1 JUAN 1:2 - Wanaadi A'deddu

² Ñäädä Weichojo edhaajä cönäänejoi; ñaa cöneeneaacä. Yääje yeijäcä ñaa necammajä’e äwwäiñe Weichojo töwaatamemjönö edhaajä jäcä. Töwö cönä’jaacä Cumöötoncomo jadä; ñaa wwä cönäänejoi yaawä.

1 JUAN 1:2 Iomraidhean Croise

JUAN 1:18

A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.

JUAN 1:4

Töwö chäwwä cönä’jaacä do’ta; yää do’ta cönä’jaacä sotoocomo weiyuuducoomoje.

JUAN 10:28

Öwö wu’a chäwwäiñe töwaatamemjönö weichojo. Tönwanno ännamjö’da naato’de yeichöje. Anejja sootoi che yenwajiiñajai’cha na.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 15:27

Änwanno mmaja jääcä mecammajä’ato’dede, yaajäntä’jödö jonnoto’jödöödä jaadä aweichomjäcä.

JUAN 16:28

Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 17:5

Eduuwa, Jaaja, adöiña mmaja wennaca’jäcä, aashicha weichö eneejocä, yää dea, ajaadä weichö aashicha wä’jaaquennö dea, edä nonoodö amoode’nädö owaajodä.

JUAN 19:35

Ñäädä eneenei’jödö jaiñoone mädä necammajä’a; chäänönge töwö ñeecammajäätödö na. Töwö dhowaanäcä mmaja chäänönge töneecammajäätödö weichö, änwanno mmaja mecaanö’taiye.

JUAN 21:14

Yää cönä’jaacä aaduwaawädeeto Jesuuquidiito wäänejoodö tönoowanoomadö wwäiñe töwäämaajo jonno töweeja’ca’jeje.

JUAN 3:13

“A’que na caju ñano wäncudu ’je’da, ñäädä Soto nnedö mmaane, caju ñanno cönä’täichö dea.

JUAN 7:29

Öwö mmaane yoowanääcä na, chääjadonno we’eetö’da. Töwö yaanontäne; quee cönä’döaacä Jesuuquidiito.

JUAN 8:38

Öwö töneecamma wäänene Jaaja neneejo’jödö öwwä; änwanno ’quene tönnöe määnetääne oomotoncomo necamma’jödö daja; quee cönä’döaacä Jesuuquidiito.

DOSECHO 1:22

Juan wwä wautisaaje Jesuuquidiito wä’döjo’jödö jonnoto’jödöödä cäju ña iichä’jödö jona tödööene cöjaadoncomo’jödö dea eijai ña. Yaawä ñäädä cöjaadäiñe eijai ña töwäämaajo jonno Jesuuquidiito waadonca’jödö jäcä ecammajä’neije; quee cönä’döaacä Peedhodo quedeiyente wwäiñe.

DOSECHO 10:41

Tameedä soto wwäiñe’da mma töwö cönäänejoi, ecammannamooje töweiyaamoje jenaadä Wanaadi neichö wwäiñe dea mmaane. Ñanno ñaa Wanaadi neichö, töwäämaajo jonno yaadonca’jeje Jesuuquidiito jadoono wääwashinchä’jödö.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 5:32

Mädä jäcä ecammajä’neije ñaa na, Epíiditu Santo mmaja. Wanaadi Epíiditu Santo tunu’e weneene tameedä töwoije tödöönei wwä; quee Peedhodo cönä’döa’to äcamma’jonnamo wwä.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

2 TIIMOTEO 1:10

Eduuwaane töwö cujummatäiñe töweichö cöneenejoi Cäwaanacaaneichomo Jesuuquidiito wäänejoodö que. Töwö Jesuuquidiito wäämanä cömjäduucai; aashichaato wätunnä ecammajäätödö que töwö cöncatu’nacaajoi töwä’camjönö weiñä, yää yeichöödoto.

TIITO 1:2

töwaatamemjönö weichojo chäwwäiñe töweiye yeichö wetä yaawä. Edä nono woojodö’jödö owaajodä töwö Wanaadi cöneecammai yää töwaatamemjönö weichojo; ätäncu’täjöönö ñäädä Wanaadi.

1 PEEDHODO 5:1

Edääje mänwätuujaato änwanno quedeiyente antawäiñe ansiyaanoje maatoodö, öwö mmaja ansiyaanoje weijäcä, Jesuuquidiito wäntunamjödö eneenei’jödö mmaja; aashichaato täneejoomöje naadö eneeneije töweiyemö mmaja öwö dea.

1 JUAN 1:1

Ñäädä yaajäntä’jödö jonnoto’jödöödä töweiye cönä’ja’dö, ñäädä Weichojo A’deu edhaajä, ñaa necammajä’a äwwäiñe. Ñäädä wa’deuwödö töneeta ñaa cönä’jaacä; tänuudu que töneene ñaa cönä’ja’dea; töneene’ma ñaa cönä’ja’dea; tamäädö que tönaajojo ñaa cönä’ja’dea.

1 JUAN 2:25

Töwö Jesuuquidiito dea cöneecammai cöwwäiñe cöweichöcoomo töwaatamemjönö.

1 JUAN 3:5

Änwanno odhoowanääcäiñe na cöcoone’nadiiyöcoomo jonno cöcoccaiñe Jesuuquidiito weejö’jödö. Töwö mmaane conemjönö ’je’da na.

1 JUAN 3:8

Ñäädä conemjönö acaadä töweiyato mmaane odo’sha sotoi ñäädä, conemjönö tödööneiñe odo’sha yeiyajä yaajäntä’jödö jonnoto’jödöödä. Yääjatooje Wanaadi nnedö cöneejä, odo’sha nödöödö emaaneije.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

1 JUAN 4:2

Edääje ene’ju’jai maato Epíiditu Santo woijato ecammajäätödö: Ñäädä Jesuuquidiito Äwaanacaaneije yeichö ecammanei, sotooje yeejö’jödö ecammanei mmaja, Wanaadi dö’sennoto Epíiditu Santo ’jano ñäädä.

1 JUAN 5:11

Edä yää cöwwäiñe Wanaadi necamma’jödö: Töwö Iiñedö ecamjödö jäcäinchädä cöweichöcoomo töwaatamemjönö cönä’tui cöwwäiñe, Wanaadi nutuudu.

1 JUAN 5:13

Edä wimennäi äwwadäädäiñe änwanno Wanaadi nnedö ecaanö’nnamo, odhoowanääcäiñe yeichö wetä töwaatamemjönö weiñä ’je aweichöcoomo.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.