1 JUAN 2:16 - Wanaadi A'deddu

¹⁶ Tameedä edä nono de’wono Cumöötoncomo dö’sennotoojönö, edä nono de’wono mma, yää cujuunucoomo nijummadö, cänuuducoomo nene’madö ijummadö mmaja, o’jodhe töwei’she weiñä mmaja.

1 JUAN 2:16 Iomraidhean Croise

MATEO 4:8

Yää ’jeje odo’sha cönaadäi chea jöö cawooto de’cäi. Chäwwä cöneenejoi tameedä edä nono de’wono jata, tameedä iiñataadö mmaja.

MATEO 5:28

Öwö mmaane yääje wä’döa äwwäiñe: Ñäädä ijummancädä wodi ene’manei, conemjönö nödööa chääjäcä tötö’tajäätödö ai.

DUUCA 4:5

Yaawä odo’sha cönaadäi jöö cawooto de’cäi. Jadheedä cöneenejoi chäwwä tameedä edä nono de’wono jata.

DOMAANO 13:14

Cajiichaana Jesuuquidiito owoowontoto’comooje tödöötäcä. Ajuunucoomo nijummadö mma männötäi’che.

1 CODINTIYO 10:6

Yääje yei’jocoomo na cöwä’wätuujato’comooje, conemjönö ämjumma’da cöweichöcoomo wetä, tönwanno cönä’ja’todööje’da.

CAADATA 5:17

Ajuunucoomo nijummadö Wanaadi dö’sennoto Epíiditu Santo jäcä nä’jädu’ta. Epíiditu Santo mmaja ajuunucoomo nijummadö jäcä nä’jädu’ta dea. Tönwanno naato äätu’dedööje; yääje yeijäcä ämjummaadööcomo tödööjai’cha maato.

CAADATA 5:24

Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.

EUJEESIYO 2:3

Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

TIITO 2:12

Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

SANTIYAACO 3:15

Caju ñanoojönööne yää yääjato sejje, edä nono de’wono mma, ajuunucoomo woijato mmaja, odo’sha dö’sennoto mmaja.

SANTIYAACO 4:16

Yääje’daane määnetääne; jäduuje töwääcamma määnetääne, töwä’wa’deme’que mmaja. Chäänönge’da yää nöngato wä’wa’deme’nä.

1 PEEDHODO 1:14

Mude’cä’cä tumö woijato töweiye naichöje eichäcä. Conemjönö ämjummadööcomo woije mma meichäi, jenaadä Wanaadi odhoowanääcäine’da yeichö töweiye mä’ja’quennöje’daane.

1 PEEDHODO 2:11

Jimmä umjummadö, edä nono de’woncomoojönö änwanno; ajaatawäiñe’da maato. Yääje yeijäcä edääje mänwätuujaato: Ajuunucoomo nijummadö männötäi, yää odo’tadööcomo jadä töwä’tu’de’tä weneenedö.

2 PEEDHODO 2:10

Jooje’cä jeene Wanaadi nimaaminchaato’de ñanno conemjönö tumjummadööcomo woija’como, ñanno Cajiichaana chiiñeme’nnamo. Tösaademjöncomo tönwanno, jäduuja’como mmaja. Tönoiña’como jäcä cone’da töwa’deuwödööcomo onnontä’da tönwanno.

2 PEEDHODO 2:18

Iiña mmädä töwa’deuwe weneeneto, yääjönö wa’cä. Conemjönö que, tujuunu nijummadö que mmaja, tönencu’täiñe weneeneto ñanno chäänöngemjöncomo jonnoto yäänejeea’como.