1 JUAN 1:1 - Wanaadi A'deddu

¹ Ñäädä yaajäntä’jödö jonnoto’jödöödä töweiye cönä’ja’dö, ñäädä Weichojo A’deu edhaajä, ñaa necammajä’a äwwäiñe. Ñäädä wa’deuwödö töneeta ñaa cönä’jaacä; tänuudu que töneene ñaa cönä’ja’dea; töneene’ma ñaa cönä’ja’dea; tamäädö que tönaajojo ñaa cönä’ja’dea.

1 JUAN 1:1 Iomraidhean Croise

DUUCA 1:2

Tönwanno cömmennoicho Wanaadi a’deddu owaanomannamo wwäiñe towaanoma’jocoomo nönge dea, ñanno yaajäntä’jödö jonnoto’jödöödä yää enennamo’jödö wwäiñe.

DUUCA 24:39

Eneetäcä’ma yaamädö, u’judu mmaja. Ñäädä dea dajaane öwö. Cajoojotääcä’ma; cäneetäcä. Äcaatomjä tujuune’da töweiye nai, se’jä’da mmaja, cäne’maatoodöje’da; quee cönä’döaacä.

JUAN 19:35

Ñäädä eneenei’jödö jaiñoone mädä necammajä’a; chäänönge töwö ñeecammajäätödö na. Töwö dhowaanäcä mmaja chäänönge töneecammajäätödö weichö, änwanno mmaja mecaanö’taiye.

JUAN 20:27

Yaawä Jesuuquidiito cönä’döaacä Tomá wwä: —Adhaamädö dhadaadö que cajoojocä; yaamädö eneecä; suudadö ajoojocä. Aneecamjö’da’daane eichä, töneecanö’eene; quee cönä’döaacä.

JUAN 5:26

Jaaja wwä töweiye do’ta u’tojo. Töwö Tönnedö wwä cuntui chea do’ta u’tojo.

JUAN 8:58

Jesuuquidiito cönä’döaacä: —Chäänönge yääje wä’döa, Aawadán owaajodä dea öwö wa; quee.

DOSECHO 1:3

Yaawä töwääma’jeje töwö Jesuuquidiito nudä cönäänejoi chea chäwwäiñe aacä soto anooto, dhowaanäcäiñe yeichö wetä nudä töweichö. Chäwwäiñe töwa’deuwe cönä’jaacä Wanaadi töcaajichaanaije weiña jäcä.

DOSECHO 4:20

E’nomjajai’cha ñaa na töneene’jödö ecammajäätödö, töneeta’jödö mmaja; quee cönä’döa’to Peedhodo, Juan mmaja.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

1 JUAN 5:7

Aaduwaawä naato yää ecammannamo caju ña; ñanno naato Cumöötoncomo, ñäädä A’deu mmaja, Epíiditu Santo mmaja. Tönwanno naato tooni mma.

APOOCADIISI 1:11

Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 1:8

“Öwö ñäädä yaajäntä’jödö, yä’cadö mmaja;” quee nä’döa Cajiichaana jäduujato, ñäädä eduuwa naadö, jenaadä cönä’ja’dö dea, äcuude na’dedö dea.

APOOCADIISI 19:13

Yoomö cönä’jaacä munu que töjööe. Töwö chäätö na Wanaadi A’dedduje.

APOOCADIISI 2:8

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eesimiidana ñancomo quedeiyente edai’chäneichomo wwadäädä: “Edääje nä’döa ñäädä awa’deeto, yaatameedö mmaja, ñäädä cönäämaichö, töwäämaajo jonno cönaadoncaichö: