 2:22

¿Änääcö ñäädä töwä’dunaato, quee ’ja? Ñäädä Jesuuquidiito Äwaanacaaneije yeichö ijo’me’dänei, ñäädä ñäädä töwä’dunaato. Yääjato wä’dödö töwä’dunaato ñäädä, Quidiito tu’de’tänei mmaja, Cumöötoncomo tömjome’dä yeijäcä, Iiñedö tömjome’dä yeijäcä mmaja.

1 JUAN 4:1

Jimmä umjummadö, tameedä ecammajäätödö mmädä maneecanö’täi’che, ñanno Wanaadi woija’como wätä’tädö necammajäätödööcomo. Töneene’ju’eene eichäcä Wanaadi woijatooje yeichö, yoijatooje’da yeichö jeiñe mma. Jooje naato eduuwa edä nono de’wä ecammajä’nnamo chäänöngemjöncomo, Wanaadi woija’como wätä’tädö.

1 JUAN 4:3

Ñäädä Jesuuquidiito sotooje yeejö’jödö ijo’me’dänei ’chene Epíiditu Santo ’je’da na; Jesuuquidiito tu’de’tänei woijato ñäädä. Änwanno töneeta mä’ja’quene ñäädä we’tojo. Eduuwa edä nono de’wä töwö na.

2 JUAN 1:7

Jooje äncu’tännamo naato edä nono de’wä, Jesuuquidiito sotooje yeejö’jödö ijoome’dännamo. Ñäädä yääjato wä’dödö äncu’tänei ñäädä, Quidiito tu’de’tänei.

JUUDHA 1:18

Edääje ñanno cönä’döa’to: “Anooto ataamejai yä’döa’jäcä anejjacoomo naato’de Wanaadi enno’jä’nnamooje. Conemjönö tumjummadööcomo woije mma naato’de;” quee cönä’döa’to Jesuuquidiito nanontädö ñanno chäänöngemjöncomo jäcä.