1 CODINTIYO 9:1 - Wanaadi A'deddu

¹ Anontaajä dajaane öwö, tameedä anonta’como tönnöe weneenetoodö tödööjaicho mmaja, öwwä mmajaane Cädhaajotoncomo Jesuuquidiito eneetö’da. Änwanno mmaja maatoodö naane’ taadawaajui’jödö, yää Cajiichaana wwonooje tönnöe wääneneedö.

1 CODINTIYO 9:1 Iomraidhean Croise

DOSECHO 13:2

Yaawä yäänemaadawäiñe, yeecanta’ñädaawäiñe mmaja Epíiditu Santo cönä’döaacä chäwwäiñe: —Waanawé, Saudo mmaja, ewaacatääcä tadaawaaju neecammadö dönnamooje; quee cönä’döaacä.

DOSECHO 14:14

Yää eneea’jäcä ñanno anonta’como wwä tönwanno töwoomöcoomo cönshiijätöicho, cone’da töwä’döjoodöcoomo ene’ju’tojooje. Soto do’tacaiñe cöneeca’tömöicho töcä’tömjä’ancädäiñe:

DOSECHO 14:4

Yää jataawoncomo äänönge’da chö’tajäätödööcomo cönä’jaacä; dhantai cöneecamjöicho judhío a’dedducoomo, dhantai ’chene anonta’como a’dedducoomo daja.

DOSECHO 23:11

Yää ’jejaato coijaichawä Cajiichaana Jesuuquidiito cönäänejoi Paudo wwä; cönä’döaacä chäwwä: —Cone’da’da eichä Paudo. Ya’deddu mecammajä’a’de Dooma ña, eetä Jeduusadén ña mecammajä’nedööje mmaja; quee cönä’döaacä.

DOSECHO 9:15

Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOSECHO 9:17

Yääje mma yaawä Aananía cöntämä yaawä Saudo e’saca. Töwoomonga’jäcä tamäädö cönnöi Saudo de’wä; cönä’döaacä chäwwä: —Weichacoono Saudo, Cajiichaana Jesuuquidiito yaanontäi sadä adöiña, ñäädä ääma tai aweejödaawä äwwä cönäänejoichö. Töwö yaanontäi töneene äwä’dödö wetä, Epíiditu Santo jäduudu ’je äwä’dödö wetä mmaja; quee cönä’döaacä Aananía Saudo wwä.

DOSECHO 9:3

Yaawä ääma tai töötädaawä, Damaacu ña ä’döjai töwä’döa’jäcä, jadheedä tawaanato cönäänejoi dhawoodhecääcä.

DOSECHO 9:5

Yaawä Saudo cönä’döaacä: —¿Änääcö amäädä Cajiichaana? quee. Yää a’deu cönääta’dea yaawä: —Jesuuquidiito öwö, ñäädä miyuunacaadö dea. Amäädä dea adheecone’ma, jaaca tuju’yu’motoojo töjoosa’dato etaaja’jäcä chäwwä töwoije dea töwäätunui’chä töweiye naichöje mmaja; quee cönä’döaacä.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 11:13

Edääje wä’dö’se wa äwwäiñe, änwanno judhíojöncomo. Judhíojöncomo wwadäädäiñe anontaajäje weijäcä aashicha mädä taadawaajui tödö’se wäänene.

1 CODINTIYO 1:1

Öwö Paudo, Wanaadi woije Jesuuquidiito nanontädööje e’taajä, cöjimmotoncomo Sootene acä ñaa

1 CODINTIYO 10:29

Amäädä chö’tajäätö’da aweichaame, töwööne chö’tajä’jai ña. Edääje chö’tajä’jai’cha maato: “ ¿Aaquene mmaja anejja tö’tajäätödö woije wääwashinchädö deaade’ ?

1 CODINTIYO 10:30

¿Aaquene mmaja cone’da anejja ännödö deaade’ Wanaadi wwä wa’deuwancädääne wääwashinchaajä?” quee chö’tajä’jai’cha maato.

1 CODINTIYO 11:16

Anejja mädä jäcä töwenta’mecö’se töweiya’jäcä towaanäcä nödö’ñojo anejjeja ännö’da ñaa weichö, tameedä quedeiyentecoomo jataadöcoomo waadäi.

1 CODINTIYO 3:6

Öwö Wanaadi a’deddu wecammajä’ne awa’deene äwwäiñe, dhadöödö ñaatö’tädö töweiye naichöje; Apoodo ’quene töjöönei nönge cönä’jaacä; Wanaadi mmaane iiñejencaneije.

1 CODINTIYO 9:19

Soto anoonöcoomoje’da weichaame öwö woije dea dhanoonöcoomoje töwä’döjo wäänene, jooje’cä jeene Quidiito sotoije töweiyaamo chaana’cadööcomo wetä öwwä.

2 CODINTIYO 10:7

Änwanno ye’wono mma mene’maato. Anejja wwä Quidiito sotoije töwääcanö’a’jäcä, Quidiito sotoije ñaa weichö mmaja chö’tamme’jai ña dea, töwö naadöje mmaja.

2 CODINTIYO 11:5

Ñanno anonta’comooje tönwacööma määnetäänedö o’näiñe’da wa öwö.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

CAADATA 1:1

Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

1 TEESADOONISENSE 2:6

Töjääcä aashicha soto wa’deuwödööcomo ñaa encanoodöje’da cönä’jaacä. Änwanno awa’deuwödööcomo mmaja, anejjacoomo soto wa’deuwödööcomo mmaja, ämjumma’da ñaa cönä’ja’dea. Jesuuquidiito nanontädööje töweichö jäcäinchädä adhaanontäjaiñe ñaa wei’jödö weichaame, yääje’daane ñaa cönä’jaacä.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

2 TIIMOTEO 1:11

Wanaadi yeewaacane anontaajäje, aashichaato wätunnä ecammajä’neije mmaja, judhíojöncomo owaanomaaneichomooje mmaja.