Biblia Todo Logo
Bìoball air-loidhne

- Sanasan -




1 CODINTIYO 5:1 - Wanaadi A'deddu

1 Adheecadööcomo töweecata weneene conemjönö adhantawäiñe töweiye yeichö, Wanaadi dhowaanojöncomo jadä’jödöödä tödööjaichojöönö, yää senööjaaja dö’tä weiñä.

Faic an caibideil Dèan lethbhreac




1 CODINTIYO 5:1
32 Iomraidhean Croise  

Tömennä mmaane quiimennätäiye chäwwadäädäiñe chu’taajä namoi’chädö jäcä’da yeichöcoomo wetä, masuuduije’da yeichöcoomo wetä mmaja, awö’cajä, eta’jiiñä’caajä mmaja änäänä’da yeichöcoomo wetä mmaja, munu anaame’da yeichöcoomo wetä mmaja.


Chu’taajä wwä saaquidiijiisiyooje u’ajä mänäntäi’che; munu mmaja manaametäi’chede; awö’cajä mmaja mänäntäi’che; amaasuduichatäi’chede. Mädä tödööa’jäcä äwwäiñe aashicha maato’de. Mädääje mma töwä’dö’se ñaa nä’jaanä. Aashicha awei’sheiñe ñaa na; quee cömmennoicho ñanno anonta’como.


Ñanno Codoowé wä’jimmä’tädö adheecammajä’täne öwwä, jimmä, töwäätäccujä’e aweichöcoomo.


Edääjeene wa’dö’se wä’jaaquene yää wimennäneedö: Ñäädä quedeiyentejaato wätä’tädö jadä meichäi’che masuuduije yeiya’jäcä, anejja nödöödö töni’ñeimma yeiya’jäcä mmaja, chu’taajä tumjumma yeiya’jäcä mmaja, wätunnä dha’me yeiya’jäcä jeiñe mma, töwä’dau’cwato yeiya’jäcä jeiñe mma, tämeene jeiñe mma. Yääjato jadä wääwashinchänä’jödö jadäädä tödööemje’da na.


Chäänönge mmaja yääje töwä’döe weneeneto dea: “Äwanshi tödööajä na wääwashinchotoojoje; wenö tödööajä na äwanshi ewöötöje;” quee. Yääje yeichaame a’nädäncädä Wanaadi nacoichaja’de yää. Cäjööcomo mmaane Cajiichaana wwonooje tödööajä na, tömaasuduichaamöje’daane, chäädhajääne töwö yeiyajä.


Äänejeetäcä masuuduije weiñä jonno. Tameedä anejja conemjönö soto tönnöe weneenetoodö täjööcomo jäcoonojöönö; masuuduichanä mmaane äjö jäcoono.


¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,


Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.


Ñäädä wentumje yöödöjoonei’jödö öwö mma’da wentumje yöödöjoone, änwanno mmajaane, tameedä’da aweichaameiñe.


Yääje yeijäcä äwwadäädäiñe wimennäne ñäädä conemjönö dönei jäcäinchädä’da, ñäädä chääjäcä conemjönö cönnöichö jäcäinchädä’da mmaja; yää wimennäne odhoowanääcäiñe yeichö wetä Wanaadi owaadäädä ñaa jummatä aweichöcoomo.


Owaanäcä na tujuunu woija’como nödöödö, yää masuuduichanä, täjö que conemjönö tödöödö mmaja, chäänöngemjönö tödöödö mmaja,


Eduuwa Wanaadi jadoncomooje aweichomjäcä masuuduichanä jäcä a’deujai’cha jadä’jödöödä maato, anejja chäänöngemjönö jäcä mmaja, ane’cä’cä ijummadö jäcä töwäätätäädä weiñä jäcä mmaja.


Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.


Wanaadi ca’dejjatääne aashicha tödönnamooje, conemjönö tödönnamooje’daane.


Öwö a’que wiyoomo’ne tötö’tajäätödö sha’duminchadö chäwwä; töweesa’dumincha’se’daane töwö, tömaasuduichadö e’nomja’se’da mmaja.


Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.


Lean sinn:

Sanasan


Sanasan