1 CODINTIYO 7:11 - Wanaadi A'deddu

¹¹ Töiño e’nomja’jäcä töiñoque’da nei’ñojo, ñäädä jadä dea jeiñe mma nä’dö’ñojoode. Dhanwa mmaja töjiiñamo e’nomjajai’cha na.

1 CODINTIYO 7:11 Iomraidhean Croise

MATEO 5:32

Öwö mmaane yääje wä’döa äwwäiñe: Ñäädä imaasuduicha’jödö jäcäinchädä’da töjiiñamo e’nomjanei, conemjönö nödööja töjiiñamo wwä. Ñäädä e’nomjaajä dö’tono wä’dödö mmaja conemjönö nödööa dea.

MAADOCO 10:12

Wodi mmaja töiño e’nomja’jäcä, anejja dhanwa dö’tä yä’döa’jäcä yaawä, töwö mmaja conemjönö nödööa dea töiño jäcä; quee cönä’döaacä Jesuuquidiito.

MAADOCO 10:2

Yaawä anejjacoomo jaadiseeo cöneejoto chäwwadäädä. Tönwanno oneejadööje mmädä cöneecamma’joicho dhanwa töjiiñamo e’nomjajai yeichö jäcä.

DUUCA 16:18

“Ñäädä töjiiñamo e’nomjanei, anejja wodi yö’tä yä’döa’jäcä yaawä, conemjönö nödööa. Ñäädä e’nomjaajä dö’tono wä’dödö mmaja conemjönö nödööa dea.

1 CODINTIYO 7:10

Edääje wiyäätuujaato töiñoca’como, tö’dha’como mmaja. Cajiichaana waanontädö jaiñoone wecamma, öwö tö’tajäätödö mmajöönö. Wodi töiño e’nomjajai’cha na.

1 CODINTIYO 7:12

Anejjacoomo wwä öwö tö’tajäätödö wecamma, Cajiichaana waanontädööjönö yeichaame; äwäätuujadööcomooje mma yääje wä’döa. Aneecamjö’da quedeiyente jiñamo yeiya’jäcä, töjiiñamo wwä tujunne töweichaame ñäädä quedeiyente töjiiñamo e’nomjajai’cha na.