1 JUAN 1:6 - Wanaadi A'deddu

⁶ Chääjadoonoje cöwäätä’ta’comjäcä tööjano’taca cöwäämannä’taameiñe, cöwä’duntaato yaawä, chäänöngato ännö’da mmaja.

1 JUAN 1:6 Iomraidhean Croise

MATEO 7:22

Yää anooto awä jooje soto nä’döaato’de öwwä: “Cajiichaana, Cajiichaana, adha’deddu töneecammajä’e töweiye ñaa cönä’jaacä, adheetö joi odo’shancomo tömja’canö’jo ñaa cönä’ja’dea; adheetö joi chea jooje täneemö tönnöe ñaa cönä’ja’dea;” quee nä’döaato’de öwwä.

JUAN 11:10

Ñäädä tööjano’tacaano wäämannäjöödö mmaane töweeju’cä’e, yeijotoojo ’je’da yeijäcä; quee cönä’döaacä Jesuuquidiito.

JUAN 12:35

Jesuuquidiito cönä’döaacä chäwwäiñe: —Numa’da mma ajaadäiñe weiyu weichojo na eduuwa. Äämannä’täcä weiyu ajaadäiñe naadawäädä, ätööjanto’no. Ñäädä tööjano’tacaano wäämannäjöödö towaanäcä’da naadema.

JUAN 12:46

Öwö edä nonoodö de’cäi we’ne weiyuuje, tööjano’taca’da yeecanö’nei yeichö wetä.

JUAN 8:12

Yää ’jeje Jesuuquidiito cöna’deuwöi chea soto wwäiñe; cönä’döaacä: —Öwö ñäädä weiyu, sotoocomo yeijonei. Ñäädä jaadono wötäädö tööjano’taca ei’cha na’de; chäwwä töweiye na’de weichojo weiyu; quee cönä’döaacä.

JUAN 8:55

Yääje yeichaame odhoowanääcäiñe’da na töwö; öwö mmaane yoowanääcä na. Yoowanääcä’da e’ta’jäcä öwwä, juutuje mmaja eijai wa dea yaawä, awei’yejeiñe mmaja. Yoowanääcääne na töwö, dha’deddu woije tönnöe wäänene dea.

1 TIIMOTEO 4:2

Tönwanno nätäncu’täjaato’de juutuja’como weshi’jodööcomo que. Ñanno juutuja’como naato chö’tajäätödööcomo töweecone’ma, yaatuaajä töweiye naichöje.

SANTIYAACO 2:14

Jimmä, ¿aaquene aashicha eichöde’ anejja ecamjödö ’je yääcamma’jäcä, aashichaato ännö’da töweichaame? ¿Yää nöngato ecamjödö que ñäädä ääwanaacajai nichö’taanä äwwäiñe?

SANTIYAACO 2:16

yaawä anejja adhantawäiñe yääje yä’döajäcä chäwwä: “Ta’cwaiñe eichä eduuwa; owoomö mejoodötaiñe, adheewanshiñö mmaja;” quee yä’döa’jäcä, äntu’da töweichaame, ¿aaquene aashicha yää eichöde’?

SANTIYAACO 2:18

Edääje anejja wä’döa’jäcä öwwä: “Amäädä aneecamjödö töweiye na; öwö ’quene aashichaato tönnöe;” quee yä’döa’jäcä, edääje eccujä’jai wa yaawä: “Aaquene töneecanö’e aweichö määnejoodöde’, töödödö ’je’da yeiya’jäcä?” quee. Öwö mmaane neecamjödö eneejojai wa önnödö que.

1 JUAN 1:10

Conemjönö ännö’da cöwäätä’ta’comjäcä, töwä’dunaatoje Wanaadi que’taato; dha’deddu ’je’da caato yaawä.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

1 JUAN 1:8

Conemjönö ’je’da cöwäätä’ta’comjäcä, cöwwäädäiñe cätäncu’taato yaawä, chäänöngato ’je’da caato dea.

1 JUAN 2:4

Ñäädä, “Wanaadi jadoono öwö,” queeto wä’dödö, ñaanontä’jödö ännö’da töweichaame, töwä’dunaato ñäädä; chäänöngato ’je’da na töwö.

1 JUAN 4:20

Ñäädä edääjato wä’dödö: “Wanaadi tumjumma öwö;” queeto wä’dödö töweichacoono tönquiiñeme’que töweichaamato, töwä’dunaato ñäädä. Töweichacoono eneetaame ämjumma’da yeiya’jäcä ¿aaquene mmaja Wanaadi ämjummadö deaade’, ñäädä töneene’jödööjönöödä?