1 JUAN 1:3 - Wanaadi A'deddu

³ Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

1 JUAN 1:3 Iomraidhean Croise

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

JUAN 17:25

Jaaja chäänöngato, edä nono de’woncomo dhowaanäcäiñe’da ma; öwö mmaane yoowanääcä ma, canno mmaja dhowaanäcäiñe na dea yaanontänei’jödööje aweichö.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 19:35

Ñäädä eneenei’jödö jaiñoone mädä necammajä’a; chäänönge töwö ñeecammajäätödö na. Töwö dhowaanäcä mmaja chäänönge töneecammajäätödö weichö, änwanno mmaja mecaanö’taiye.

DOSECHO 13:32

“Mädääje na; äwwäiñe ñaa necammajä’a eduuwa aashichaato wätunnä, yää cadai’choncomo wwä Wanaadi necamma’jödö.

DOSECHO 13:41

Eneetäcä änwanno quimmajä’nnamo; ääcatoncatääcä, ännanö’täcääde. Öwö, Wanaadi, ene’ju’tojo wödööa’de aneenedööcomooje. Änwanno aneecamjö’da maato’de äwwäiñe yäätäcammataame; quee cömmennoicho Wanaadi wa’deuwödö ecammannamo; quee cönä’döaacä Paudo ñanno we’jummatoojo tacancomo wwä.

DOSECHO 2:42

Ñanno chäänönge tönnöe cönä’ja’to anonta’como wwä towaanomaadöcoomo; aashicha töweiye cönä’ja’to tönwannoje dea. Töwe’jumma töweiye cönä’ja’to Wanaadi wwä töwa’deuwödööcomo wetä, Santa Seena tödöödö weta mmaja.

DOSECHO 20:27

Öwö yä’jödöödä äwwäiñe wecammajä’ne Wanaadi a’deddu, dhantai etoone’tancädä’da.

DOSECHO 4:20

E’nomjajai’cha ñaa na töneene’jödö ecammajäätödö, töneeta’jödö mmaja; quee cönä’döa’to Peedhodo, Juan mmaja.

DOMAANO 15:27

Aashicha chäwwäiñe cöntö’taacä yääje töwwäiñe tödöödö. Chäänönge mädääje nichö’tajä’aato; ejeeque’näjöödöcoomo nönge mädä na. Ñanno judhío quedeiyentecoomo judhíojöncomo wwä cuntuicho Wanaadi a’deddu; yääje yeijäcä judhíojöncomo yää inwacaamajai ñaato eduuwa edä nono de’wono que.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 1:9

Chäänöngato ñäädä Wanaadi, töwö dea adha’dejjatääne Tönnedö Jesuuquidiito jimmäje aweichöcoomo wetä, ñäädä Cädhaajotoncomo.

1 CODINTIYO 15:1

Jimmä, ätö’tamme’jo’seiñe wa äwwäiñe aashichaato wätunnä neecammajäätö’jödö jäcä, yää aashicha metaatäneedö, chääjäcäinchädä ejääduqueejö’da maatoodö.

2 CODINTIYO 13:14

Cajiichaana Jesuuquidiito nutuudu aashichaato äwwäiñe yei’she wa, wä’jummanä Wanaadi nutuudu mmaja, Epíiditu Santo ni’wa’tädö mmaja. Amén.

EUJEESIYO 3:6

Edä yää owaanojöönö’jödö: Aashichaato wätunnä ecammajäätödö que ñanno judhíojöncomo naato eduuwa Wanaadi nutuudu eiñamooje, judhío naatoodöje mmaja. Tönwanno judhíojöncomo naato dea yää dea ejööje mmaja, Wanaadi necamma’jödö enennamooje töweiyaamoje mmaja, yää Jesuuquidiito jäcäinchädä cöneecammaichö.

JIDIIPENSE 1:7

Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

JIDIIPENSE 2:1

Yääje yeijäcä, Quidiito äjäädu’tätäiñe yeiya’jäcä, töwö inchudu wä’jummanä awa’dätäiñe yeiya’jäcä mmaja, Epíiditu Santo ’je aweiya’comjäcä mmaja, tujunne äneetä aweiya’comjäcä, wentumje äneetä mmaja,

JIDIIPENSE 3:10

Quidiito yoowanääcä tödö’se wa, ijäädudu mmaja, yää chääque töwäämaajo jonno cönaadoncaichö. Töwö chääjadä mmaja yäntunamjödö oneeja’se wa dea, töwö cönäämaichöje mmaja wäämaiyede öwö yaawä,

CODOOSENSE 1:13

Töwö Wanaadi cäwaanacaatäne tööjato jäduudu jonno; töwö cödöötäne yaawä Tönnedö tumjummadö sotoije.

1 TEESADOONISENSE 1:10

Tönwanno dea töneecammajä’e weneeneto caju ñanno Jesuuquidiito weejödö womoocödööje aweichöcoomo, ñäädä Wanaadi nnedö, yäämaajo jonno Wanaadi cönaadoncaichö. Ñäädä Jesuuquidiito Cäwaanacaaneichomooje na conemjönö ne’a’dedö jonno.

1 TIIMOTEO 6:2

Ñanno quedeiyente chäädhajootoncomo töjimmäje yeijäcäiñe mma onnontä’da eijai’cha naato. Aashicha’cä mmaane tödööjai ñaato, quedeiyenteje yeichomjäcä ñanno tötaadawa’cajonnamo, Wanaadi nijummadööje yeichomjäcä mmaja. Mädääje owaanomaacoto, yäätuujacooto’dede.

EEWEDEO 2:12

Edääje Jesuuquidiito wä’dödö na, yää Wanaadi a’deddu imennaajä jäcä naadö: Äjääcä wecammajä’a’de jimmä wwäiñe; ye’jumma’como antawäiñe aashicha yeecanta’ña’de äjääcä; quee yä’dö’jödö na.

EEWEDEO 3:1

Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

1 PEEDHODO 5:1

Edääje mänwätuujaato änwanno quedeiyente antawäiñe ansiyaanoje maatoodö, öwö mmaja ansiyaanoje weijäcä, Jesuuquidiito wäntunamjödö eneenei’jödö mmaja; aashichaato täneejoomöje naadö eneeneije töweiyemö mmaja öwö dea.

2 PEEDHODO 1:16

Wätunnä iiña mmädooto ñaa nejoodödö que’da äwwäiñe ñaa cöneecammajäätöi Cädhaajotoncomo Jesuuquidiito jäduudu jäcä, yeejö’jödö jäcä mmaja. Täneene ñaa cöneeneaacä iiñataadö.

1 JUAN 1:1

Ñäädä yaajäntä’jödö jonnoto’jödöödä töweiye cönä’ja’dö, ñäädä Weichojo A’deu edhaajä, ñaa necammajä’a äwwäiñe. Ñäädä wa’deuwödö töneeta ñaa cönä’jaacä; tänuudu que töneene ñaa cönä’ja’dea; töneene’ma ñaa cönä’ja’dea; tamäädö que tönaajojo ñaa cönä’ja’dea.

1 JUAN 1:5

Edä yää wätunnä Jesuuquidiito wwä ñaa neta’jödö; äwwäiñe ñaa necamma eduuwa: Wanaadi ñäädä tawaanato jaiñoone; tööjato ’je’da töwö.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.