1 JUAN 2:11 - Wanaadi A'deddu

¹¹ Ñäädä töweichacoono chiiñeme’nei tööjano’taca na; tööjano’tai näämannä’a töwö. Töwö tösaadijange na tööjato wwä tänuudu’jödö weijäcä.

1 JUAN 2:11 Iomraidhean Croise

JUAN 12:35

Jesuuquidiito cönä’döaacä chäwwäiñe: —Numa’da mma ajaadäiñe weiyu weichojo na eduuwa. Äämannä’täcä weiyu ajaadäiñe naadawäädä, ätööjanto’no. Ñäädä tööjano’tacaano wäämannäjöödö towaanäcä’da naadema.

JUAN 12:40

Tänuuque’da Wanaadi cönnöicho, töwäätuujacoone’daiñe mmaja, tänuuducoomo que mma aneene’noto, täwaanöcoomo jäcä mma chö’tajäätö’noto, töweichöcoomo mma änsa’dumincha’noto, öwö waneewanaaca’noto yaawä; quee cömmennäi Isaía.

2 CODINTIYO 3:14

Ñanno äntö’tammecö’da cönä’ja’to; eduuwa naadö jona tödööene yää jenaado’jä Wanaadi necamma’jödö imennaajä töwwäiñe a’de’tädaawä ñanno judhío töje’ducaato nönge naato, aneeta’da. Quidiito ecamjödö que mma yää ije’dutuucomo ääsecaajai ña.

2 CODINTIYO 4:4

Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

2 PEEDHODO 1:9

Ñäädä mädoocomo ’jemjönö mmaane tänuuque’da na, amoinche aneene’da mmaja. Töwö tötö’taque’e na jenaado’jä töcoone’nadiiyö jonno töcocca töweichö.

1 JUAN 1:6

Chääjadoonoje cöwäätä’ta’comjäcä tööjano’taca cöwäämannä’taameiñe, cöwä’duntaato yaawä, chäänöngato ännö’da mmaja.

1 JUAN 2:10

Ñäädä töweichacoono ijummanei mmaane tawaanato aca töweiye weneene; shaadijamjai’cha na töwö.

1 JUAN 2:9

Ñäädä tawaanato acaano wätä’tädö, töweichacoono tönquiiñeme’que töweichaame, tööjano’taca dea na ñäädä.

1 JUAN 3:15

Ñäädä töweichacoono chiiñeme’nei, soto emaanei wa’cä mmaja na dea ñäädä. Änwanno odhoowanääcäiñe na soto emaanei weichö töwaatamemjönö ’je’da yeichö.

1 JUAN 4:20

Ñäädä edääjato wä’dödö: “Wanaadi tumjumma öwö;” queeto wä’dödö töweichacoono tönquiiñeme’que töweichaamato, töwä’dunaato ñäädä. Töweichacoono eneetaame ämjumma’da yeiya’jäcä ¿aaquene mmaja Wanaadi ämjummadö deaade’, ñäädä töneene’jödööjönöödä?

APOOCADIISI 3:17

Edääje äwä’dödö amäädä: “Tönsomaaque wa öwö; jooje öncana’cadö na. Tujummaamö ’je’da na eduuwa öwwä;” quee äwä’dödö. Yaawääne’ äntö’tammecö’da ma wentumje aweichö, ema’jödööje aweichö mmaja, tönsomaaque’da aweichö mmaja, tänuuque’da aweichö mmaja, töwonque’da aweichö mmaja.