1 JUAN 2:1 - Wanaadi A'deddu

¹ Önnacoomo’cä, edä wimenna äwwadäädäiñe conemjönö ännö’da aweichöcoomo wetä. Yaawääne’ conemjönö tödööa’jäcä anejja wwä, töweiye na Cumöötoncomo wwä cöjääcäinchädäiñe töwa’deuwemö, ñäädä Jesuuquidiito chäänöngato.

1 JUAN 2:1 Iomraidhean Croise

DUUCA 10:22

“Jaaja cuntui öwwä cajiichaanaje weichojo. Anejja dhowaanäcä’da na Iiñedö; Yummö mmaane dhowaanäcä. Yuumö owaanäcä’da mmaja, Iiñedö mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö; quee cönä’döaacä Jesuuquidiito.

JUAN 13:33

Önnacoomo’cä, numa’da mma ajaadäiñe weichojo na eduuwa. Änwanno a’que cujiiyato’de; judhío wwäiñe wä’döaaquennöje mmaja wä’döa dea äwwäiñe: Öwö öötotoojo döiña änwanno täjai’cha maato; quee.

JUAN 14:16

Jaaja wwä we’ca’a’de, töwö äwwäiñe nu’a’de yaawä Ä’wa’täneichomo, yeichöje ajaadäiñe töweiyemööje, ñäädä Epíiditu Santo, chäänöngato a’deu edhaajä.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 21:5

Yaawä Jesuuquidiito cönä’döaacä chäwwäiñe: —¿Ani’yä’da mmädä ca meiyato, mudeeshi? Tönwanno cönä’döa’to: —Ng’jn, a’que na; quee.

JUAN 5:14

Äcuude Jesuuquidiito tönaadonca’jödö cöneejodöi Wanaadi weichojo taca; cönä’döaacä chäwwä: —Amäädä töwaadonca ma eduuwa. Conemjönö mma männöi’che eduuwa, anejja conemjönö’cä jaiñoone äjääcä e’ducca’no yaawä; quee cönä’döaacä Jesuuquidiito chäwwä.

JUAN 5:36

Töweiye öwwä na Juan necamma’jödö e’jodhaato jaiñoone. Mädä Jaaja waanontädö tönnöe wääneneedö nene’ju’ja Jaaja yaanontänei’jödööje yeichö.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

JUAN 8:11

Wodi cönä’döaacä: —A’que na, Owaanomaanei. Yaawä Jesuuquidiito cönä’döaacä chäwwä: —Öwö mmaja ätu’de’tä’da wa; äjääne eduuwa, conemjönö mma männöi’chede eduuwa; quee cönä’döaacä Jesuuquidiito.

DOSECHO 7:52

¿Äshono ca Wanaadi wa’deuwödö ecammanei ämmamincha’da cöneiya’to ñanno adhaadai’choncomo? Tönwanno cöneemaicho ñanno jenaadä ñäädä aashichaato weejödö jäcä ecammannamo’jödö. Ñäädä aashichaato we’a’jäcä änwanno mu’täne yaawä, memaatäne dea.

DOMAANO 5:10

Wanaadi tu’dedööje cöweichöcoomo töwö töjaadä ääweichacoonoje cödöötäne Tönnedö wääma’jödö jäcäinchädä. Töwaacö’je mma eduuwa; chääjadä ääweichacoonoje cöweichomjäcä töwö cäwaanacaato nudä Quidiito weichö que dajaane.

DOMAANO 6:15

Cönwanno jenaado’jä waanontänä nanontädööcomooje’da caato eduuwa, Wanaadi nutuudu aashichaato woijeene. ¿Conemjönö tödöödöje dea ca eijai caato, yääje yeiya’jäcä? Ng’jn, yääje’daane.

DOMAANO 8:34

¿änääcö mmaja töwännanö’aamoje ane’tädööto deeade’ ? ¿Quidiito ’ja? Ng’jn, Quidiito dea dajaane cöjääcäinchädäiñe cönäämai, töwäämaajo jonno cönaadoncai chea. Töwö na eduuwa Wanaadi nnäcä, ämu’demjönö dö’se, chäwwä cöjääcäiñe wa’deunäje.

1 CODINTIYO 15:34

Odhoowadäädäiñe eichäcä; conemjönö männötäi’che; anejjacoomo adhantawäiñe Wanaadi dhowaanäcäiñe’da na. Ajöichojoodöcoomoje yääje wä’döa.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

CAADATA 4:19

Önnacoomo’cä, wodi töwensu’dato tönnedö’cä töiñe’ma töweiye naichö wa’cä wäntunaanö’a dea eduuwa äjääcäinchädäiñe, Quidiito nönge äwä’dödööcomo wa’cä.

EUJEESIYO 2:18

Tameedä cönwanno, judhío, judhíojöncomo mmaja, Quidiito jäcäinchädä täjai caato Cumöötoncomo wwadäädä, ñäädä dea Epíiditu Santo ni’wa’tädö que.

EUJEESIYO 4:26

Äwäätömaadawäiñe conemjönö männötäi yää e’nei. Töwäätömaadä mma ano ñadäädoto mämja’do’jotäi’che.

1 TIIMOTEO 2:5

Tooni mma Wanaadi ña, tooni mma mmaja soto jäcäinchädäiñe Wanaadi wwä töwa’deuwemö, ñäädä Jesuuquidiito, soto nnedö.

1 TIIMOTEO 3:14

Eduuwa mma adheene öötotoojo yeichaame edä wä’wätuujanä wimenna äwwadäädä,

EEWEDEO 9:24

Quidiito cönoomomöi Wanaadi weichojo neene taca, yää soto namäädöjöönö. Yää soto namä’jödö cönä’jaacä Wanaadi weichojo neene cu’taajäje mma. Caju ñaane Jesuuquidiito cöntämä. Töwö na eduuwa Wanaadi döiña, cöjääcäinchädäiñe töwa’deuwemööje.

SANTIYAACO 1:27

Edä yää Cumöötoncomo Wanaadi owaadäädä chäänönge töneecanö’e weiñä: Yeenö wääma’jödö i’wa’tädö, yuumö wääma’jödö mmaja, iiño wääma’jödö mmaja, tameedä yäntunamjödööcomo jäcä. Edä nono de’wono conemjönö jäcä chaadota’da weiñä mmaja yää dea chäänönge töneecanö’e weiñä.

SANTIYAACO 3:9

Cunuuducoomo que Cumöötoncomo Wanaadi jäcä aashicha ca’deuwato; yää que dea soto töneuwe cäänetääne, ñanno Wanaadi weichö nönge amoode’na’como.

1 PEEDHODO 2:22

Töwö Jesuuquidiito conemjönö ännö’da cöneiyacä, ätäncu’tä’da mmaja cöneiya’dea.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 JUAN 3:18

Önnacoomo’cä, ca’dedducoomo que mma’da cä’jummato’ñojo, cöntadööcomo que mma’da mmaja, chäänöngato queene, tödööancädä mmaja.

1 JUAN 3:5

Änwanno odhoowanääcäiñe na cöcoone’nadiiyöcoomo jonno cöcoccaiñe Jesuuquidiito weejö’jödö. Töwö mmaane conemjönö ’je’da na.

1 JUAN 3:7

Önnacoomo’cä, mätäncu’tojootäi’che anejja wwä. Ñäädä chäänöngato tödöönei chäänönge na, Jesuuquidiito chäänönge naadöje mmaja.

1 JUAN 4:4

Önnacoomo’cä, änwanno maato Wanaadi sotoije. Anwanno me’jodheinchatääne ñanno ecammajä’nnamo chäänöngemjöncomo, jäduuje’cä yeijäcä ñäädä Epíiditu Santo ataacaiñe naadö, edä nono de’wono e’jodhe’cä.

1 JUAN 5:17

Tameedä chäänönge’da weiñä cone’da na Wanaadi wwä. Yaawääne’ töweiye na conemjönö tödöödö wäämato’jönö mma.

1 JUAN 5:21

Önnacoomo’cä, äädai’chätääcä wanaadija’como chäänöngemjöncomo jäcäiñe. Amén.

3 JUAN 1:4

Yää mma tameedä cho’jodhe ya’cwaimatä weneene, chäänöngato wätunnä woije önnacoomo weichöcoomo etaadö mma.