1 CODINTIYO 4:8 - Wanaadi A'deddu

⁸ Chäänönge jaiño maato dea eduuwä; tameedaasa äwwäiñe töweiye na. Cajiichaana wa’cä maato eduuwa; ñaa mmaane ema’jödööje ñaa mödööato. Cajiichaanaje mmädääne awei’sheiñe wa, cajiichaanaje weiñä ajaadäiñe ñaa onoonejaiyede yaawä.

1 CODINTIYO 4:8 Iomraidhean Croise

MATEO 5:1

Ñanno jooja’como soto eneea’jäcäiñe Jesuuquidiito wwä, töwö cönaatajiimai jöö de’wä. Ñoowanoomadö cöne’jummaicho yaawä dhawoodhecääcä.

DUUCA 6:25

“Wentumje maato’de änwanno jooje töwääwashinchä määnetäänedö; ämi miyeetuncaato’de yaawä. “Wentumje maato’de änwanno eduuwa töwa’seuwa’como; änwanno maamoaato’de wentumje aweichöcoomo e’nei.

DOSECHO 26:29

Paudo cönä’döaacä yaawä: —Eduuwa mmädä jeiñe mma, äcuude’cä jeiñe mma, chäänönge mmaja. Yaawääne’, öwö waadöje mmaja awei’she wa, jedeesoje’da mmaane. Amäädä mmajöönö yääje awei’she wa, tameedä canno eduuwa ya’deddu netaatoodö mmajaane; quee cönä’döaacä Paudo.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

1 CODINTIYO 1:5

Quidiito jadä aweichomjäcä tameedä Wanaadi nutuudu aashichaato äwwäiñe na, awa’deuto’como, tösejjeque aweicho’como mmaja.

1 CODINTIYO 4:18

Dhantai adhantawäiñe o’jodhaato wa’cä nääcanö’aato, adöiñaiñe tä’da weiyaatäi.

1 CODINTIYO 5:6

O’jodhe chö’tajä’jai’cha maato mädä ännödööcomo jäcä. ¿Odhoowanääcäiñe’da ca’ nai yää edääje wä’dönä weneenedö: “She’caasa ummannä’cajootojo yeichaame tameedä tunummannä’ca;” quee?

2 CODINTIYO 11:1

Aashichaane etaatäcä mädä tö’jecaato nönge ya’deuwaadö äwwäiñe.

2 CODINTIYO 13:9

Yääje yeijäcä cone’da ännö’da ñaa na jäduuje’da töweichö, jäduuje dea aweiya’comjäcä änwanno. Wanaadi wwä wa’deunäje dea ñaa na’de chäänönge jeene äwä’dödööcomo wetä.

CAADATA 6:3

Ñäädä o’jodhaato tö’tajäätödö, o’jodhe’da töweichaame, töwö dea nätäncu’ta.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

JIDIIPENSE 2:12

Yääje yeijäcä, jimmä umjummadö, ajaadäiñe weichö öwö woije tönnöe mä’ja’quennöje dea eichäcä, jooje’cä mmaane eduuwa ajaadäiñe’da weijäcä. Töwääwanaaca aweichöcoomo jäcä oowoinchatääcä, o’jodhe ätö’tajä’ancädäiñe’da, tönoiñe äneetä aweiyancädäiñeene.

APOOCADIISI 3:17

Edääje äwä’dödö amäädä: “Tönsomaaque wa öwö; jooje öncana’cadö na. Tujummaamö ’je’da na eduuwa öwwä;” quee äwä’dödö. Yaawääne’ äntö’tammecö’da ma wentumje aweichö, ema’jödööje aweichö mmaja, tönsomaaque’da aweichö mmaja, tänuuque’da aweichö mmaja, töwonque’da aweichö mmaja.

APOOCADIISI 5:10

Cajiichaanaja’comooje ñaa mödööne, Wanaadi wwä töwa’deuwaamoje mmaja. Nono de’wä cajiichaanaje ñaa na’de; quee cöneecanta’ña’to.