1 CODINTIYO 8:4 - Wanaadi A'deddu

⁴ Yääje yeijäcä edääje wä’döa äwanshi chu’taajä wwä saaquidiijiisiyooje u’ajä jäcä: Cönwanno cowaanäcäiñe na ñeeneje’da yää chu’taajä weichö, tooni mma Wanaadi weijäcä.

1 CODINTIYO 8:4 Iomraidhean Croise

MAADOCO 12:29

Jesuuquidiito cöneccujä’acä: —Edä yää waanontänä cho’jodha’como jaiñoone: “Etaatäcä änwanno iisadaaediitacoomo, ñäädä mma Cajiichaanaje na, Cädhaajotoncomo Wanaadi mma.

DOSECHO 14:15

—Mädääje’daane jimmä, quee cönä’döa’to, soto mmaja ñaa dea, anönga’como mmaja. Mädä nöngato jäcä ecammajä’nnamooje ñaa cöneejä sadä, mädä weicho’jönö mödööaatoodö me’nomjatäiye yaawä, Wanaadi nudootoone mecaanö’täiye, ñäädä caju tödöönei’jödö, nono mmaja, dama mmaja, tameedä dhacaiñe naadö mmaja.

DOSECHO 15:20

Tömennä mmaane quiimennätäiye chäwwadäädäiñe chu’taajä namoi’chädö jäcä’da yeichöcoomo wetä, masuuduije’da yeichöcoomo wetä mmaja, awö’cajä, eta’jiiñä’caajä mmaja änäänä’da yeichöcoomo wetä mmaja, munu anaame’da yeichöcoomo wetä mmaja.

DOSECHO 19:26

Änwanno meneea’quene, metaatäne dea Paudo necammajäätödö. Töwö töneecammajä’e weneene wanaadije’da yeichö soto namoode’nädö. Mädääje töwö soto ni’jedaato, Eujeeso ñancomo mma’da, tameedä Aasiya weichö waadoinchomo mmajaane.

1 CODINTIYO 8:1

Edääje wä’dö’se wa eduuwa äwanshi jäcä, yää saaquidiijiisiyooje chu’taajä wwä u’ajä jäcä. Towaanojo’ne cöweichaameiñe mma’ne mädä jäcääne’, yaawääne’ yää towaanojo’ne weiñä o’jodhe tö’tamme’jojä’tä mma töweiye nai; wä’jummanä mmaane ’wa’tätä na.

1 CODINTIYO 8:10

Chu’taajä weichojo taca äwääwashincha’jäcä naadö naane’; amäädä yää chu’taajä jäcä chö’tajäätö’da aweichaame anejja quedeiyente jäduujemjönö tö’tajäätödö adheenejai yaawä iiña aweichö. Töwö mmaja yää chu’taajä wwä u’ajä tänääjai ña dea yaawä.

1 CODINTIYO 8:11

Mädääje towaanojo’ne aweichaame aweichacoono jäduujemjönö mishaadijannä’ca, ñäädä chääjäcäinchädä Quidiito cönäämaichö.

CAADATA 4:8

Jenaadä, Wanaadi odhoowanääcäiñe’da yeichö, wanaadija’como anoonöje töweiye mä’ja’quene, wanaadi ñeeneje’da yeichaameiñe ñanno.

EUJEESIYO 4:6

tooni mmaja Wanaadi, ñäädä tameedä Cumöötoncomooje naadö. Töwö tameedä o’jodhe na, tameedä yeichö wa’cä mmaja, tameedä cötaacaiñe mmaja.

1 TIIMOTEO 1:17

Yääje yeijäcä aashicha tödööto’me na ñäädä Cajiichaana yeichöödoto, aashicha wa’deutojooje mmaja yeichöödäje. Töwäämamjönö töwö, töwäänemjönö mmaja, ñäädä mma Wanaadi, töseedujä’nato. Amén.

1 TIIMOTEO 2:5

Tooni mma Wanaadi ña, tooni mma mmaja soto jäcäinchädäiñe Wanaadi wwä töwa’deuwemö, ñäädä Jesuuquidiito, soto nnedö.

JUUDHA 1:25

Ñäädä mma ñäädä Wanaadi, töseedujä’nato, Cäwaanacaaneichomo. Töwö Wanaadi Cädhaajotoncomo Jesuuquidiito ai aashicha wa’deutojooje na, o’jodhaatoje tä’täämöje mmaja; töwö cajiichaanaje mmaja na dea. Jenaado’jä ’jödöödä eduuwa naadö jona tödööene mädääje na, yeichöödäje yääje töweiyemööje dea. Amén.