1 CODINTIYO 4:12 - Wanaadi A'deddu

¹² Töquincha ñaa wä’döaajä na töweetadaawa’cajootö. Soto wwäiñe ñaa quimmajäätödö töneccujä’e ñaa weneene aashicha wa’deunä que. Chäwwäiñe ñaa maminchadö tönshinchä ñaa weneene.

1 CODINTIYO 4:12 Iomraidhean Croise

MATEO 5:11

“Ta’cwaiñe eijai maato änwanno soto wwäiñe adheetana’ta’comjäcä, amaamincha’comjäcä mmaja, jönaawä adheementa’comjäcä mmaja, sootoije aweichöcoomo jo’tädööje.

MATEO 5:44

Öwö mmaane yääje wä’döa äwwäiñe: Ätu’de’tännamo jadä’jödöödä ijummatääcä. Adheunenaamo wwäiñe aashicha adha’deutäcä. Aashicha tödöötäcä aquiiñeme’nnamo. Wanaadi wwä adha’deutäcä adheetana’tännamo jäcäiñe, amaaminchannamo jäcäiñe mmaja.

DUUCA 23:34

Yääje mma yaawä cuduusa jäcä tajoijodaawä Jesuuquidiito cönä’döaacä: —Jaaja, choone’nadiiyöcoomo encwanno’joca; towaanojöönöcoomo mädääje nödööaato; quee cönä’döaacä. Yaawä ñanno suddau yoomö’jödö töwaadäiñe cöneemecantoicho, wä’cana’canä tödöödö’jo.

DUUCA 6:28

Adheunenaamo wwäiñe aashicha adha’deutäcä. Wanaadi wwä adha’deutäcä adheetana’tännamo jäcäiñe.

JUAN 15:20

Ätö’tatääcä äwwäiñe wa’deuwö’jödö jäcä: Dhanoonö tädhaajä e’jodhe’da töweiye nai; quee wä’dö’jödö jäcä. Ñanno öwö maaminchaneetodö, amaaminchatantäi’chede; ñanno ya’deddu etannamo’jödö, adha’dedducoomo mmaja netaato’dede.

DOSECHO 18:3

Töwö chääjadäiñe cönä’jaacä yaawä, yää dea tötaadawaajuichomo weijäcä. Tujuumä töweetadaawa’cajo cönä’ja’to yaawä doona acaajödö jäcä.

DOSECHO 20:34

Odhoowanääcäiñe öwö dea töweetadaawa’cajo wei’jödö umjummadö ejeematoojoje, jaadoncomo nijummadö ejeematoojoje mmaja.

DOSECHO 7:60

Yaawä tä’mudhe töwä’dödö’jo töcä’de cöna’deuwöi; cönä’döaacä: —Cajiichaana, encwanno’jocä mädä conemjönö nödööaatoodö; quee. Yääje töwa’deuwödö’jo cönäämai yaawä.

DOMAANO 12:14

Aashicha adha’deutäcä amaaminchannamo jäcä; aashicha Wanaadi wwä chääjäcäiñe adha’deutäcä, cone’da’daane.

DOMAANO 12:20

Edääje mmaja Wanaadi a’deddu imennaajä nä’döa dea: “Ämiije ätu’dedö weiya’jäcä, ewanshinchäcä; emjätö’se yeiya’jäcä, yoocödö änu’cä. Mädääje äwwä tödööa’jäcä ijöichojoojai ma yaawä; cone’da töwö ä’döjoojai ña yaawä;” quee imennaajä wä’dödö na.

DOMAANO 8:35

Yääje yeiya’jäcä ¿ane’cäämö cösancwajoojai ñai Quidiito jonno, cujummatäiñe’da yeichö wetä yaawä? ¿Wäntunaanö’nä ’ja, cone’da weiñä ’ja, wätä’maminchajoonä ’ja, ämi dhetuncadö ’ja, töwonque’da weiñä ’ja, tönoiñato ’ja, wäämanä ’ja? Ng’jn, tameedä mädoocomo cösancwajoojaiñe’da na Quidiito jonno, cujummatäiñe’da yeichö wetä.

1 CODINTIYO 9:6

¿Ñaa mma ca mädääje ñaa nai Waanawé acä, etaadawa’cajo’da eijai’cha aashichaato wätunnä ecammajä’taame ñaa wwä?

2 CODINTIYO 11:8

Anejjacoomo quedeiyentecoomo wwä töneiye wä’jaaquene jödaata inchuduucomo, adhantawäiñe weetadaawa’cajootojooje.

EUJEESIYO 4:28

Ñäädä tämeenato’jödö tämeene’da nei’ñojo eduuwa; töweetadaawa’cajoone netaadawa’cajo’ñojo. Tamäädö que tadaawaaju aashichaato nödö’ñojo, chäwwä töweiye yeichö wetä yaawä a’ca’como wwä tu’emö.

1 TEESADOONISENSE 2:9

Änwanno jimmä, odhoowanääcäiñe na jooje töwäntunamjödö que töweetadaawa’cajo ñaa wei’jödö, täwanshiñö cana’catoojo ejoodödö jäcä. Töweetadaawa’cajo ñaa cönä’jaacä ano, coijai’jödöödä, ännödööcomo anaatameecö’da ñaa weichö wetä, ñaa wwä Wanaadi wätunnäi aashichaato ecammajäätödaawä äwwäiñe.

2 TEESADOONISENSE 3:8

täjeema’da’da töwääwashinchä ñaa cönä’ja’dea. Ñaa dea töweetadaawa’cajo ñaa cönä’jaacä ano, coijai’jödöödä, töwäntunamjödö que, töwänshiñö ejoodötoojo cana’cadö wetä, adheemu’däneichomooje’da ñaa weichö wetä.

1 TIIMOTEO 4:10

Mädä jäcäinchädä dea töweetadaawa’cajo cäänetääne, töwäätana’tojo cäänetääne dea, Wanaadi nudooto ecamjödö weijäcä cöwwäiñe, ñäädä tameedä soto Ewaanacaaneichomo, töwaacö’je ñanno täcaanö’nnamo.

1 PEEDHODO 2:23

Töwö tutuushimaadawä oojo’tä’da cöneiyacä. Täntunamjödaawä äncu’nä’täjäätö’da cöneiya’dea. Töwä’tue mmaane cönä’tui Wanaadi wwä, ñäädä chäänönge ämmencanei wwä.

1 PEEDHODO 3:14

Yaawääne’ aashichaato tödö’jödö weichaame äwäntunaanö’a’comjäcä, ta’cwaiñe eijai maato. Anejjacoomo monnontätäi; määcatoncatäi’chede.

1 PEEDHODO 3:9

Conemjönö que mmaja conemjönö maneemetaacamaatäi’che. Ätuushimaajätöödawäiñe wä’tushiimanä que mmaja moojo’tätäi’che. Aashichaato que mmaane emeetacaamatääcä’de. Yääje töweiyaamoje ta’dejja maato, Wanaadi nutuudu aashichaato äwwäiñe yeichö wetä.

1 PEEDHODO 4:19

Yääje yeijäcä ñano Wanaadi woije töwäntunaanö’aamo aashichaato tödöödöje dea nei’ña’to. Tödo’tadööcomo nedai’chojo’ña’to Wanaadi wwä, ñäädä tamoode’näneichomo’jödö chäänöngato wwä.

JUUDHA 1:9

Yaawä Moisé equeejödö jäcä odo’sha acä töwäätäccujäätödaawäiñe ñäädä Miqueede, Wanaadi amoodedö edhaajotoncomoodä, odo’sha äncu’nä’täjäätö’da cöneiyacä. Edääje mma töwö cönä’döaacä chäwwä, odo’sha wwä: “Cajiichaana adheuwa’de;” quee mma cönä’döaacä chäwwä, odo’sha wwä: “Cajiichaana adheuwa’de;”quee mma cönä’döaacä.