1 CODINTIYO 4:5 - Wanaadi A'deddu

⁵ Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

1 CODINTIYO 4:5 Iomraidhean Croise

MATEO 10:26

“Yääje yeijäcä soto mma monnontätäi’che. Tameedä tacaademjönö töweecataamöje na. Tameedä etoone’taajä töwääcatu’nacaamöje na dea.

MATEO 24:30

Yaawä caju ña näänea’de Soto nnedö cu’tädö. Tameedä soto edä nono de’woncomo naamoaato’de yaawä. Soto nnedö neneeaato’de yaawä, ca’dutu de’wä yeejödö, jäduuje, tawaanato töjääcä.

MATEO 24:46

Ta’cwaiñe eijai ña ñäädä dhanoonö chäänönge tanontä’jödö tödöödöje tädhaajä wwä töwoojodööja’jäcä.

MATEO 25:21

Chäädhajä cönä’döaacä yaawä: “Chäänönge na, amäädä yaanonö aashichaato, chäänöngato mmaja. Aashicha mödööne ataadawaajui she’coto’cä. Eduuwa ataadawaajui wecamma adai’joto jaiñoone. Ta’cwaiñe eijai ma eduuwa öwö jaadä;” quee cönä’döaacä chäädhajä.

MATEO 25:23

Chäädhajä cönä’döaacä yaawä: “Chäänönge na, amäädä yaanonö aashichaato, chaanöngato mmaja. Aashicha mödööne ataadawaajui she’coto’cä. Eduuwa ataadawaajui wecamma’de adai’joto jaiñoone. Ta’cwaiñe eijai ma eduuwa öwö jaadä;” quee cönä’döaacä chäädhajä.

DUUCA 6:37

“Ajimmotoncomo mma manemmencatäi’che, Wanaadi wwä mma mätämmencajooto’node änwanno. Anejja chäänöngemjönööje mane’tätäi’chede, yääje mmaja mätä’täjooto’node Wanaadi wwä. Conemjönö äjääcäiñe ajimmotoncomo nödöödö tönencwanno’joone eichäcä, ocoone’nadiiyöcoomo ätäncwanno’joiyede.

JUAN 21:22

Yaawä Jesuuquidiito cönä’döaacä chäwwä: —Öwö weejödö wa’cä ääma’da tödö’se weiya’jäcä, cone’da tödööjai’cha ma. Amäädä mmaane waanontädö woije eichä’de; quee.

JUAN 21:23

Yäätonno ñäädä ääma’da yeichojo töneecamma töweiye cönä’ja’to Quidiito sotoi. Jesuuquidiito ääma’da yeichojo aneecamma’da yei’jödö weichaame. Edääje mmaane cönä’döaacä: “Öwö weejödö wa’cä ääma’da tödö’se weiya’jäcä cone’da tödööjai’cha ma;” queene cönä’döaacä.

JUAN 5:44

¿Aaquene änwanno mmädä maneecanö’tädööde’ ? Änwanno awaacö’comje naadö naane’ aashicha soto wa’deuwödö äjääcäiñe, Wanaadi yäätonno ’jemjönö necammadö ämjumma’da.

DOMAANO 14:4

¿Änääcö amäädä anejja sotoi chiiñemeecödö wetä? Chäädhajääne mädä encano’täjai ña, chäänönge yeichö jeiñe mma, chäänönge’da yeichö jeiñe mma. Chäänöngeene na’de, Cajiichaana Jesuuquidiito jäduuje yeijäcä mädä tödöödö jäcä.

DOMAANO 2:1

Yääje yeijäcä awa’deutojo ’je’da na amäädä töweichacoono a’de’tänei. Aweichacoono a’de’tädö que amäädä mmaja mata’de’ta dea, yää dea tönnöeene aweiyajä. Amäädä äwwä a’de’tätaame mödööa dea töwö iiñödö nönge.

DOMAANO 2:16

Yää anooto awä töwö Wanaadi Jesuuquidiito wwä nemmencaja’de tameedä tacaademjönö soto nödöödöcoomo. Mädääje na; mädääje dea aashichaato wätunnä töneecammajä’e wäänene.

DOMAANO 2:29

Ñäädääne judhío neeneje na, tötö’tajäätödö aiño wäänejoodööne; tötö’tajäätödö jäcoono mmaja yää siicunsidaadoje weiñä chäänöngato. Yääje weiñä töweiye nai waanontänä imennaajä woije weiñä que’da, Epíiditu Santo ne’se’tädö woijeene. Ñäädä yääjato jäcä Wanaadi aashicha na’deuwa, sotoojönööne.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

1 CODINTIYO 1:7

Yääje yeijäcä Cajiichaana Jesuuquidiito wäänejoodö miyoomo’catoodö wadaadäädä a’que’da na Wanaadi nutuudu äwwäiñe.

1 CODINTIYO 11:16

Anejja mädä jäcä töwenta’mecö’se töweiya’jäcä towaanäcä nödö’ñojo anejjeja ännö’da ñaa weichö, tameedä quedeiyentecoomo jataadöcoomo waadäi.

1 CODINTIYO 11:26

Yääje yeijäcä Jesuuquidiito weejödö wa’cä töwö yääma’jödö meneejaato yää uu täcuudu waadäi, tängemö enöödö waadäi mmaja.

1 CODINTIYO 15:23

Cöwaadäiñe cucu’nädööcomo awä caadoncaato’de. Quidiito awa’deetoje cönaadoncai; yaawä töwö ye’a’jäcä, shootoi chaja naadoncaato’de.

1 CODINTIYO 3:13

Chääwaadäiñe chaadawaajuichomo’jödö nääne’ju’ja’da wätämmencajootojo anootoi’chädö awä. Wa’to nene’ju’ja’de; wa’to que toneeja na’de tameedä chaadawaajuichomo’jödö, aashicha yeichö eneedö, cone’da yeichö eneedö jeiñe mma.

1 CODINTIYO 3:14

Yää maa amääajä ätucca’da yeiya’jäcä, töweiye na’de amäänei’jödö eje’jödö.

1 CODINTIYO 3:8

Äänönge naato ñaatö’tänei’jödö acä töjöönei’jödö; chääwaadäiñe chääje’jödö nä’tua’de chaadawaajuichomo’jödö ’cäwa’cä mma.

2 CODINTIYO 10:18

Ñäädäjöönööne chäänönge na, töwö deaato wääcammadööjönööne; ñäädääne chäänönge na, Cajiichaana necammadööne.

2 CODINTIYO 10:9

Adheecatoncato’comooje’da äwwadäädäiñe tömmennä wäänene.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.

1 TEESADOONISENSE 5:2

Änwanno odhoowanääcäiñe na Cajiichaana we’tojo ätö’tajäätödööcomo ’nawä, coijai tämeenato weejödö töweiye naichöje.

EEWEDEO 4:13

Ane’cä’cä tödööajä ’je’da na Wanaadi wwä ootone’täjaicho. Tameedä täne na chäwwä, tacaade mmaja, ñäädä cämmencaneichomooje töweiyemö wwä.

SANTIYAACO 4:11

Jimmä, ajimmotoncomo änquimmajäätö’daane eichäcä. Ñäädä töweichacoono chiimajä’nei, töweichacoono a’de’tänei mmaja, Wanaadi waanontädö nichiimajä’a; Wanaadi waanontädö nemmenca dea. Waanontä’jä emmenca’jäcä äwwä, waanontä’jä tödööneijönö yaawä amäädä, emmencanei mma.

SANTIYAACO 5:7

Yääje yeijäcä jimmä, aashicha tönshinchä eichäcä, Cajiichaana weejödö jonaane. Tönaudäcaato töweiye naichö naane’; töwö töquinchancädä’da conoojo wiiñadö jäcäinchädä tu’que yeichö waajäntädö niyoomo’ca, yä’cadö mmaja, yaawä jeene tönaichödö wau’cwangajä shoomadö wetä.

SANTIYAACO 5:9

Jimmä, ajimmotoncomo änquimmajä’tä’daiñe eichäcä, conemjönööje mma mätä’täjooto’no. Ñäädä Wanaadi, Ämmencanei, amoinche’da nä’döi eduuwa, mönaatajo weiñä töweiye naichöje.

1 PEEDHODO 1:7

Yää wäntunaanö’nä aneecamjödööcomo noneeja, chäänönge yeichö eneejodö wetä. Oodo töweiye naichö naane’, töwaatameemöje yeichaame wa’to que choonecaadö. Töwaacö’je aneecamjödööcomo, oodo e’jodhe’cä täje yeiyajä. Chäänönge aneecamjödööcomo wääneja’jäcä Wanaadi äjääcäiñe aashicha na’deuwa’de yaawä, awa’deme’cato’dede, aashicha ayöödöaato’dede, Jesuuquidiito wääneja’jäcä.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.

2 PEEDHODO 3:12

Wanaadi we’tojo anootoi’chädö womo’cancädä eichäcä, ene’jancädä mmaja. Yää anooto awä caju nemjanga’de, töwaatameedöje mma; tameedä caju ña naadö mmaja nichuunata’de tödhaatudu que.

2 PEEDHODO 3:4

Edääje nä’döaato’de: “¿Äsha’cä Quidiito nä’döi, ñäädä yeejödö cönäätäcamma’dö? Chäänönge dea dajaane weiñä weneene, cadai’choncomo’jödö wä’jajo’jocoomo jonnoto’jödöödä, edä nono tödö’jödö jonnoto’jödöödä töweiye cönä’ja’döje dea;” quee nä’döaato’de.

JUUDHA 1:14

Ñanno jäcäiñe Enooco cöneecammajäätöi, ñäädä Adhán jonno aacä amoojatooto soto adaichö. Edääje Wanaadi woije ñäädä Enooco cönä’döaacä: “Cajiichaana weejödö weneeaqueene wannacoomo tösootoi aashicha’como jadäiñe,

APOOCADIISI 1:7

Eneetäcä’de’ma, ca’dutu de’wä Quidiito weejödö. Tameedä soto neneeaato’de yaawä, ñanno töwännamo’jödö mmaja. Tameedä soto weichöcoomo wa’cä naamoaato’de eneedö’jo. Mädääje na.

APOOCADIISI 20:12

Weneeaquento yaawä tameedä yä’ja’a’como, ñanno täneejuca’como’jödö, soto mmädä mmaja; jiidi cönä’ja’to Wanaadi mudei je’taca. Jajeeda cönaata’ducaajätöi yaawä. Anejja jajeeda mmaja cönaata’ducai chea, yää weichojo jajeedai’chädö. Yä’ja’a’como cönä’mencajoicho yaawä, jajeedä jäcä iiñö’jocoomo imennaajä woije.