1 CODINTIYO 8:1 - Wanaadi A'deddu

¹ Edääje wä’dö’se wa eduuwa äwanshi jäcä, yää saaquidiijiisiyooje chu’taajä wwä u’ajä jäcä. Towaanojo’ne cöweichaameiñe mma’ne mädä jäcääne’, yaawääne’ yää towaanojo’ne weiñä o’jodhe tö’tamme’jojä’tä mma töweiye nai; wä’jummanä mmaane ’wa’tätä na.

1 CODINTIYO 8:1 Iomraidhean Croise

DOSECHO 15:10

Yääje yeijäcä ¿ane’que’nei Wanaadi nödöödö aneecamjö’da maato? ¿Ane’que’nei ñanno quedeiyente wwäiñe ä’döjaichojöönö tödööjo’se maato, cönwanno tödööjaichojöönö, cadai’choncomo tödööjai’cha cönä’ja’todö mmaja?

DOSECHO 15:29

Chu’taajä wwä saaquidiijiisiyooje u’ajä mänäntäi’che; munu mmaja manaametäi’chede; awö’cajä mmaja mänäntäi’che; amaasuduichatäi’chede. Mädä tödööa’jäcä äwwäiñe aashicha maato’de. Mädääje mma töwä’dö’se ñaa nä’jaanä. Aashicha awei’sheiñe ñaa na; quee cömmennoicho ñanno anonta’como.

DOSECHO 21:25

Ñanno judhíojöncomo quedeiyentecoomo wwadäädäiñe mmaane ñaa cömmennäi yää chäwwäiñe tödööjojai’cha ñaa weichö jäcä; chu’taajä wwä u’ajä mmaane änämjo’da ñaa cöneiyacä chäwwäiñe, munu anaamejo’da mmaja, awö’cajä änämjo’da mmaja. “Amaasuduichatäi’che,” quee mmaja ñaa cömmennäi chea chäwwadäädäiñe; quee cönä’döa’to ñanno ansiyaano Paudo wwä.

DOMAANO 11:25

Änwanno jimmä, edä owaanojöönö’jödö odhoowanääcäiñe yei’she wa, o’jodhe ätö’tajäätödööcomo queiñe: Ñanno iisadaaediitacoomo dhantai cöntäijamöicho, ñanno judhíojöncomo Wanaadi sotoije töwä’döaamo yääwanaacadööcomo wa’cä mma.

DOMAANO 12:16

Ä’tu’de’tä’daane eichäcä änwannoje dea. O’jodhe awei’sheiñe’da eichäcääde; ema’jödööja’como jadä mmaja ääweichacoonoje eichäcä. Äwwäädäiñe mma towaanojo’ne määcanö’täi.

DOMAANO 14:10

¿Ane’cotoojo aweichacoono memmencaanä amäädä? ¿Ane’cotoojo michiiñeme’canä? Tameedä dajaane cä’mencajaato’de Quidiito wwä.

DOMAANO 14:14

Quedeiyenteje weijäcä edääje wä’döa, Jesuuquidiito owaadäädä: Yoowanääcä na ane’cä’cä amoije’da yeichö. Yaawääne’ anejja wwä amoije ane’cä’cä chö’ta’jäcä, chäwwä amoije na.

DOMAANO 14:19

Yääje yeijäcä yääne quencano’täto’ñojo, täncanoode’da cöweichöcoomoone, cöwe’wa’tädööcomo mmaja.

DOMAANO 14:22

Äwwä mma tödööcä mädä aneecamjödö, Wanaadi owaadäädä. Ta’cwaiñe ñäädä tötö’tajäätödö tönsa’duminchadö jäcä cone’da ä’döjoojönö.

DOMAANO 14:3

Ñäädä tameedä tänäänei chiiñeme’jai’cha na ñäädä änämjönö; ñäädä änämjönö ’quene cone’da a’deujai’cha na dea tänäänei jäcä, Wanaadide tönnedööje tödööeetö’da.

DOMAANO 15:14

Jimmä, öwö yoowanääcä na aashichaato tönnöe aweichöcoomo, töseedujä’ne aweichöcoomo mmaja, änwannoje dea ä’wätuujajai aweichöcoomo mmaja.

1 CODINTIYO 1:5

Quidiito jadä aweichomjäcä tameedä Wanaadi nutuudu aashichaato äwwäiñe na, awa’deuto’como, tösejjeque aweicho’como mmaja.

1 CODINTIYO 10:15

Tösejjeca’como dajaane änwanno, äwwäiñe ya’deuwaadö; änwanno dea chö’tamme’jai maato mädä äwwäiñe wa’deuwödö.

1 CODINTIYO 10:28

Yaawääne’, edääje äwwä töwö yä’döa’jäcä: “Chu’taajä wwä saaquidiijiisiyooje u’ajä’jödö määdhä tänäämö;” ca’jäcä, töwö chääjäcäinchädä mänäänäi’che yaawä, aneiñaja mma chö’tajäätö’no yaawä.

1 CODINTIYO 14:20

Jimmä, mude’cä’cä nönge’da ätö’tajä’täcä. Conemjönö tödöödö jäcä mmaane mude’cä’cä nönge eijai maato; tö’tajä’nä jäcä ’quene inchomo nönge eijai maato.

1 CODINTIYO 15:34

Odhoowadäädäiñe eichäcä; conemjönö männötäi’che; anejjacoomo adhantawäiñe Wanaadi dhowaanäcäiñe’da na. Ajöichojoodöcoomoje yääje wä’döa.

1 CODINTIYO 4:10

Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

1 CODINTIYO 4:18

Dhantai adhantawäiñe o’jodhaato wa’cä nääcanö’aato, adöiñaiñe tä’da weiyaatäi.

1 CODINTIYO 4:6

Jimmä, edä wecammajä’a aashicha aweichöcoomo wetä; yääje yeijäcä Apoodo jäcä ya’deuwa, öwö jääcä mmaja, töja’do’joone’daane Wanaadi a’deddu imennaajä woije meichäiye, o’jodhe chö’tajäätö’da aweichöcoomo wetä mmaja tooni odhoowanoomaneichomo jäcä, yeichacoono chiiñeme’taame.

1 CODINTIYO 5:2

Mädä nöngato adhantawäiñe yeichaame o’jodhe tötö’tajä’e määnetääne, töwaamoone aamojai aweichaameiñe. Ñäädä yääjato u’cajai maato ajaadäiñe yeichö jonno.

1 CODINTIYO 5:6

O’jodhe chö’tajä’jai’cha maato mädä ännödööcomo jäcä. ¿Odhoowanääcäiñe’da ca’ nai yää edääje wä’dönä weneenedö: “She’caasa ummannä’cajootojo yeichaame tameedä tunummannä’ca;” quee?

1 CODINTIYO 8:2

Anejja towaanojo’ne töwääcanö’a’jäcä towaanojo’ne yeichöjöönö yää.

1 CODINTIYO 8:4

Yääje yeijäcä edääje wä’döa äwanshi chu’taajä wwä saaquidiijiisiyooje u’ajä jäcä: Cönwanno cowaanäcäiñe na ñeeneje’da yää chu’taajä weichö, tooni mma Wanaadi weijäcä.

1 CODINTIYO 8:7

Tameedä’da soto mädä dhowaanäcäiñe na. Anejja chu’taajä jäcä töwäämu’ca töwei’jödö weijäcä yää chu’taajä wwä u’ajä tänääjai ña yääje tötö’tajä’ancädä: “Chu’taajä wwä u’ajä wänääanä;” quee tötö’tajä’ancädä. Yaawä jäduuje’da tötö’tajäätödö weijäcä conemjönö nejoodöja tötö’tajäätödö ai.

EUJEESIYO 4:16

Töwö yoije chääjö tojoodöjo na; tameedä chääjö jäcoono tojoodöjoojä’e na chu’nädö que. Tameedä chääjö jäcoono chäänönge yeetadaawa’caja’jäcä aashicha chääjö naatö’nä’a yaawä; wä’jummanääje adai’jä nä’döa.

CODOOSENSE 2:18

Wanaadi wwä adheejemaato’como que mätänwajiiñajootäi adhencu’tä’sa’como wwä. Ñanno adhencu’tä’sa’como o’jodhe chö’tajä’jönö wa’cä yäänejoodöcoomo; amoode ya’deme’nnamo mmaja tönwanno. Tönwanno na’deuwaato towaanojöncomo jäcä. Iiña mmädä adai’joto wa’cä nääcanö’aato, tötö’tajäätödööcomo woije mma.

APOOCADIISI 2:14

Yääje yeichaame cone’daiche wa äjääcä. Iiña Peecamo ña töweiye na adhantawäiñe Wadan nowaanoma’jödö ecaanö’nnamo. Töwö Wadan Wadaaca tönoowanooma cönä’jaacä iisadaaediitacoomo shaadijannä’cadööcomo jäcä, chu’taajä wwä saaquidiijiisiyooje u’ajä tänäädö wetä yaawä chäwwäiñe, masuuduije yeichöcoomo wetä mmaja.

APOOCADIISI 2:20

Yääje yeichaame cone’daiche wa äjääcä. Amäädä ajaadä yeichö jonno anu’ca’da dea ma ñäädä wodi, Jeesaweeda, Wanaadi wa’deuwödö ecammajä’neijato wätä’tädö. Töwö Jeesaweeda öwö sootoi nencu’taato. Töwö nowaanomaato masuuduichanä jäcä, chu’taajä wwä saaquidiijiisiyooje u’ajä tänäädö jäcä mmaja.