1 CODINTIYO 4:9 - Wanaadi A'deddu

⁹ Ñaa, anonta’como, tameedä dho’näncomooje Wanaadi wwä ñaa dö’jödö nichö’ta. Soto töwäämaamöje e’taajä nönge ñaa tö’tadö na, tameedä täneemöje tödööajä, amoode neneedöcoomoje, soto neneedöcoomoje mmaja.

1 CODINTIYO 4:9 Iomraidhean Croise

DOSECHO 19:29

Yaawä tameedä jataawoncomo cöneewodoicha’to jooje. Tönwanno cönaajoicho Caayo, Adiitaaducu mmaja, ñanno Maasedooniya ñancomo, Paudo jadoncomo. Cöni’jiichöicho yaawä töwe’jummato’como taca.

DOSECHO 19:31

Yäätä cönä’ja’to dea anejjacoomo Aasiya ñancomo cajiichaanacoomo; Paudo jummannamo cönä’ja’to ñanno. Tönwanno tösootoichomo cönaanontoicho Paudo döiña. Edääje ñanno cönä’doa’to Paudo wwä: —Ye’jummato’como taca mma mötäi’che; quee cönä’döa’to.

DOMAANO 8:36

Edääje Wanaadi a’deddu imennaajä nä’döa: Amäädä adheecamjödö jo’tädööje ñaa ja’tä weneeneto weiñäje. Oweeja tamiiñä’caamo nönge ñaa dötä weneeneto; quee imennaajä nä’döa.

1 CODINTIYO 15:19

Eetä cöweicho’comooje mma Quidiito ecaanö’a’jäcä cöwwäiñe, tameedä soto o’näiñe caato wentumje, yääje yeiya’jäcä.

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

2 CODINTIYO 6:9

Aneedawä töjimmä nönge’da soto ñaa dötä weneeneto, aneedawä ’quene töjimmä nönge. Töwäämatoojojaato töneene ñaa weichaame nudä dea ñaa na; tömaamincha ñaa weichaame mmaja, ääma’da ñaa na;

1 TEESADOONISENSE 3:3

aweejäduuquejöödöcoomo queiñe mmaja mädä äwäntunamjödööcomo e’nei. Änwanno odhoowanääcäiñe na mädääje töwäntunaanö’aamoje cöweichöcoomo.

EEWEDEO 1:14

Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.

EEWEDEO 10:33

Änwanno soto wwäiñe mä’quiiñeme’jotääne, mätä’maminchajootäne dea tameedä täneemöje. Ajimmotoncomo wätä’maminchajoodawäiñe äwwäiñe mmaja yää se’ne cönä’ja’dea, äwäätä’maminchajoodöcoomo awooto wa’cä mmaja.

EEWEDEO 11:36

Dhantai töwäätana’tajoojä’e töweiye cönä’ja’to, töwaataiju’jojä’e mmaja, cadheena que’jödöödä töwä’möjoojä’e töweiye cönä’ja’to dea, jedeesoje töwä’döjoojä’e mmaja.