1 CODINTIYO 9:3 - Wanaadi A'deddu

³ Edääje wä’döa ñanno quimmajä’nnamo wwä:

1 CODINTIYO 9:3 Iomraidhean Croise

DUUCA 12:11

“Yaawä we’jummatoojo taca adhaadäa’comjäcä, äcamma’jonnamo wwadäädä jeiñe mma, acu’shänä wwadäädä jeiñe mma, äwwäiñe eccujo’to’como jäcä mma mätäncano’tätäi’che, awa’deuto’como jäcä jeiñe mma.

DOSECHO 22:1

—Änwanno jimmä, inchoncomo mmaja, etaatäcä eduuwa äwwäiñe wa’deuwödö; quee cönä’döaacä Paudo

DOSECHO 25:16

Edääje wä’döaaquene yaawä chäwwäiñe: “Täcamma’jodö’jo’da mmädä soto aneema’da domaano weichö nai. Täcamma’joone awa’de ecamma’jodö töweiye nai ñäädä chu’de’tänei je’taca, emeetacaamadö wetä yaawä chäwwä, töwa’deuwö’se töweiya’jäcä;” quee wä’döaaquene chäwwäiñe.

1 CODINTIYO 14:37

Anejja adhantawäiñe Wanaadi nutuudu woije ecammajä’neije töwääcanö’a’jäcä, Epíiditu Santo woije töwääcanö’a’jäcä mmaja, ñäädä chö’tamme’jai ña yaawä edä äwwadäädäiñe wimennaadö Cajiichaana Jesuuquidiito nanontä’jödööje yeichö.

1 CODINTIYO 9:2

Anejja wwä anontaajäjemjönö wa’cä tö’ta’jäcä, änwanno mmaane yääje chö’tajä’jai’cha maato. Änwanno ñanno anontaajäje weichö yeene’ju’jonnamo, mädä Cajiichaana Jesuuquidiito ecaanö’nnamooje maatoodö.

1 CODINTIYO 9:4

Sa’donna dajaane noowanoomadö wwä ääwashinchäjoojai wa öwö;

2 CODINTIYO 13:10

Edä wimenna äwwadäädäiñe adöiñaiñe öötääje, jäduuje a’deuwö’da weichö wetä yaawä adöiñaiñe ööta’jäcä, yää jäädudu Cajiichaana nutuudu que. Töwö Cajiichaana Jesuuquidiito yää cuntui öwwä äjäädu’toto’comooje, adheuto’comooje’daane.

2 CODINTIYO 13:3

Yaawä Quidiito woije töwa’deuwe weichö odhoowanääcäiñe na’de, eduuwa aneecamjö’da aweichaameiñe. Ñäädä Quidiito jäduuje’da’da weneene adhantawäiñe, jäduujeene.

2 CODINTIYO 13:5

Änwanno deaane ä’mencatääcä chäänönge aneecamjödööcomo weichö jäcä. Äwwäädäiñe äänetääcä. ¿Odhoowanääcäiñe’da ca’ nai Jesuuquidiito ataacaiñe yeichö, quedeiyente neeneje aweiya’comjäcä?

JIDIIPENSE 1:17

Ñanno chäänönga’como mmaane töneecammajä’e weneeneto öwö jummadö e’nei, towaanäcäiñe yeijäcä eetä weichö aashichaato wätunnä chu’de’tännamo ye’wononcaneichomooje.

JIDIIPENSE 1:7

Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

2 TIIMOTEO 4:16

Awa’deene acu’shänääcomo wwä yeecamma’jodaawä ya’deunedaawä, ö’wa’tänei ’je’da cönä’jaacä; tameedäädääne ye’nomjaneeto. Chäwwäiñe Wanaadi aneejemaajo’daane yei’she wa yää.