1 JUAN 1:8 - Wanaadi A'deddu

⁸ Conemjönö ’je’da cöwäätä’ta’comjäcä, cöwwäädäiñe cätäncu’taato yaawä, chäänöngato ’je’da caato dea.

1 JUAN 1:8 Iomraidhean Croise

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOMAANO 3:10

Edääje Wanaadi a’deddu imennaajä nä’döa: Aashichaato ’je’da na soto, tooni’chä a’que.

DOMAANO 3:23

Tameedä soto conemjönö cönnöicho; aashicha Wanaadi weichö nönge töweicho’como ejoodöjai’cha naato.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

CAADATA 6:3

Ñäädä o’jodhaato tö’tajäätödö, o’jodhe’da töweichaame, töwö dea nätäncu’ta.

1 TIIMOTEO 6:5

wätäccujä’nä töwä’camjönö mmaja. Tameedä mädä noojodööa chö’tajäätödö wecoone’ma’como jäcäiñe, ñanno chäänöngato ’jemjöncomo. Tönwanno necaanö’aato quedeiyenteje weiñä ane’cä’cä cana’catoojoje yeiyaatäi. Yääja’como shancwacooto.

2 TIIMOTEO 3:13

Ñanno conemjöncomo mmaane, äncu’tännamo mmaja, cone’da töweichöcoomo jonno jooje’cä mma necoone’maato’de; äncu’tännamo tönwanno, yäätäncu’täja’como mmaja.

SANTIYAACO 1:22

Tödööeene tödöötäcä yää Wanaadi a’deddu necammadö; täta mma maneetatäi’che. Äwwäiñe etaataame ännö’da aweiya’comjäcä, äwwäädäiñe dea mätäncu’taato yaawä.

SANTIYAACO 1:26

Ñäädä ecamjödö jäcä chäänöngato wa’cä tö’tadö tunuudu aneedennanö’jo’da töweichaame, töwwäädä nätäncu’ta; töwäädämma ñeecamjödö na.

SANTIYAACO 3:2

Tameedä cönwanno conemjönö tönnöe caato aneedawä. Ñäädä cone’da a’deujönö chäänöngato ñäädä. Ñäädä yääjato dhowaanäcä mmaja na dea tameedä töweichö e’se’tädö.

2 PEEDHODO 2:13

Näntunaanö’aato’dede anejjacoomo soto cönentunamjöichodö jo’tädööje. Shiiyöcoomoje weneene anooto waadäi töweewodoichadööcomo. Jöije naato; tujuumä äwääwashinchädööcomo töncone’ma weneeneto. Conemjönö tumjummadööcomo aca töweewodoicha töweichaameiñe, ajaadäiñe dea töwääwashinchä weneeneto, yääjönö wa’cä.

1 JUAN 1:10

Conemjönö ännö’da cöwäätä’ta’comjäcä, töwä’dunaatoje Wanaadi que’taato; dha’deddu ’je’da caato yaawä.

1 JUAN 1:6

Chääjadoonoje cöwäätä’ta’comjäcä tööjano’taca cöwäämannä’taameiñe, cöwä’duntaato yaawä, chäänöngato ännö’da mmaja.

1 JUAN 2:4

Ñäädä, “Wanaadi jadoono öwö,” queeto wä’dödö, ñaanontä’jödö ännö’da töweichaame, töwä’dunaato ñäädä; chäänöngato ’je’da na töwö.

1 JUAN 4:20

Ñäädä edääjato wä’dödö: “Wanaadi tumjumma öwö;” queeto wä’dödö töweichacoono tönquiiñeme’que töweichaamato, töwä’dunaato ñäädä. Töweichacoono eneetaame ämjumma’da yeiya’jäcä ¿aaquene mmaja Wanaadi ämjummadö deaade’, ñäädä töneene’jödööjönöödä?

2 JUAN 1:2

Mämjummaato chäänöngato cöwwäiñe naadö woije, yää yeichöödäje cöwwäiñe naadö.

3 JUAN 1:3

Jooje ta’cwaiñe wä’jaaquene chäänönge aweichö eta’jäcä öwwä. Anejjacoomo quedeiyente döiña cöneiya’todö mädääje aweichö cöneecammajä’a’to öwwä. Chäänöngato wätunnä woije dämma määnene.