1 JUAN 2:15 - Wanaadi A'deddu

¹⁵ Edä nono mämjummatäi, edä nono de’wono mmaja. Ñäädä edä nono de’wono ijummanei Cumöötoncomo Wanaadi jummadö ’je’da na ñäädä.

1 JUAN 2:15 Iomraidhean Croise

MATEO 4:8

Yää ’jeje odo’sha cönaadäi chea jöö cawooto de’cäi. Chäwwä cöneenejoi tameedä edä nono de’wono jata, tameedä iiñataadö mmaja.

MATEO 6:24

“Aacä tädhaajä tödööjai’cha weiña nai. Yääje tödööa’jäcä tooni mma ijummajai ña ñäädä yaawä, yeichacoono ämjumma’da mma. Yeichacoono jadä aashicha etaadawa’cajoojai ña; yeichacoono ’quene chiiñeme’jai. Mädääje mmaja änwanno, a’nädäncädä ijummajai’cha maato, Wanaadi mmaja, mösooma mmaja.

DUUCA 16:13

“Aacä tädhaajä tödööjai’che weiñä nai. Yääje tödööa’jäcä tooni mma ijummajai ña ñäädä yaawä, yeichacoono ämjumma’da mma. Yeichacoono jadä aashicha etaadawa’cajoojai ña, yeichacoono ’quene chiiñeme’jai. Mädääje mmaja änwanno, a’nädäncädä ijummajai’cha maato, Wanaadi mmaja, mösooma mmaja; que cönä’döaacä Jesuuquidiito soto wwäiñe.

JUAN 15:19

Edä nono de’woncomo jimmäje meicho’jo yaawääne äjummajaiñe naato, töjimmotoncomo tumjumma weneenetoodöje dea. Tönwanno aquiiñeme’cato töjimmotoncomooje’da aweijäcäiñe, chääjadäiñe aweichöcoomo jonno ayu’ca’jocoomo weijäcä öwwä.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

CAADATA 1:10

¿Änääcö ca wiya’daanä mädääje wä’dödö que, soto ’ja, Wanaadiiñe? ¿Soto a’cwaima’seiñe ca wäänene? Soto a’cwaimaneichomooje wei’jo mmaane Jesuuquidiito anoonöje’da weichö.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

1 TIIMOTEO 6:10

Jödaata ijummadö tameedä conemjönö ju’jäje na. Yää jäcä töwäätätäädä töweichöcoomo woije anejjacoomo tösaadijange naato ecamjödö jonno; yää e’nei jooje conemjönö töneene weneeneto.

SANTIYAACO 1:27

Edä yää Cumöötoncomo Wanaadi owaadäädä chäänönge töneecanö’e weiñä: Yeenö wääma’jödö i’wa’tädö, yuumö wääma’jödö mmaja, iiño wääma’jödö mmaja, tameedä yäntunamjödööcomo jäcä. Edä nono de’wono conemjönö jäcä chaadota’da weiñä mmaja yää dea chäänönge töneecanö’e weiñä.

SANTIYAACO 4:4

Masuuduija’como änwanno. ¿Odhoowänääcäiñe’da ca’ nai edä nono de’wono tumjumma weiñä Wanaadi tu’dedööje yeichö? Ñäädä edä nono de’wono ijummanei Wanaadi tu’dedööje na.

1 JUAN 3:17

Ñäädä töwwä töweiyato, töweichacoono a’que eneetaame ani’wa’täjöönö, Wanaadi nutuudu wä’jummanä ’je’da na ñäädä wwä.

1 JUAN 4:5

Tönwanno edä nono de’wonooje naato; yääje yeijäcä edä nono de’wono jäcä töwa’deuwe weneeneto. Dha’dedducoomo töneeta weneeneto edä nono de’woncomo.

1 JUAN 5:10

Ñäädä Wanaadi nnedö ecaanö’nei yääje mmaja nichö’tajä’a dea. Ñäädä Wanaadi aneecanö’jönö mmaane Wanaadi töwä’dunaatoje ne’ta, Tönnedö jäcä Wanaadi necamma’jödö aneecamjö’da töweichö que.