1 CODINTIYO 7:2 - Wanaadi A'deddu

² yaawääne’ jooje wä’yunaacanä yeijäcä töwaadäiñe dhanwaacomo töjiiñantoncomo tödööjai ñaato, wodiiñamo mmaja töwaadäiñe töiñonootoncomo tödööjai ñaato dea.

1 CODINTIYO 7:2 Iomraidhean Croise

MATEO 5:32

Öwö mmaane yääje wä’döa äwwäiñe: Ñäädä imaasuduicha’jödö jäcäinchädä’da töjiiñamo e’nomjanei, conemjönö nödööja töjiiñamo wwä. Ñäädä e’nomjaajä dö’tono wä’dödö mmaja conemjönö nödööa dea.

1 CODINTIYO 6:18

Äänejeetäcä masuuduije weiñä jonno. Tameedä anejja conemjönö soto tönnöe weneenetoodö täjööcomo jäcoonojöönö; masuuduichanä mmaane äjö jäcoono.

1 CODINTIYO 7:1

Eduuwa wimenna öwwadäädä ämmenno’jocoomo aca cäcamma’ja’quennö jäcä. Aashicha eijai ña ijööta’da dhanwa weiya’jäcä;

1 CODINTIYO 7:3

Dhanwa oowontäjai’cha na töjiiñamo wwä; yääje mmaja wodi, töiño wwä oowontäjai’cha na dea.

1 CODINTIYO 7:9

Yaawääne’, änshinchä’da aweiya’comjäcä ijöötajai maato, ätöiñonoojai mmaja. Aashicha mädääje eijai maato, jooje ätö’tajäätödööcomo queiñe.

EUJEESIYO 5:28

Mädääje mmaja tö’dhato töjiiñamo ijummajai ña dea, töwä’jummadö nönge dea. Ñäädä töjiiñamo ijummanei töwwäädä nä’jumma.

EUJEESIYO 5:33

Yaawääne adheecammancädäiñe mmaja mädääje nä’döa dea. Änwanno tö’dha’como, awaadäiñe ajiiñanto’como ijummatääcä, äwä’jummadööcomo wa’cä dea; wodiiñamo mmaja töiñonootoncomo niñontä’ña’to.

1 TEESADOONISENSE 4:4

Töwö awaadäiñe odhoowanääcäiñe yei’she na ajiiñantoncomo tödöödö, conemjönö jäcä ätö’tajä’ancädäiñe’da, aashicha tödööancädäiñeene.

1 TIIMOTEO 4:3

Tönwanno soto ämjö’näjo’da naato, äwanshi tönaamoi’chä mmaja, yää Wanaadi namoode’nädö. Yää Wanaadi cönnöi quedeiyentecoomo ewanshiñööje, chäänöngato dhowaanoco’como ewanshiñööje mmaja; yää na aashicha Wanaadi wwä töwa’deuwancädä täwanshiñööje tödööemö.